Malachi 3:12 - Nau Brah Ndu Ngơi 2023

¹² “Lĕ bri dak mra ntơ ma khân may geh nau ueh lăng ngăn, yorlah bri dak khân may jêng du n'gor bri dak dơi răm maak.” Brah Yêhôva ma phung tahan lah pônây.

Malachi 3:12 ပူးပေါင်းရင်းမြစ်များ

II Nau Rêh Jêng 32:23

Geh âk bunuyh djôt leo ndơ nhhơr ma Brah Yêhôva ta Yêrusalem, jêh ri âk ndơ khlay ăn ma Y-Hêsêkia, hađăch Yuđa. Ntơm bơh nôk nây tât ô klak, âk bri dak yơk ma păng.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Êsai 61:9

Lĕ bri dak bu mra gĭt năl phung kon sau khân may, Phung sau se khân păng mra lư n'găr ta nklang phung ndŭl mpôl bunuyh; Lĕ rngôch phung saơ khân păng mra gĭt rbăng Khân păng jêng du phung ƀon lan Brah Yêhôva ăn nau ueh uĭn.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Daniel 11:41

Păng mra lăp tâm ban lĕ tâm n'gor bri chrêk rmah. Geh âk rbăn bunuyh mra cha lôt khĭt, ƀiălah phung ƀon lan Êđôm, phung Môap jêh ri du phung gĭt blau tâm ƀon lan n'gor Ammôn mra klaih bơh ti hađăch nây.

Daniel 8:9

Bơh du mlâm tâm lĕ nke nây hon du mlâm nke jê̆ jêh nây jêng văch toyh ngăn, rlet mpeh pa dâng, mpeh nhâp nar jêh ri rlet ma n'gor bri chrêk rmah.

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Malachi 3:13

Brah Yêhôva lah: “Khân may hŏ sŏk jêh nau ngơi brơl ŭch tâm rdâng đah Gâp.” Ƀiălah khân may lah: “Hŏ geh hên ngơi tâm rdâng đah May?”

Luka 1:48

Yorlah Păng hŏ uănh yô̆ jêh kon bunuyh jê̆ lê̆ oh mon bu ur Păng. Aơ, ntơm aƀaơ tât kăndơ̆, lĕ rngôch rnôk mra rnê ma gâp jêng bunuyh geh ueh lăng ngăn;

Nau Vay Nkah Tay 11:12

jêng n'gor Yêhôva Brah Ndu khân may mât mray. Măt Yêhôva Brah Ndu khân may uănh treng ƀaƀơ n'gor nây bơh bôk năm tât lôch năm.