Nau Hôr 1:12 - Nau Brah Ndu Ngơi 2023

¹² Phung he mra rvăn rêh khân păng nâm bu ƀon phung khĭt, Jêh ri rvăn glŏm nâm bu phung hăn trŭnh ma ntu môch;

Nau Hôr 1:12 ပူးပေါင်းရင်းမြစ်များ

Nau Mprơ Ơm 124:3

Tơlah Brah Yêhôva mâu koh dŏng he, Khân păng rvăn rêh jêh he;

Nau Mprơ Ơm 143:7

Ơ Brah Yêhôva! Gơnh plơ̆ sǐt lah nau gâp dăn! Huêng gâp rgănh huơi. Lơi pôn măt May ma gâp, Klach lah gâp tâm ban ma phung jŭr ta môch.

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Nau Mprơ Ơm 35:25

Lơi ăn khân păng lah tâm nuih n'hâm pô aơ: “Ah ha! He dơi geh nau he ŭch jêh.” Mâu lĕ ăn khân păng lah: “He hŏ rvăn rêh jêh păng.”

Nau Mprơ Ơm 5:9

Yorlah trôm mbung khân păng mâu nanê̆, Nuih n'hâm khân păng bêng ma nau ƀư rai, Ko khân păng nâm bu môch pơk lơi, Mpiăt khân păng ngơi ma nau nklă.

Nau Mprơ Ơm 57:3

Păng ăn nau tâm rklaih ma gâp tă bơh trôk. Ăn ma phung tŭn jot mra geh nau bêk prêng, nau ƀơ̆ ƀơch. (Sêla) Brah Ndu ăn nau ueh jêh ri nau răp jăp Păng ma gâp.

Nau Hôr 1:13

Phung he mra dơi geh ăp ntil drăp khlay, Ngih he mra bêng ndơ pit in;

Yêrêmi 51:34

“Y-Nêbukatnetsar, hađăch Babilôn, hŏ rvăn jêh hên, Ƀư nchah rai hên; Hađăch nây ƀư ăn ma phung hên jêng du mlâm yăng nsoih, Rvăn hên nâm bu mpa bri toyh rvăn ndơ sa, Păng sŏk ndơ sa kah hên mbêng bêng ndŭl păng, Jêh ri mprơh hên hăn du.”

Nau Nhĭm Vơl 2:16

Lĕ rngôch phung rlăng may Hă mbung tâm rdâng đah may; Khân păng nsŭch, rket sêk, jêh nây lŭng nter: “He ƀư rai jêh păng! Aơ jêng nar he gŭ kâp gân, He hŏ dơi ngăn jêh, hŏ dơi saơ jêh!”

Nau Nhĭm Vơl 2:5

Kôranh Brah lĕ jêng phung rlăng, Păng rvăn phung Israel; Păng rvăn lĕ rngôch ngih hađăch păng, Ƀư rai lĕ ƀhiau pôih nâp, Ƀư ăn ma kon bu ur Yuđa Ntop nau klâng ndrê rêh ni.

Nau Kơp Bunuyh 26:10

Neh hŏ hă mbung rvăn bar hê khân păng ndrel ma Y-Kôra, lĕ bunuyh hăn tĭng khân păng khĭt da dê, tơlah dôl ŭnh sa bar rhiăng prăm jât bunuyh. Khân păng dơi jêng du nau ngơi nkah ma phung ƀon lan.

Samƀŭt Pôl Njuăl Ăn Ma Phung Nsing Ta Ƀon Rôm 3:13

“Rmlông khân păng nâm bu trôm môch pơk huy;” “Khân păng dŏng mpiăt khân păng nơm mƀruh nchơt bu; Kăch bêh khih pôn tâm dâng ndôi khân păng.”