Nau Hôr 1:19 - Nau Brah Ndu Ngơi 2023

¹⁹ Nây jêng nau ơm nal ma phung kơnh sa drăp ndơ mâu geh nau sŏng; Phung geh drăp ndơ nây mra ƀư roh nau rêh khân păng nơm.

Nau Hôr 1:19 ပူးပေါင်းရင်းမြစ်များ

Ndrom Samƀŭt bơh Yôp 31:39

Tơlah gâp sa play păng ƀiălah mâu mplơ̆ prăk, Ăn nau khĭt ăn ma nơm tơm păng,

Nau Mprơ Ơm 7:16

Nau tih mhĭk păng mra nkhŭt ta klơ bôk păng. Jêh ri nau rêh ni mra tŭp ta klơ ndăr kleng păng nơm.

Nau Hôr 1:20

Nau blau mĭn kuăl nter huy rŏ trong ƀon toyh, Nter huy ngăn ta ntŭk nkual nây;

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Nau Hôr 29:24

Mbu nơm tâm rnglăp ndrel bunuyh ntŭng jêng rlăng đah huêng păng nơm; Păng tăng nau rak rtăp ƀiălah mâu mpơl ôh du ntil nau.

Nơm Nti 5:13

Geh du nau mhĭk jru ngăn gâp saơ tât geh tâm dâng nar: Geh bunuyh prăp bun drăp ndơ Ƀiălah dơn nau rêh ni ma păng nơm.

Habakuk 2:9

Rêh ni ngăn ma nơm joi sa kao mâu tâm di nsĭt ma ngih vâl păng, Gay ƀư ntŭk gŭ ma păng nơm ta ntŭk prêh klơ, Ŭch ma klaih bơh ti phung mhĭk.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

Yôsuê 7:21

Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.