Mika 7:19 - Nau Brah Ndu Ngơi 2023

¹⁹ Păng mra hôm yô̆ nđach ma hên, Jot mpet nau djơh mhĭk he tâm dâng jâng Păng Jêh ri klŭp lơi lĕ rngôch nau tih hên Jŭr tâm dâng săt dak mƀŭt.

Mika 7:19 ပူးပေါင်းရင်းမြစ်များ

II Samuel 24:14

Y-Đavit lah ma Y-Gat: “Gâp tŭp tâm nau rêh ni toyh ngăn! Pônây, ăn he tŭp tâm ti Brah Yêhôva, yorlah nau Păng yô̆ nđach toyh ngăn; ƀiălah lơi ăn gâp tŭp tâm ti bunuyh ôh.”

Nau Mprơ Ơm 103:12

Ndah nâm ngai mpeh luh nar đah mpeh nhâp nar, Pôri đŏng Păng sŏk nkhah lơi nau tih he ngai đah he dŭm âk.

Nau Mprơ Ơm 130:8

Păng yơh mra tâm chuai phung Israel Bơh lĕ nau mhĭk.

Nau Mprơ Ơm 85:3

May sŏk sĭt lơi jêh nau May ji nuih, Ƀư bah nau May ji nuih.

Êsai 33:24

Mâu geh du huê bunuyh ƀon lan mra lah, “Gâp ji.” Phung ƀon lan gŭ ta nây mra dơi yô̆ nau tih.

Êsai 38:17

Aơ, nau rngot gâp Plăch jêng nau đăp mpăn! Kôranh Brah hŏ rŏng ma huêng gâp, Djôt ngai bơh ntu kuyh ƀư rai, Yorlah Kôranh Brah klŭp jêh lĕ rngôch nau tih gâp Luh pakơi May.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 33:8

Gâp mra ƀư kloh lĕ rngôch nau mhĭk khân păng hŏ ƀư tih jêh ma Gâp, yô̆ an lĕ rngôch nau tih khân păng hŏ ƀư tâm ban ma nau tih uh ah tâm rdâng đah Gâp.

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Nau Nhĭm Vơl 3:32

Nđâp tơlah Păng ƀư nau rngot rvê, Păng hôm e yô̆ nđach Tĭng nuih n'hâm ueh Păng toyh ngăn;

Êsêkiêl 18:22

Mâu geh du ntil nau tih păng hŏ ƀư mra kah gĭt tay gay ma tâm rdâng đah păng. Păng mra rêh yor nau sŏng srăng păng hŏ ƀư jêh.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Sakari 3:4

Tông mpăr nây lah ma phung dôl dâk tanăp păng: “Doh hom ao uk tă bơh nơm nây.” Jêh ri tông mpăr lah ma Y-Yôsuê: “Uănh hom, Gâp hŏ sŏk lơi jêh nau kue tă bơh may, jêh ri Gâp mra ăn may nsoh ao ueh.”

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 8:12

Yorlah Gâp mra mpơl nuih n'hâm yô̆ nđach đah nau djơh mhĭk khân păng, Jêh ri Gâp mâu hôm kah gĭt ôh ma nau tih khân păng đŏng.”

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.