Nau Hôr 1:15 - Nau Brah Ndu Ngơi 2023

¹⁵ Hơi kon gâp, lơi ta tĭng ôh trong khân păng, Nkân hom jâng may klaih bơh trong khân păng,

Nau Hôr 1:15 ပူးပေါင်းရင်းမြစ်များ

Nau Mprơ Ơm 1:1

Ueh maak yơh ma mbu nơm Mâu hăn tĭng ôh tâm nau nchră phung mhĭk, Mâu lĕ dâk tâm trong nau phung tih, Mâu lĕ gŭ ngau ndrel ma phung mưch.

Nau Mprơ Ơm 119:101

Gâp nkân jâng gâp bơh lĕ trong mhĭk, Gay ma gâp djôt prăp tĭng nau May ngơi.

Nau Hôr 1:14

Phung he nchroh hom tâm pă ndrăng nơm, Lĕ rngôch phung he mra geh nsum du dŭng prăk.”

Nau Hôr 13:20

Mbu nơm dơh dăch đah bunuyh blau mĭn mra dơi jêng blau mĭn, Ƀiălah mbu nơm ƀư jiăng đah bunuyh rluk mra dơn nau roh rai.

Nau Hôr 24:1

Lơi keh nach ôh đah phung mhĭk, Mâu lĕ ŭch gŭ ndrel ma khân păng.

Nau Hôr 3:31

Lơi keh nach ôh đah nơm djơh janh, Mâu đŏng tĭng ndô̆ trong păng;

Nau Hôr 4:27

Lơi teng ôh pa ma mâu lah pa chiau; Ăn jâng may der hom bơh ntŭk nau mhĭk.

Nau Hôr 5:8

Mât hom trong may bah ngai ma păng, Lơi hăn dăch ôh trong lăp ngih păng;

Nau Hôr 9:6

Chalơi hom nau rluk mra dơi rêh, Jêh ri chuat hom tĭng trong nau gĭt rbăng.”

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.