Malachi 3:17 - Nau Brah Ndu Ngơi 2023

¹⁷ Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

Malachi 3:17 ပူးပေါင်းရင်းမြစ်များ

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nau Mprơ Ơm 115:13

Păng mra ăn nau ueh uĭn ma phung klach yơk ma Brah Yêhôva Phung jê̆ mâu lah phung toyh đŏng kơt nây.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 32:32

Ƀiălah aƀaơ dăn Kôranh Brah yô̆ an nau tih ma khân păng! Tơlah mâu, dăn may jut lơi amoh gâp bơh ndrom samƀŭt May hŏ nchih jêh.”

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Sôphôni 2:2

Êlor ăn tât ma nau ntĭnh, Nar mông rlau tât nâm bu lâk sial đô̆; Êlor nau Brah Yêhôva ji nuih Tât ma khân may; Êlor nar Brah Yêhôva ji nuih Tât ma khân may.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 4:3

Khân may mra jot phung djơh mhĭk, yorlah khân păng mra jêng buh tâm dâng mpang jâng khân may ta nar Gâp ƀư.” Brah Yêhôva ma phung tahan lah pônây.

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

I Kôrintô 15:23

Ƀiălah ăp nơm tĭng dăp rep êng păng nơm: Brah Krist jêng play bôk yan; tât nar Brah Krist tâm mpơl, phung bunuyh jêng phung Păng mra dâk rêh tay.

I Kôrintô 6:20

yorlah Brah Ndu hŏ rvăt jêh khân may ma rnoh dŭt khlay. Pôri, sŏk hom săk jăn khân may gay tâm rnê Brah Ndu.

II Kôrintô 6:18

Gâp mra jêng Mbơ̆ khân may, Khân may mra jêng phung kon bu klâu jêh ri kon bu ur Gâp, Kôranh Brah Geh Lĕ Nau Brah lah pônây.”

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.