Mathay 24:42 - Nau Brah Ndu Ngơi 2023

⁴² Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Bunong Bible Latin Script Cambodian dialect

⁴² Lah ndri khân ay may gŭ njrăng nâng, yorlah mâu gĭt ôh moh mong Kôranh khân ay may văch.

Bunong

⁴² លាស​នទ្រី​ខាន់​អៃ​មៃ​គុ​ញជ្រាង់​នឹង យ៝រ​លាស​មោ​គឹត​អោស​ម៝ស​ម៝ង​កោរាញ​ខាន់​អៃ​មៃ​វាច់។

Mathay 24:42 ပူးပေါင်းရင်းမြစ်များ

Mathay 24:36

“Ma nar jêh ri mông nây, mâu geh du huê bunuyh gĭt ôh, nđâp ma tông mpăr klơ trôk mâu lah Kon mâu dơi gĭt lĕ, knŏng êng Mbơ̆ Gâp dơm gĭt.

Mathay 24:43

Gĭt hom nau nây, tơlah du huê kôranh ngih gĭt moh mông bunuyh ntŭng văch, păng mra rngeh njrăng, mâu ăn bunuyh ntŭng lăp tâm ngih păng.

Mathay 24:44

Yor ri, ăn khân may rơm ndrăp jêh, yorlah Kon Bunuyh văch tâm mông khân may mâu geh mĭn.

Mathay 25:10

Ƀiălah dôl khân păng hăn rvăt dak ŭnh, bu klâu gŭ ur tât. Phung bu ur rơm ndrăp jêh ri mơ hăn ndrel ma bu klâu gŭ ur lăp nau nhêt sông tâm nkol ur sai, jêh ri mpông nchăng.

Mathay 25:13

Pôri, rngeh njrăng hom, yor khân ay may mâu gĭt nar, mâu lĕ gĭt mông đŏng.”

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Samƀŭt Pôl Njuăl Ăn Ma Phung Nsing Ta Ƀon Rôm 13:11

Ƀư hom tâm ban lĕ, yorlah khân may gĭt khân may nơm dôl gŭ rêh tâm moh nôk. Tât jêh mông khân may kah rngăl bê̆ch, yorlah aƀaơ nau tâm rklaih dăch lơn đah nar he rlau lơn dôl he mhe chroh.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

I Têsalônik 5:6

Pô nây, he mâu bê̆ch nâm bu phung êng ôh, ƀiălah ăn he rngeh njrăng jêh ri di keh.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”