Malachi 3:6 - Nau Brah Ndu Ngơi 2023

⁶ “Yorlah Gâp jêng Brah Yêhôva mâu blau rgâl ôh, yor nây phung kon sau Y-Yakôb mâu rai lôch ôh.

Malachi 3:6 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 15:7

Brah Yêhôva lah đŏng ma Y-Abram: “Gâp jêng Brah Yêhôva, Nơm hŏ njŭn leo kon luh bơh Ur n'gor Kaldê, gay ăn neh nây ma kon ƀư drăp ndơn.”

Nau Ntơm 22:16

jêh ri lah: “Brah Yêhôva lah: ‘Yorlah may hŏ ƀư jêh nau aơ, mâu nhhuach kon may, nđâp lah knŏng du huê kon nây dơm, rĭ dĭng Gâp sơm ton đah Gâp nơm pô aơ,

Nau Mprơ Ơm 102:26

Trôk neh mra rai lôch, ƀiălah Kôranh Brah ăt hôm n'ho ro; Khân păng mra mŭnh sat nâm bu kho ao. May mra tâm rgâl khân păng nâm bu du blah ao jêh ri bu mra tâm rgâl.

Nau Mprơ Ơm 102:27

Ƀiălah May ăt hôm tâm ban nŭm ơm, Lĕ năm May hôm ƀaƀơ n'ho ro.

Nau Mprơ Ơm 102:28

Kon sau phung oh mon May mra hôm gŭ mro, Noi deh khân păng mra gŭ nâp tanăp măt May.

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Êsai 41:13

Yorlah Gâp jêng Yêhôva Brah Ndu may, Nơm kuăn ti ma may Jêh ri lah ma may pô aơ: “Lơi klach ôh, Gâp yơh mra kơl may.”

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 46:4

Kŏ tât khân may ranh, sŏk tâm bôk luh ndra, Gâp jêng Nơm anh khân may ƀaƀơ. Gâp hŏ njêng jêh, jêh ri Gâp mra ut ra-u; Gâp mra anh jêh ri rklaih khân may.

Yêrêmi 32:27

“Aơ, Gâp jêng Yêhôva, Brah Ndu ma lĕ rngôch bunuyh; geh lĕ moh nau jêr ir ma Gâp đŏng?

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Ndrom Samƀŭt bơh Ôsê 11:9

Gâp mâu mra ƀư ôh tĭng nâm nau Gâp ji nuih Jêh ri mâu mra ƀư rai ôh Êphraim. Yorlah Gâp jêng Brah Ndu mâu di jêng bunuyh ôh; Gâp jêng Nơm Kloh Ueh gŭ ta nklang may, Gâp mâu mra văch ma may tâm nau ji nuih.

Habakuk 1:12

Ơ Yêhôva Brah Ndu, Jêng Nơm Kloh Ueh gâp! Mâm mâu di May ơm geh ntơm bơh saơm n'ho ro mâu blau lôch? Pôri, hên mâu ôh mra khĭt! Ơ Brah Yêhôva, May hŏ săch jêh phung ƀon lan nây gay prăp ma nau phat dôih. Ơ Kôranh Brah jêng Lŭ Toyh, May hŏ ndâk jêh khân păng gay ma tâm rmal!

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Samƀŭt Pôl Njuăl Ăn Ma Phung Nsing Ta Ƀon Rôm 5:10

Yorlah tơlah dôl he jêng bunuyh tâm rdâng đah Brah Ndu, ƀiălah yor ma nau khĭt Kon Păng, he hôm dơi geh tâm rnglăp đah Brah Ndu, pôri rlau lơn ma nar aơ hŏ geh nau tâm rnglăp jêh, he lơ hô dơi tâm rklaih yor nau rêh Kon Păng.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

ហេឞ្រើ 13:8

Brah Yêsu Krist nđaơ, nar aơ, jêh ri kŏ tât n'ho ro mâu blau rgâl ôh.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Nau Tâm Mpơl 1:8

Kôranh Brah jêng Brah Ndu, NƠM AɃAƠ AƠ, HŎ GEH JÊH RI DÔL VĂCH, jêng Nơm Geh Lĕ Nau Brah lah pô aơ: “Gâp jêng Alpha jêh ri Ômêga.”

Nau Tâm Mpơl 22:13

Gâp jêng Alpha jêh ri Ômêga, jêng Lor Lơn jêh ri Nglĕ Dŭt, jêng Ntơm Bơh Saơm jêh ri Nglĕ Dŭt.”

I Samuel 15:29

Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”