Mathay 1:21 - Nau Brah Ndu Ngơi 2023

²¹ Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Bunong Bible Latin Script Cambodian dialect

²¹ Păng gŭ oh bu klô, jêh ri may tê̆ rnha Kon i nây kuăl ‘Yêsu’ - geh nau khlay lah ‘Kôranh Brah rklaih’ - yorlah Kon i nây mra rklaih phung ƀon lan Păng nơm bơh nau tih khân păng nơm.”

Bunong

²¹ ពាង់​គុ​អ៝ស​ឞូ​ក្លោ ជេសរី​មៃ​តេៈ​រាញា​ក៝ន​អី​នៃ​ក្វាល់ «យេឆូ  » - គែស​នាវ​ខ្លៃ​លាស​«កោរាញ​ឞ្រាស​រាក្លាយ្ស» - យ៝រ​លាស​ក៝ន​អី​នៃ​មរា​រាក្លាយ្ស​ផូង​ប៝ន​លាន​ពាង់​នើម​ឞើស​នាវ​តីស​ខាន់​ពាង់​នើម”។

Mathay 1:21 ပူးပေါင်းရင်းမြစ်များ

Nau Ntơm 17:19

Brah Ndu lah: “Mâu geh kơt nây ôh, H'Sara, ur may mra deh du huê kon bu klâu, jêh ri may mra ntơ amoh păng jêng Y-Isăk. Gâp mra njêng nau tâm rnglăp đah păng, jêng nau tâm rnglăp n'ho ro đah phung kon sau păng.

Nau Ntơm 17:21

Ƀiălah Gâp mra njêng nau tâm rnglăp đah Y-Isăk, H'Sara yơh mra deh ăn ma may tâm yan aơ năm pakơi taơ.”

Nau Ntơm 18:10

Du huê tâm phung nây lah: “Klăp lah yan aơ năm taơ, nanê̆ gâp mra plơ̆ tay ta aơ ndrel ma may, jêh ri nôk nây taơ H'Sara, ur may, mra geh du huê kon bu klâu.” H'Sara gŭ iăt nau ngơi nây ta bôk mpông ngih bok, pakơi khân păng.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 1:25

ƀiălah păng mâu geh bê̆ch ndrel bu ur bu klâu ôh, kŏ tât ur păng deh du huê kon bu klâu jêh ri păng tâm amoh jêng YÊSU.

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Luka 1:31

Nĕ aơ, ay mra bă ntreo, deh ma du huê kon bu klâu jêh ri mra ntơ amoh YÊSU.

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Luka 2:21

Tât pham nar, dôl bu koh ntâu kon se jê̆, khân păng tâm amoh jêng Yêsu, jêng amoh tông mpăr mbơh jêh êlor nôk kon se jê̆ geh tâm trôm ndŭl mê̆.

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 4:42

Khân păng lah ma bu ur nây pô aơ: “Aƀaơ aơ mâu hôm tă bơh nau ay mbơh dĭng hên chroh, ƀiălah hên tăng nau Păng nơm nkoch, jêh ri gĭt nanê̆ Păng jêng Nơm Tâm Rklaih neh ntu.”

Kôranh Oh Mon 13:23

Ntơm bơh noi deh Y-Đavit, Brah Ndu hŏ n'hao ma phung Israel du huê Nơm Tâm Rklaih, nây jêng Brah Yêsu tâm ban Păng hŏ ton jêh.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Kôranh Oh Mon 4:12

Mâu hôm geh nau tâm rklaih tâm nơm êng ôh, yorlah tâm dâng trôk mâu geh ôh amoh êng ăn jêh ma kon bunuyh, gay ma he tă bơh nĕ geh nau tâm rklaih.”

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.

Phung Kôranh Phat Dôih 13:3

Tông mpăr Brah Yêhôva tâm mpơl ma bu ur nây jêh ri lah: “Aơ, ay jêng bu ur ndrô gâng, mâu geh kon, ƀiălah ay mra ntreo jêh ri deh du huê kon bu klâu.

I Samuel 1:20

Dôl tâm năm nây lĕ, H'Anna hŏ ntreo jêh ri păng deh du huê kon bu klâu, păng ntơ amoh jêng Y-Samuel, yorlah păng lah: “Gâp hŏ dăn jêh păng tă bơh Brah Yêhôva.”