Markôs 14:18 - Nau Brah Ndu Ngơi 2023

¹⁸ Dôl sông sa, Brah Yêsu lah: “Nanê̆ ngăn, Gâp lah ma khân may, du huê tâm phung khân may gŭ sông sa ndrel ma Gâp ta aơ mra tâm rlăng đah Gâp.”

Bunong Bible Latin Script Cambodian dialect

¹⁸ Nôk Brah Yêsu gŭ sông sa ndrel mpôl oh mon, Păng mbơh: “Gâp lah n'hêl nanê̆ ngăn ma khân may, ta mpôl khân may geh du huê leo bu hăn nhŭp Gâp, păng i nây gŭ sông sa ndrel bân đŏng.”

Bunong

¹⁸ នោក​ឞ្រាស​យេឆូ  ​គុ​ឆោង​ឆា​នទ្រែល​មពោល​អ៝ស​ម៝ន ពាង់​មឞើស៖ “គ៝ប់​លាស​នហេល​នានេៈ​ងាន់​មា​ខាន់​មៃ តា​មពោល​ខាន់​មៃ​គែស​ទូ​ហ្វេ​លែវ​ឞូ​ហាន់​ញុប​គ៝ប់ ពាង់​អី​នៃ​គុ​ឆោង​ឆា​នទ្រែល​ឞ៝ន់​ដ៝ង់”។

Markôs 14:18 ပူးပေါင်းရင်းမြစ်များ

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Mathay 26:21

Dôl gŭ sông sa, Păng lah: “Nanê̆, Gâp lah ma khân may, du huê tâm phung khân may mra tâm rlăng ma Gâp.”

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

Markôs 10:15

Nanê̆ ngăn, Gâp lah ma khân may, mbu nơm mâu sŏk dơn ƀon bri hađăch Brah Ndu nâm bu du huê kon se jê̆ mâu mra lăp ta nây ôh.”

Markôs 10:29

Brah Yêsu plơ̆ lah: “N'hêl nanê̆, Gâp lah ma khân may, mâu geh du huê nuyh yor Gâp jêh ri Nau Mhe Mhan Ueh chalơi jêh ngih vâl, oh nâu, oh nur, mê̆ mbơ̆, phung kon, neh mir lŏ,

Markôs 14:17

Tât kêng măng, Brah Yêsu văch ndrel jât ma bar kôranh oh mon.

Markôs 14:19

Phung oh mon rngot ngăn, ăp nơm khân păng ôp Păng: “Di gâp lĕ?”

Markôs 14:25

N'hêl nanê̆, Gâp lah ma khân may, Gâp mâu mra nhêt dak krăk ƀâu aơ đŏng, kŏ tât nar Gâp mra nhêt dak krăk ƀâu mhe tâm ƀon bri hađăch Brah Ndu.”

Markôs 14:9

N'hêl nanê̆, Gâp lah ma khân may, lam neh ntu aơ, ăp ntŭk bu mbơh nkoch ma Nau Mhe Mhan Ueh, nau kan bu ur nây hŏ ƀư bu mra nkah tay gay kah gĭt păng.”

Markôs 3:28

Nanê̆ ngăn, Gâp lah ma khân may, lĕ rngôch nau tih mra dơi yô̆ an ma kon bunuyh, nđâp ma lĕ nau ngơi sưr rlau khân păng hŏ ngơi jêh.

Markôs 6:11

Lah geh moh ntŭk bu mâu ŭch rom jêh ri mâu lĕ ŭch iăt khân may, pôri hăn hom tă bơh ntŭk nây, rtuh neh muy tă bơh jâng khân may tâm ban du nau mbơh tâm rdâng ma khân păng.”

Markôs 8:12

Brah Yêsu vơl tâm nuih n'hâm pô aơ: “Mâm ƀư bunuyh rnôk aƀaơ aơ joi nau mbên khlay? N'hêl nanê̆, Gâp mbơh ma khân may, mâu mra geh du nau mbên khlay ăn ma bunuyh rnôk aƀaơ aơ ôh.”

Markôs 9:1

Păng lah ma phung oh mon: “Nanê̆ ngăn, Gâp lah khân may, geh ƀaƀă bunuyh gŭ ta aơ mâu mra khĭt ôh lor ma saơ ƀon bri hađăch Brah Ndu tât ma nau dơi.”

Markôs 9:41

Mbu nơm hôm sŏk amoh Gâp ăn ma khân may du kachok dak, yorlah khân may jêng phung ma Brah Krist. Nanê̆ ngăn, Gâp lah khân may, bunuyh nây mâu mra roh nau nkhôm ma păng ôh.

Luka 11:51

nâm bu ntĭt ntơm bơh mham Y-Abel tât ta mham Y-Sakari, bu nkhĭt ta vah vang nơng ƀư brah jêh ri ntŭk kloh ueh. Di ngăn, Gâp lah ma khân may, bu mra dăn mham nây ma bunuyh rnôk aƀaơ aơ.

Luka 22:21

Aơ, mpang ti nơm rlăng đah Gâp dôl dơm ta klơ sưng ndrel ma Gâp.

Luka 4:24

Păng lah tay: “Nanê̆, Gâp lah ma khân may, mâu geh du huê nơm mbơh lor, bu dơn ta ƀon tơm păng nơm.

Yôhan 1:51

Jêh nây Brah Yêsu lah: “Nanê̆ ngăn, Gâp lah ngăn ma khân may: Khân may mra saơ trôk pơk jêh ri tông mpăr Brah Ndu jŭr ta klơ Kon Bunuyh.”

Yôhan 13:18

Gâp mâu ngơi ma lĕ rngôch khân may ôh, Gâp gĭt năl đơ phung Gâp săch jêh. Ƀiălah nau ngơi tâm Nau Brah Ndu Ngơi aơ tât di ngăn: ‘Nơm sa ƀănh bơh Gâp, yơk jêh ndơl jâng tâm rdâng đah Gâp.’

Yôhan 13:21

Jêh Brah Yêsu lah nau nây, Păng geh nau rngot tâm huêng jêh ri mbơh nau nây: “Nanê̆, Gâp lah ngăn ma khân may, du huê tâm phung khân may mra ƀư rlăng đah Gâp.”

Yôhan 13:22

Phung oh mon tâm uănh ndrăng nơm, mâu gĭt ôh ma mbu nơm Păng lah nây.

Yôhan 13:38

Brah Yêsu plơ̆ lah: “May mra nhhơr ăn nau rêh may nơm ma Gâp hĕ? Nanê̆, Gâp lah ngăn ma may: Êlor iăr ndrau, may mra dun Gâp pe tơ̆!”

Yôhan 21:18

Nanê̆, Gâp lah ngăn ma may, dôl hôm ndăm, may rêt êng rse bŭt may nơm, may hăn mbah ntŭk may ŭch hăn; ƀiălah tât ranh jêh, may mra yơr ti, gay ma bu êng rêt rse bŭt jêh ri njŭn leo may ta ntŭk may mâu ŭch hăn ôh.”

Yôhan 3:11

Nanê̆ ngăn, Gâp lah ngăn ma may: He ngơi nau he gĭt, mbơh nkoch nau he hŏ saơ, ƀiălah khân may mâu dơn ôh nau hên mbơh nkoch.

Yôhan 3:3

Brah Yêsu lah: “Nanê̆ ngăn, Gâp lah ngăn ma may, tơlah du huê bunuyh mâu deh mhe tay, mâu dơi saơ ƀon bri hađăch Brah Ndu ôh.”

Yôhan 3:5

Brah Yêsu lah: “Nanê̆ ngăn, Gâp lah ngăn ma may: Tơlah du huê bunuyh mâu rnơm ôh ma dak jêh ri ma Brah Huêng Ueh gay deh, mâu dơi lăp tâm ƀon bri hađăch Brah Ndu ôh.

Yôhan 5:19

Pôri, Brah Yêsu lah ma khân păng: “Nanê̆ ngăn, Gâp lah nanê̆ ngăn khân may, Kon mâu dơi ƀư êng ôh, ƀiălah knŏng ƀư nau Kon saơ Mbơ̆ ƀư; yorlah lĕ kan Mbơ̆ ƀư, Kon ƀư đŏng tâm ban pônây.

Yôhan 6:26

Brah Yêsu plơ̆ lah: “Nanê̆ ngăn, Gâp lah ngăn ma khân may, khân may joi Gâp mâu di lah yor hŏ saơ lĕ nau mbên khlay, ƀiălah yor khân may hŏ sa piăng let tât hơm.

Yôhan 6:32

Brah Yêsu lah: “Nanê̆ ngăn, Gâp lah ngăn ma khân may, mâu di Y-Môis ăn ôh ma khân may piăng let tă klơ trôk; ƀiălah Mbơ̆ Gâp hŏ ăn ma khân may piăng let ngăn tă klơ trôk.

Yôhan 6:47

Nanê̆ ngăn, Gâp lah ngăn ma khân may, mbu nơm chroh mra geh nau rêh n'ho ro.

Yôhan 6:70

Brah Yêsu plơ̆ lah: “Mâu di hĕ Gâp hŏ săch jêh khân may jêng jât ma bar oh mon? Ƀiălah du huê tâm phung khân may jêng brah mhĭk?”