Mathay 5:18 - Nau Brah Ndu Ngơi 2023

¹⁸ Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Bunong Bible Latin Script Cambodian dialect

¹⁸ Gâp lah n'hêl nanê̆ ngăn ma khân ay may, lah trôk, ndrel ma neh ntu ê hŏ lôch ôh, mâu geh ôh roh du rplây rso ta samƀŭt Nau Vay i nây, du ntil ta rplây rso dŭt jê̆ mâu roh đŏng, Nau Kôranh Brah Ngơi i nây hôm ƀaƀơ tât lôch dâng lĕ.

Bunong

¹⁸ គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ត្រោក នទ្រែល​មា​នែស​នតូ​អេ​ហ៝ៈ​លោច​អោស មោ​គែស​អោស​រ៝ស​ទូ​រាព្លៃ​រាឆ៝​តា​ឆ៝ម់បុត​នាវ​វៃ​អី​នៃ ទូ​នតីល​តា​រាព្លៃ​រាឆ៝​ទុត​ជេៈ​មោ​រ៝ស​ដ៝ង់ នាវ​កោរាញ​ឞ្រាស​ងើយ​អី​នៃ​ហោម​បាបើ​ត៝ត់​លោច​ទឹង​លែៈ។

Mathay 5:18 ပူးပေါင်းရင်းမြစ်များ

Nau Mprơ Ơm 102:26

Trôk neh mra rai lôch, ƀiălah Kôranh Brah ăt hôm n'ho ro; Khân păng mra mŭnh sat nâm bu kho ao. May mra tâm rgâl khân păng nâm bu du blah ao jêh ri bu mra tâm rgâl.

Nau Mprơ Ơm 111:8

Dơi ndâk nâp n'ho ro dŭt ngăn Jêh ri ƀư tâm nau răp jăp jêh ri nau sŏng.

Nau Mprơ Ơm 119:152

Bơh kăl e ri, bơh nau May ntĭnh, gâp gĭt rah vah May yơh rdâk khân păng kŏ tât n'ho ro.

Êsai 40:8

Gơ̆ kro, kao rŭng, Ƀiălah nau Kôranh Brah he gŭ nâp n'ho ro!”

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Mathay 10:15

Nanê̆, Gâp lah ma khân may, tât nar phat dôih, ƀon Sôdôm jêh ri ƀon Gômôrơ mra geh nau tâm rmal n'gơch lơn ma ƀon nây.”

Mathay 10:23

Tơlah bu ƀư mhĭk ma khân may tâm ƀon nây, hăn du hom ta ƀon ri; yorlah nanê̆, Gâp lah ma khân may, khân may ê hŏ lam ôh lĕ ƀon Israel nôk nây Kon Bunuyh plơ̆ văch jêh.”

Mathay 10:42

Mbu nơm ăn ma du huê tâm phung jê̆ aơ nhêt du kachok dak me, yorlah bunuyh nây jêng oh mon Gâp; nanê̆ Gâp lah ma khân may, bunuyh nây mâu mra roh nau nkhôm ma păng ôh.”

Mathay 11:11

Nanê̆, Gâp lah ma khân may, tâm phung bunuyh deh tă bơh bu ur, mâu geh nơm toyh lơn ma Y-Yôhan-Ƀaptist ôh; ƀiălah, nơm jê̆ lơn tâm ƀon bri hađăch klơ trôk jêng toyh lơn ma păng.

Mathay 13:17

Nanê̆, Gâp mbơh ma khân may, geh âk phung nơm mbơh lor, âk phung sŏng srăng ŭch saơ nau khân may saơ, ƀiălah mâu saơ ôh; ŭch tăng nau khân may tăng ƀiălah mâu tăng ôh.

Mathay 16:28

Nanê̆ ngăn, Gâp lah ma khân may, geh ƀaƀă bunuyh gŭ ta aơ mâu mra khĭt ôh lor saơ Kon Bunuyh văch tâm ƀon bri hađăch Păng.”

Mathay 17:20

Păng plơ̆ lah: “Yorlah khân may geh nau chroh djê̆. Gâp lah nanê̆ ma khân may: Tơlah khân may geh nau chroh nâm bu du găr trau, khân may dơi lah ma yôk aơ pô aơ: ‘Du hom tă bơh ntŭk aơ tât ta ntŭk ri’ du ro; jêh ri mâu geh ôh nau khân may mâu dơi ƀư!”

Mathay 18:18

Nanê̆, Gâp mbơh ma khân may, moh ndơ khân may kât ta neh ntu ăt mra kât ta klơ trôk; jêh ri moh ndơ khân may pơk ta neh ntu mra pơk ta klơ trôk.

Mathay 18:3

jêh ri lah: “Nanê̆, Gâp lah ma khân may, tơlah khân may mâu rgâl jêng nâm bu kon se jê̆, khân may mâu dơi lăp tâm ƀon bri hađăch klơ trôk ôh.

Mathay 19:23

Brah Yêsu lah ma phung oh mon: “Nanê̆, Gâp lah ma khân may, bunuyh ndrŏng lăp tâm ƀon bri hađăch klơ trôk jêng jêr ngăn.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Mathay 21:21

Brah Yêsu plơ̆ lah: “Nanê̆, Gâp mbơh ma khân may, tơlah khân may geh nau chroh jêh ri mâu đing ôh, ri mơ mâu knŏng khân may dơi ƀư nau Gâp hŏ ƀư jêh ma tơm rvi ôh, ƀiălah nđâp ma khân may dơi lah ma yôk aơ: ‘Pư hom bơh ntŭk aơ jêh ri nsăt tâm dak mƀŭt’ nau nây mra tât geh ro.

Mathay 21:31

Tâm phung bar hê aơ, mbu nơm ƀư tĭng nâm nau mbơ̆ păng ŭch?” Khân păng plơ̆ lah: “Nơm tal nguay.” Brah Yêsu lah ma khân păng pô aơ: “Nanê̆, Gâp lah ma khân may, phung riu pi jêh ri bu ur ka n'hong mra dơi lăp tâm ƀon bri hađăch Brah Ndu lor lơn ma khân may.

Mathay 23:36

Nanê̆, Gâp lah ma khân may, lĕ rngôch nau nây mra tât ma phung ndŭl mpôl aơ.”

Mathay 24:2

Păng lah: “Khân may saơ lĕ rngôch ndơ nây di ƀơh? Nanê̆, Gâp lah ma khân may, ntŭk aơ mâu mra hôm geh du mâm lŭ tâm dăp gŭ ta klơ mlâm lŭ êng mâu mra tŭp.”

Mathay 24:47

Nanê̆, Gâp lah ma khân may, kôranh mra jao ăn oh mon nây chiă uănh lĕ drăp ndơ păng.

Mathay 25:12

Ƀiălah kôranh plơ̆ lah: ‘Gâp ngơi ngăn ma khân ay, gâp mâu gĭt năl khân ay ôh.’

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 25:45

Păng mra plơ̆ lah pô aơ: ‘Nanê̆, Gâp lah ma khân may, nôk khân may mâu mâp ƀư nau aơ ma du huê jê̆ lơn tâm phung bunuyh aơ, jêng nâm bu khân may mâu mâp ƀư ma Gâp tâm ban lĕ.’

Mathay 5:26

Nanê̆, Gâp lah ma may, may mâu mra luh ôh tă bơh ndrung kŏ tât nôk may mplơ̆ sĭt rĭng ma prăk nglĕ dŭt.

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 8:10

Tăng kơt nây, Brah Yêsu hih rhâl jêh ri lah ma phung tĭng Păng pô aơ: “Nanê̆, Gâp lah ma khân may, Gâp ê hŏ mâp saơ ôh du huê bunuyh tâm bri Israel geh nau chroh nâm bu pônây.

Markôs 10:15

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆ mâu mra lăp ta nây ôh.”

Markôs 10:29

Brah Yêsu plơ̆ lah: “N'hêl nanê̆, Gâp lah ma khân may, mâu geh du huê nuyh yor Gâp jêh ri Nau Mhe Mhan Ueh chalơi jêh ngih vâl, oh nâu, oh nur, mê̆ mbơ̆, phung kon, neh mir lŏ,

Markôs 11:23

N'hêl nanê̆, Gâp mbơh ma khân may, mbu nơm lah ma yôk aơ: ‘Pư hom, jêh ri klŭp tâm dak mƀŭt,’ tơlah bunuyh nây mâu geh nau đing ôh tâm nuih n'hâm, ƀiălah rnơm ngăn nau păng lah mra tât, bu mra ăn tât ngăn ma păng.

Markôs 12:43

Brah Yêsu kuăl phung oh mon văch jêh ri lah: “Nanê̆, Gâp lah ma khân may, bu ur ndrô o ach nây nhhơr jêh prăk tâm hip prăk âk lơn ma phung êng.

Markôs 13:30

Nanê̆, Gâp lah ma khân may, bunuyh rnôk aƀaơ aơ mâu mra rlau lôch ôh ê lor ma lĕ nau nây tât.

Markôs 14:18

Dôl sông sa, Brah Yêsu lah: “Nanê̆ ngăn, Gâp lah ma khân may, du huê tâm phung khân may gŭ sông sa ndrel ma Gâp ta aơ mra tâm rlăng đah Gâp.”

Markôs 14:25

N'hêl nanê̆, Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe tâm ƀon bri hađăch Brah Ndu.”

Markôs 14:30

Brah Yêsu plơ̆ lah: “Nanê̆ ngăn Gâp lah may, nar aơ, ta măng aơ ro, êlor ma iăr ndrau bar tơ̆, may mra dun ma gâp pe tơ̆.”

Markôs 14:9

N'hêl nanê̆, Gâp lah ma khân may, lam neh ntu aơ, ăp ntŭk bu mbơh nkoch ma Nau Mhe Mhan Ueh, nau kan bu ur nây hŏ ƀư bu mra nkah tay gay kah gĭt păng.”

Markôs 3:28

Nanê̆ ngăn, Gâp lah ma khân may, lĕ rngôch nau tih mra dơi yô̆ an ma kon bunuyh, nđâp ma lĕ nau ngơi sưr rlau khân păng hŏ ngơi jêh.

Markôs 6:11

Lah geh moh ntŭk bu mâu ŭch rom jêh ri mâu lĕ ŭch iăt khân may, pôri hăn hom tă bơh ntŭk nây, rtuh neh muy tă bơh jâng khân may tâm ban du nau mbơh tâm rdâng ma khân păng.”

Markôs 8:12

Brah Yêsu vơl tâm nuih n'hâm pô aơ: “Mâm ƀư bunuyh rnôk aƀaơ aơ joi nau mbên khlay? N'hêl nanê̆, Gâp mbơh ma khân may, mâu mra geh du nau mbên khlay ăn ma bunuyh rnôk aƀaơ aơ ôh.”

Markôs 9:1

Păng lah ma phung oh mon: “Nanê̆ ngăn, Gâp lah khân may, geh ƀaƀă bunuyh gŭ ta aơ mâu mra khĭt ôh lor ma saơ ƀon bri hađăch Brah Ndu tât ma nau dơi.”

Markôs 9:41

Mbu nơm hôm sŏk amoh Gâp ăn ma khân may du kachok dak, yorlah khân may jêng phung ma Brah Krist. Nanê̆ ngăn, Gâp lah khân may, bunuyh nây mâu mra roh nau nkhôm ma păng ôh.

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

Luka 12:37

Ueh maak yơh ma phung oh mon nây, tơlah kôranh sĭt tât jêh ri saơ khân păng gŭ rngeh! Nanê̆ ngăn, Gâp lah ma khân may, kôranh mra rêt rse bŭt păng nơm, jă phung oh mon gŭ ta sưng sông sa jêh ri văch pah kan ma khân păng.

Luka 13:35

Aơ, ngih khân may mra jêng rngot njăp. Gâp lah ma khân may, khân may mâu mra saơ Gâp ôh kŏ tât dôl khân may mra lah pô aơ: ‘Tâm rnê ma Nơm văch ma amoh Kôranh Brah!’ ”

Luka 16:17

Trôk neh rlau lôch dơh lơn ma nau jut lơi du rplay samƀŭt dŭt jê̆ tâm nau vay.

Luka 18:17

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆, khân may mâu dơi lăp ta nây ôh.”

Luka 18:29

Brah Yêsu plơ̆ lah: “Nanê̆ ngăn, Gâp đă ma khân may, mbu mâu chalơi ngih vâl, mê̆ mbơ̆, oh nâu, ur kon yor ƀon bri hađăch Brah Ndu

Luka 23:43

Brah Yêsu plơ̆ lah: “Nanê̆, Gâp lah ma may, nar aơ may mra gŭ ndrel ma Gâp tâm Parađi.”

Luka 4:24

Păng lah tay: “Nanê̆, Gâp lah ma khân may, mâu geh du huê nơm mbơh lor, bu dơn ta ƀon tơm păng nơm.

Yôhan 1:51

Jêh nây Brah Yêsu lah: “Nanê̆ ngăn, Gâp lah ngăn ma khân may: Khân may mra saơ trôk pơk jêh ri tông mpăr Brah Ndu jŭr ta klơ Kon Bunuyh.”

Yôhan 10:1

“Nanê̆ ngăn, Gâp lah ngăn ma khân may, mbu moh mâu lăp ta mpông n'gar biăp, ƀiălah hao ta ntŭk êng, păng nây jêng bunuyh ntŭng.

Yôhan 10:7

Pôri, Brah Yêsu lah đŏng: “Nanê̆ ngăn, Gâp lah ngăn ma khân may, Gâp jêng mpông biăp.

Yôhan 12:24

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.

Yôhan 13:16

Nanê̆, Gâp lah ngăn ma khân may: Oh mon mâu toyh lơn ma kôranh ôh, phung mbơh mâu lĕ toyh lơn ma nơm njuăl păng nơm.

Yôhan 13:38

Brah Yêsu plơ̆ lah: “May mra nhhơr ăn nau rêh may nơm ma Gâp hĕ? Nanê̆, Gâp lah ngăn ma may: Êlor iăr ndrau, may mra dun Gâp pe tơ̆!”

Yôhan 14:12

Nanê̆, Gâp lah ngăn ma khân may, mbu nơm chroh ma Gâp mra ƀư tâm ban lĕ kan Gâp hŏ ƀư jêh, jêh ri păng mra ƀư lĕ kan toyh lơn, yorlah Gâp hăn plơ̆ sĭt ta Mbơ̆.

Yôhan 16:20

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.

Yôhan 16:23

Tâm nar nây, khân may mâu hôm ôp Gâp đŏng ôh. Nanê̆, Gâp lah ngăn ma khân may, moh nau khân may dăn ma Mbơ̆ tâm amoh Gâp, Păng mra ăn ma khân may.

Yôhan 21:18

Nanê̆, Gâp lah ngăn ma may, dôl hôm ndăm, may rêt êng rse bŭt may nơm, may hăn mbah ntŭk may ŭch hăn; ƀiălah tât ranh jêh, may mra yơr ti, gay ma bu êng rêt rse bŭt jêh ri njŭn leo may ta ntŭk may mâu ŭch hăn ôh.”

Yôhan 3:11

Nanê̆ ngăn, Gâp lah ngăn ma may: He ngơi nau he gĭt, mbơh nkoch nau he hŏ saơ, ƀiălah khân may mâu dơn ôh nau hên mbơh nkoch.

Yôhan 3:3

Brah Yêsu lah: “Nanê̆ ngăn, Gâp lah ngăn ma may, tơlah du huê bunuyh mâu deh mhe tay, mâu dơi saơ ƀon bri hađăch Brah Ndu ôh.”

Yôhan 3:5

Brah Yêsu lah: “Nanê̆ ngăn, Gâp lah ngăn ma may: Tơlah du huê bunuyh mâu rnơm ôh ma dak jêh ri ma Brah Huêng Ueh gay deh, mâu dơi lăp tâm ƀon bri hađăch Brah Ndu ôh.

Yôhan 5:19

Pôri, Brah Yêsu lah ma khân păng: “Nanê̆ ngăn, Gâp lah nanê̆ ngăn khân may, Kon mâu dơi ƀư êng ôh, ƀiălah knŏng ƀư nau Kon saơ Mbơ̆ ƀư; yorlah lĕ kan Mbơ̆ ƀư, Kon ƀư đŏng tâm ban pônây.

Yôhan 6:26

Brah Yêsu plơ̆ lah: “Nanê̆ ngăn, Gâp lah ngăn ma khân may, khân may joi Gâp mâu di lah yor hŏ saơ lĕ nau mbên khlay, ƀiălah yor khân may hŏ sa piăng let tât hơm.

Yôhan 6:32

Brah Yêsu lah: “Nanê̆ ngăn, Gâp lah ngăn ma khân may, mâu di Y-Môis ăn ôh ma khân may piăng let tă klơ trôk; ƀiălah Mbơ̆ Gâp hŏ ăn ma khân may piăng let ngăn tă klơ trôk.

Yôhan 6:47

Nanê̆ ngăn, Gâp lah ngăn ma khân may, mbu nơm chroh mra geh nau rêh n'ho ro.

Yôhan 6:53

Brah Yêsu lah ma khân păng: “Nanê̆ ngăn, Gâp lah ngăn ma khân may, tơlah khân may mâu sa nglay săk jêh ri mâu nhêt dak mham Kon Bunuyh, pôri mâu geh ôh nau rêh n'ho ro tâm khân may.

Yôhan 8:34

Brah Yêsu plơ̆ lah: “Nanê̆ ngăn, Gâp lah ngăn ma khân may, mbu nơm ƀư tih jêng dĭk ma nau tih.

Yôhan 8:51

Nanê̆ ngăn, Gâp lah ngăn ma khân may, mbu nơm djôt prăp nau Gâp ngơi, păng mâu mra mâp nau khĭt ôh.”

Yôhan 8:58

Brah Yêsu plơ̆ lah: “Nanê̆ ngăn, Gâp lah ngăn ma khân may, êlor geh Y-Abraham, Gâp hŏ geh jêh.”

I Pêtrôs 1:25

Ƀiălah nau ngơi Kôranh Brah ăt hôm ƀaƀơ n'ho ro.” Nau ngơi nĕ jêng Nau Mhe Mhan Ueh mbơh jêh ma khân may.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.