Nahum 3:13 - Nau Brah Ndu Ngơi 2023

¹³ Aơ, phung tahan may Jêng phung bu ur gŭ ta nklang may. Lĕ mpông ƀon bri dak may Mra pơk huy ma phung rlăng; Ŭnh sa rvăn jêh lĕ mâng rnăng mpông!

Nahum 3:13 ပူးပေါင်းရင်းမြစ်များ

Nau Mprơ Ơm 107:16

Yorlah Păng ƀư chah jêh mpông pêr kông Jêh ri nkê̆ch lơi lĕ mâng loih.

Nau Mprơ Ơm 147:13

Yor Păng hŏ ƀư nâp jêh mâng nđăng mpông pêr may, Jêh ri ăn nau ueh uĭn ma phung kon may ta nklang may.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Yêrêmi 50:36

Ăn geh tak đao tât ma phung nơm mbơh lor nklă, Ƀư ma khân păng jêng nơm rluk! Ăn pêh đao tât ma phung tahan janh ktang, Ƀư ma khân păng klach krit!

Yêrêmi 50:37

Ăn tak đao tât ta klơ seh jêh ri ndeh seh, Ma lĕ rngôch phung ƀon lan gŭ tâm pot tâm nklang păng, Ƀư ma khân păng jêng bu ur! Ăn đao tât ma lĕ rngôch jay prăp drăp ndơ khlay, Ƀư ma khân păng bu ntŭng lĕ!

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Apdia 1:9

Hơi bri Têman, phung tahan may mra uh ah; Bu mra nkhĭt jêh ri ƀư rai lĕ rngôch bunuyh tă bơh yôk Êsau.

Nahum 2:6

Bu pơk lĕ mpông pêr dak n'hong, Ngih hađăch mpât n'gơ da dê.

Nahum 2:7

Bu sŏk lĕ ndơ nkrơ̆ ur hađăch jêh ri jêng bu nă; Phung oh mon bu ur ndoch ntang ntơh, rđêng nâm bu plŭk.

Nahum 3:15

Ta nây, ŭnh mra sa hŭt may, Đao mra ƀư rai may; Păng mra sa rvăn may nâm bu krah sa ndơ tuch tăm. Bĭk rơ̆ hom nâm bu krah grăch, Bĭk rơ̆ hom nâm bu krah nsăt!