Mika 7:17 - Nau Brah Ndu Ngơi 2023

¹⁷ Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Mika 7:17 ပူးပေါင်းရင်းမြစ်များ

II Samuel 22:46

Phung bu năch mra rdja nuih, Jêh ri văch râm sâr tă bơh ntŭk khân păng nde krap.

II Nau Rêh Jêng 17:10

Brah Yêhôva ƀư ăn ma lĕ bri dak văr jŭm n'gor Yuđa geh nau klach, khân păng mâu janh tâm lơh ôh đah Y-Jôsaphat.

Nau Mprơ Ơm 18:45

Phung bu năch rai lêk da dê nau rdja nuih, Chalơi pôih tahan ran lăp tâm nau nsâr râm.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Nau Mprơ Ơm 72:9

Phung gŭ tâm bri rdah mra chon mbah tanăp măt hađăch, Jêh ri phung rlăng hađăch mra ler ndruyh neh.

Nau Mprơ Ơm 9:20

Ơ Brah Yêhôva; ƀư ăn khân păng klach krit. Ăn phung ƀon lan gĭt khân păng jêng knŏng bunuyh nglay săk. (Sêla)

Êsai 25:3

Yor nây, du phung ƀon lan ktang mra tâm rnê May; Ƀon ma lĕ bri dak janh ƀai mra klach yơk ma May.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 64:2

Tâm ban ma ŭnh sa long kro, Tâm ban ma ŭnh ƀư khuh dak, Gay ăn phung rlăng đah May gĭt amoh May, Jêh ri lĕ phung ndŭl mpôl bunuyh râm nsâr tanăp May.

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Êsai 7:19

Lĕ rngôch khân păng mra văch tâm lĕ rngôch rlŭng jru, tâm lĕ mpir lŭ, lĕ trôm lŭ, tâm lĕ rngôch pŭm lok jêh ri ndrêch gơ̆.

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Nau Nhĭm Vơl 3:29

Ăn mbung păng chŭm ndruyh neh! Klăp lah hôm geh nau kâp gân;

Sakari 14:5

Khân may mra nchuăt du tâm rlŭng ăp yôk Gâp, yorlah rlŭng yôk nây jong mra tât ta ntŭk Asal. Khân may mra nchuăt du nâm bu khân may hŏ nchuăt jêh nôk n'găr neh ntu tâm rnôk rô̆ Y-Usia hađăch n'gor Yuđa. Nôk nây, Yêhôva Brah Ndu gâp mra văch, jêh ri lĕ rngôch phung kloh ueh gŭ ndrel ma păng.

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.

Yôsuê 9:24

Khân păng plơ̆ lah ma Y-Yôsuê: “Yorlah phung oh mon may gĭt nanê̆ ngăn Yêhôva Brah Ndu khân may ntăm jêh ma Y-Môis, oh mon Păng, ăn lĕ n'gor aơ ma khân may, jêh ri ƀư rai lĕ rngôch bunuyh gŭ tâm bri nây. Yor nây, hên klach khân may khĭt nau rêh hên rĭ dĭng hên ƀư nâm pônây.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”