Malachi 2:7 - Nau Brah Ndu Ngơi 2023

⁷ Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Malachi 2:7 ပူးပေါင်းရင်းမြစ်များ

II Phung Hađăch 16:11

Kôranh ƀư brah Y-Urija ndâk du mlâm nơng ƀư brah di tĭng nâm rup nơng bơh hađăch Ahas hŏ njuăl tă bơh Damas. Kôranh ƀư brah Y-Urija ƀư lôch jêh nơng ƀư brah nây êlor ma hađăch Ahas sĭt.

II Phung Hađăch 16:16

Kôranh ƀư brah Y-Urija ƀư di tĭng nâm lĕ nau hađăch Ahas hŏ ntĭnh jêh.

II Nau Rêh Jêng 30:22

Y-Hêsêkia ngơi n'hao nuih ma lĕ rngôch phung Lêvi hŏ mpơl nau gĭt mĭn ma kan yơk mbah Brah Yêhôva. Khân păng sông sa răm maak nau rƀŭn tâm pơh nar, nhhơr lĕ mpa ƀư brah ma nau đăp mpăn, jêh ri tâm rnê lah ueh ma Yêhôva Brah Ndu phung chô yau khân păng.

II Nau Rêh Jêng 31:4

Hađăch ntĭnh ma phung ƀon lan gŭ ta ƀon Yêrusalem ăn siăm ma phung kôranh ƀư brah jêh ri phung Lêvi, gay ma khân păng dơi pah kan lĕ nuih n'hâm di nâm nau vay Brah Yêhôva hŏ dăp.

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Êsra 7:25

Bi ma may, Y-Êsra, tĭng nâm nau blau mĭn Brah Ndu hŏ ăn ma may, njêng hom phung kôranh chiă uănh, phung phat dôih, jêng phung gĭt rbăng nau vay Brah Ndu may; gay khân păng phat dôih lĕ rngôch phung ƀon lan gŭ kơh đah ri dak krong. Bi ma phung ê hŏ gĭt nau vay, ăn khân may nti păng ăn gĭt.

Nau Hôr 5:2

Gay ma may dơi mât nau blau njrăng, Jêh ri mbung may djôt prăp nau blau mĭn âk.

Nơm Nti 5:5

Ueh lơn mâu ton rlau lơn đah nau ton mâu ƀư lôch.

Êsai 42:19

Mbu nơm chieh măt, tơlah mâu di jêng oh mon Gâp? Mbu nơm tê̆k tâm ban ma nơm mbơh Gâp hŏ njuăl hăn? Mbu nơm chieh măt tâm ban ma nơm prăp ăn jêh Gâp, Mâu lah chieh măt tâm ban ma oh mon Brah Yêhôva?

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Êsêkiêl 22:26

Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

Daniel 11:33

Lĕ phung gĭt blau tâm phung ƀon lan mra ntĭm nti âk bunuyh, nđâp lah tâm du năng ƀât lât, khân păng mra chôt prah yor ma đao jêh ri yor ŭnh hit, yor nau jêng bu nă jêh ri ma nau mra pit in.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Kan Lêvi 10:11

jêh ri nti hom ma phung ƀon lan Israel lĕ rngôch nau vay Brah Yêhôva dăp hŏ ntĭm nti jêh bơh Y-Môis.”

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Ndrom Samƀŭt bơh Agê 1:13

Y-Agê, nơm mbơh bơh Brah Yêhôva, mbơh Nau Mhe Mhan Ueh Brah Yêhôva ma phung ƀon lan pô aơ: “Brah Yêhôva lah: ‘Gâp nơm gŭ ndrel ma khân may.’”

Sakari 7:3

Khân păng ôp ma phung kôranh ƀư brah tâm ngih Brah Yêhôva ma phung tahan jêh ri ma phung nơm mbơh lor pô aơ: “Di lĕ hên dơi nhĭm vơl jêh ri prăp êng hên nơm ăn kloh ueh tâm khay prăm nâm bu hŏ vay ƀư tâm ăp năm?”

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Yôhan 13:20

Nanê̆, Gâp lah ngăn ma khân may, mbu nơm rom bunuyh Gâp njuăl, jêng păng rom Gâp tâm ban lĕ; jêh ri mbu nơm rom Gâp, nâm bu ntĭt rom Nơm hŏ njuăl Gâp văch.”

Yôhan 20:21

Brah Yêsu lah đŏng ma khân păng: “Ăn nau đăp mpăn ma khân may! Nâm bu Mbơ̆ hŏ njuăl Gâp, Gâp njuăl đŏng khân may kơt nây lĕ.”

Kôranh Oh Mon 16:17

Păng hăn tĭng pakơi Y-Pôl jêh ri hên, nter huy: “Phung bunuyh aơ jêng phung oh mon Brah Ndu Dŭt Prêh, nkoch mbơh ma khân may nau tâm rklaih.”

II Kôrintô 5:20

Pôri, hên jêng nơm mbơh ma Brah Krist, Brah Ndu dŏng hên gay ntĭm nti. Hên vơl dăn ma khân may tâm amoh Brah Krist, ăn tâm nsĭr hom khân may đah Brah Ndu.

Galati 4:14

nđâp tơlah nglay săk gâp jêng du nau rlong uănh ma khân may, khân may mâu đŏng mưch rmot mâu lah dun gâp ôh, ƀiălah khân may vơt rom gâp nâm bu du tông mpăr Brah Ndu, nâm bu vơt rom Brah Yêsu Krist nơm.

Nau Vay Nkah Tay 21:5

Nôk nây phung kôranh ƀư brah jêng phung kon sau Lêvi mra văch dăch, yorlah Yêhôva Brah Ndu khân may hŏ săch jêh khân păng gay pah kan ma Păng, gay tâm amoh Brah Yêhôva mra ăn nau ueh uĭn, jêh ri ma nau khân păng tâm ngơi lĕ nau tâm rlăch jêh ri nau tâm nhăt lĕ nkra jêh.

Nau Vay Nkah Tay 24:8

Njrăng hom nau tâm tưp ji phŭng sa. Ăn khân may blau njrăng ngăn jêh ri djôt prăp lĕ ntil nau bơh phung kôranh ƀư brah noi deh Lêvi mra ntĭm nti khân may; ƀư moh nau gâp hŏ ntĭm jêh ma khân păng.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

I Samuel 2:17

Nau tih bar hê ndăm aơ toyh ngăn tanăp măt Brah Yêhôva, yorlah khân păng mưch ma lĕ ndơ nhhơr ma Brah Yêhôva.