Mathay 11:28 - Nau Brah Ndu Ngơi 2023

²⁸ Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

Bunong Bible Latin Script Cambodian dialect

²⁸ “Bu moh geh nau lêt rgănh, ndrel ma anh jŏk, văch hŏm a Gâp, Gâp ăn khân ay may rlu.

Bunong

²⁸ “ឞូ​ម៝ស​គែស​នាវ​លេត​រាគាញ់ នទ្រែល​មា​អាញ​ជ៝ក់ វាច់​ហ៝ម់​អា​គ៝ប់ គ៝ប់​អ៝ន់​ខាន់​អៃ​មៃ​រាលូ។

Mathay 11:28 ပူးပေါင်းရင်းမြစ်များ

Ndrom Samƀŭt bơh Yôp 14:1

“Kon bunuyh deh tă bơh bu ur Rêh ƀât lât knŏng djê̆ nar, ƀiălah bêng ma nau uh ah.

Ndrom Samƀŭt bơh Yôp 5:7

Ƀiălah bunuyh deh gay dơn nau rêh ni Nâm bu mprănh ŭnh mpăr hao klơ trôk.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 32:4

Yorlah nar jêh ri măng ti May n'grŭn jâk ta klơ gâp; Nau ktang gâp roh huơi nâm bu bơh phang yan kăl vai. (Sêla)

Nau Mprơ Ơm 38:4

Yorlah nau djơh mhĭk gâp bun dăp hao rlau bôk gâp; Khân păng tŭn gâp ta klơ gâp tâm ban ma du ntil anh jâk.

Nau Mprơ Ơm 94:13

Gay ăn ma păng geh nau rlu tâm nar mhĭk, Kŏ tât lôch jêh bu kuyh ntu ma phung mhĭk.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:8

Lĕ rngôch ndơ hŏt rgănh da dê, Kon bunuyh mâu dơi nkoch lĕ ôh; Măt uănh mro ăt mâu mpay, Tôr iăt mro ăt mâu geh nau khlay lĕ.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 28:12

Păng hŏ lah jêh đah khân păng: “Aơ jêng ntŭk rlu, Ăn hom nơm rgănh dơi rlu; Aơ jêng ntŭk đăp mpăn.” Ƀiălah khân păng mâu ŭch iăt ôh.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Yêrêmi 35:16

Phung kon sau Y-Jêhônadap, kon bu klâu Y-Rêkap, hŏ djôt prăp jêh nau phung chô yau khân păng ntăm, ƀiălah phung ƀon lan aơ mâu tông ôh nau Gâp.’

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Mathay 23:4

Khân păng nchâp jêh ri bun lĕ ndơ jâk ngăn ta nglik bu, ƀiălah khân păng nơm mâu ŭch pah du nglau ti khân păng ôh.

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

Kôranh Oh Mon 15:10

Pôri aƀaơ, mâm ƀư khân may janh rlong uănh Brah Ndu, dơm ta trô ko phung oh mon du mlâm mâng mbăk, phung chô yau he mâu lah he nơm ăt mâu dơi mbăk lĕ.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Galati 5:1

Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

ហេឞ្រើ 4:1

Pôri, dôl geh nau ton ăn lăp tâm nau rlu Kôranh Brah ăt hôm nây, ăn he klach hom gay lơi geh du huê tâm phung he mâu geh nau di.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.