Mika 7:15 - Nau Brah Ndu Ngơi 2023

¹⁵ Gâp mra tâm mpơl ma khân păng lĕ nau mbên khlay, Nâm bu tâm lĕ nar khân păng du luh tă bơh n'gor bri Êjipt.

Mika 7:15 ပူးပေါင်းရင်းမြစ်များ

Nau Mprơ Ơm 68:22

Kôranh Brah lah jêh: “Tă bơh Basan Gâp mra njŭn phung ƀon lan Gâp sĭt, Djôt khân păng hao bơh dak rlai jru.

Nau Ngluh Êjipt 3:20

Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 34:10

Brah Yêhôva ngơi: “Aơ, Gâp ƀư du nau tâm rnglăp tanăp lĕ rngôch phung ƀon lan may lĕ kan khlay hâu ngăn, lĕ nau kan ê hŏ mâp ƀư tâm neh ntu mâu lah tâm du bri dak. Lĕ rngôch ntil mpôl bunuyh gŭ jŭm may mra saơ nau kan bơh Brah Yêhôva, yorlah Gâp bơi ƀư du nau kan ma may jêng du nau klach krit ngăn.

Êsai 11:16

Pôri mra geh du trong toyh prăp ma phung ƀon lan Păng hôm e klen, Jêng phung hôm klen bơh bri Asiri; Tâm ban hŏ mâp geh jêh du trong toyh prăp ma phung Israel Tâm nar khân păng luh bơh bri Êjipt.

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?