Mathay 5:48 - Nau Brah Ndu Ngơi 2023

⁴⁸ Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Bunong Bible Latin Script Cambodian dialect

⁴⁸ Lah ndri ăn khân ay may gŭ dŭt ueh hŏm, yorlah Bơ̆ khân ay may i gŭ ta kalơ trôk ri, Păng lĕ dŭt ueh ngăn.”

Bunong

⁴⁸ លាស​នទ្រី​អ៝ន់​ខាន់​អៃ​មៃ​គុ​ទុត​អ្វែស​ហ៝ម់ យ៝រ​លាស​ឞឹ​ខាន់​អៃ​មៃ​អី​គុ​តា​កាលើ​ត្រោក​រី ពាង់​លែៈ​ទុត​អ្វែស​ងាន់”។

Mathay 5:48 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

II Samuel 22:31

Bi ma Brah Ndu, lĕ trong Păng jêng nŭm rĭng, Nau Brah Yêhôva hŏ geh nau rlong uănh kloh jêh. Păng jêng khêl ma lĕ rngôch bunuyh nde krap tâm Păng.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Kan Lêvi 19:2

“Ntăm hom ma lĕ rngôch phung ƀon lan Israel tâm rƀŭn: ‘Ăn khân may jêng kloh ueh, yorlah Gâp jêng Yêhôva Brah Ndu khân may, jêng kloh ueh.

Kan Lêvi 20:26

Ăn khân may jêng kloh ueh đah Gâp; yorlah Gâp jêng Brah Yêhôva, jêng kloh ueh; Gâp hŏ tâm nkhah jêh khân may bơh lĕ phung ƀon lan êng gay ma khân may jêng phung Gâp nơm.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Mathay 5:47

Tơlah khân may knŏng rom oh nâu khân may dơm, moh nau khân may ƀư rlau lơn ma phung êng? Mâu di hĕ phung padih gŭ ngao nâm bu pônây?

Luka 6:36

Yô̆ nđach hom tâm ban ma Mbơ̆ khân may yô̆ nđach.

Luka 6:40

Oh mon mâu rlau lơn ma nơm nti ôh, ƀiălah tơlah oh mon dơi nti bêng tŏng, ri mơ mra tâm ban ma nơm nti păng.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Êphêsô 3:1

Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Nau Vay Nkah Tay 18:13

Ăn khân may gŭ răp jăp nanê̆ ngăn ngên đah Yêhôva Brah Ndu khân may.

Nau Vay Nkah Tay 27:10

Yor ri, ăn khân may rkêng tôr iăt nau ngơi Yêhôva Brah Ndu khân may, ƀư tĭng lĕ nau vay Păng ntăm jêh ri nau vay Păng dăp, jêng nau gâp ntăm ma khân may nar aơ.”

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

Yakơ 1:4

Ƀiălah nau srôih ăn jêh nanê̆ kan păng, gay ma khân may yơh geh nau văch ma toyh, rah vah ngăn, mâu geh du ntil pưt ôh.

I Yôhan 3:3

Mbu nơm geh nau kâp gân aơ tâm Păng, ăn bunuyh nây djôt prăp nau kloh ma păng nơm, nâm bu Păng jêng kloh.