Malachi 3:10 - Nau Brah Ndu Ngơi 2023

¹⁰ Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Malachi 3:10 ပူးပေါင်းရင်းမြစ်များ

Nau Ntơm 28:22

Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

Nau Ntơm 7:11

Di tâm nar jât pơh, khay bar, năm prao rhiăng nôk rô̆ Y-Nôê, lĕ tu dak bơh brŏng toyh rtoh ƀhing, jêh ri lĕ mpông dak klơ trôk pơk jêh.

II Phung Hađăch 7:19

jêh nây kôranh rgong kơl plơ̆ lah bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê lah: “Măt may nơm mra saơ nau nây, ƀiălah may mâu mra sa ndơ nây ôh.”

II Phung Hađăch 7:2

Kôranh tahan rgong kơl, jêng nơm hađăch nsing tâm ti păng, plơ̆ lah ma bunuyh Brah Ndu pô aơ: “Nđâp tơlah Brah Yêhôva geh pơk lĕ mpông bloh klơ trôk, nau nây dơi tât lĕ?” Y-Êlisê plơ̆ lah: “Măt may nơm ro yơh saơ nau nây, ƀiălah may mâu mra sa ndơ nây ôh.”

I Nau Rêh Jêng 26:20

Tâm phung Lêvi, Y-Ahija jêng nơm mât mray drăp ngih Brah Ndu jêh ri drăp ndơ bu nhhơr kloh ueh.

Nêhêmi 12:44

Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

Nêhêmi 12:47

Tâm rnôk rô̆ Y-Sôrôƀaƀel jêh ri Y-Nêhêmi, lĕ rngôch phung Israel ăn ndơ sông sa ăp nar ma phung mprơ jêh ri phung gak njrăng mpông pêr. Khân păng tâm ban đŏng prăp êng ndơ sông sa ma phung Lêvi, jêh ri phung Lêvi prăp êng ndơ sông sa ma phung kôranh ƀư brah, phung kon sau Y-Arôn.

Nêhêmi 13:5

jêh ri jêng mpôl băl ma Y-Tôbia, hŏ ăn ma Y-Tôbia du jrô toyh jêng ta ntŭk nây ntơm saơm bu dŏng gay prăp ndơ ƀư brah rnih môi, ndơ ƀâu kah, ndơ dŏng, du kô̆ tâm jât ma ba ƀlê, ndrănh mhe jêh ri dak ngi ôlive, jêng lĕ ndơ tĭng nau vay ntăm prăp ma phung Lêvi, ma phung mprơ jêh ri ma phung gak njrăng mpông pêr, nđâp ma ndơ nhhơr prăp ma phung kôranh ƀư brah.

Nau Mprơ Ơm 37:3

Rnơm nsing hom ma Brah Yêhôva jêh ri ƀư nau ueh, Gŭ hom tâm n'gor jêh ri siăm păng nơm ma nau răp jăp Păng.

Nau Mprơ Ơm 78:23

Ƀiălah, Păng ntăm ăn ma lĕ ndâr tŭk prêh ta klơ Jêh ri pơk lĕ mpông ta klơ trôk,

Nơm Nti 11:3

Tơlah tŭk bêng ma dak Mih mra jŭr hoch ta klơ neh; Dôl geh du tơm si cha lôt mpeh pa dâng mâu lah mpeh pa lơ, Ntŭk rlet tơm si chôt mra gŭ ta nây ro.

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Êsêkiêl 44:30

Lĕ rngôch kao play dak bôk dŭt ueh tâm lĕ rngôch play kao ndrel lĕ rngôch ndơ ƀư brah rnih môi khân may hŏ nhhơr jêh, jêng ndơ phung kôranh ƀư brah da dê. Khân may mra nhhơr đŏng ăn ma phung kôranh ƀư brah rnih pach ueh lơn khân may gay ma nau ueh uĭn dơi gŭ tâm ngih khân may.

Ndrom Samƀŭt bơh Ôsê 2:21

Brah Yêhôva lah: “Tâm nar nây Gâp mra plơ̆ lah, Gâp mra plơ̆ lah ma lĕ ndâr trôk, Lĕ ndâr trôk mra plơ̆ lah ma neh ntu.

Yôel 2:19

Brah Yêhôva lĕ plơ̆ lah jêh ri lah ma phung ƀon lan Păng pô aơ: “Aơ, Gâp mra ăn ma khân may: Ba răch, ndrănh mhe jêh ri dak ngi, Khân may mra hơm mpay ma lĕ ndơ nây. Gâp mâu mra ƀư ăn khân may Geh nau bêk prêng ta nklang phung mpôl băl bunuyh đŏng ôh.

Yôel 2:24

Lĕ nkual mprah ba mra bêng ma ba ƀlê, Lĕ drŏng mra bêng ler ndrănh mhe jêh ri dak ngi.

Kan Lêvi 26:10

Khân may dôl hôm sa ba tâm yan ơm, hŏ rep ndrăp ntŭk gay ma bun ba tâm yan mhe.

Kan Lêvi 26:3

Tơlah Khân may hăn tĭng nâm nau vay dăp bơh Gâp, mât mray lĕ nau vay ntăm bơh Gâp jêh ri ƀư tĭng kơt,

Kan Lêvi 27:30

‘Lĕ rngôch ndơ du kô̆ tâm jât play bơh neh, ntơm bơh grăp ba tâm mir tât ma kao play bơh tơm si jêng ndơ Brah Yêhôva da dê; nĕ jêng ndơ kloh ueh nhhơr ma Brah Yêhôva.

Ndrom Samƀŭt bơh Agê 2:19

Khân may hôm e đŏng ntil găr tâm jay prăp? Kŏ tât aƀaơ aơ, tơm krăk ƀâu, tơm rvi, tơm pom gra nat, tơm ôlive, tâm ban lĕ mâu geh ôh luh play. Ƀiălah ntơm bơh nar aơ, Gâp mra ăn nau ueh uĭn ma khân may.’ ”

Nau Kơp Bunuyh 18:21

Bi ma kon sau Lêvi, aơ Gâp hŏ ăn ma lĕ rngôch pi kô̆ tâm jât bơh phung Israel, jêng drăp ndơn gay plơ̆ ma nau kan khân păng ƀư, kan khân păng ƀư tâm Ngih Bok Nau Tâm Rƀŭn.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Nau Vay Nkah Tay 12:6

Khân may mra djôt leo ta nây lĕ ndơ ƀư brah gŭch, lĕ mpa ƀư brah, pi du kô̆ tâm jât, ndơ nhhơr yơr, ndơ nhhơr ƀư nanê̆ nau ton, ndơ nhhơr ma nuih n'hâm rŏng, jêh ri lĕ kon dak bôk tâm mpôl ndrôk jêh ri biăp khân may.

Nau Vay Nkah Tay 14:22

“Ăn khân may prăp êng du kô̆ tâm jât lĕ rngôch ndơ bơh găr ntil khân may srih jêh ndơ nây luh tă bơh mir ăp năm.

Nau Vay Nkah Tay 14:29

Nôk nây phung Lêvi, yorlah khân păng mâu geh ôh kô̆ tâm pă jêh ri mâu đŏng dơn nsum drăp ndơn ndrel ma khân may, phung bu năch, phung kon đơi, jêh ri phung bu ur ndrô gŭ tâm ƀon toyh khân may dơi văch da dê sa nhêt ăn hơm. Pônây, Yêhôva Brah Ndu khân may mra ăn nau ueh uĭn ma lĕ rngôch nau kan khân may ƀư.”

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.