Malachi 2:17 - Nau Brah Ndu Ngơi 2023

¹⁷ Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Malachi 2:17 ပူးပေါင်းရင်းမြစ်များ

Ndrom Samƀŭt bơh Yôp 34:17

Bunuyh rmot nau di mâm dơi jêng kôranh chiă uănh? May dơi rmal Nơm sŏng srăng jêh ri geh nau brah lĕ?

Ndrom Samƀŭt bơh Yôp 34:36

Gay ma Y-Yôp dơn nau rlong uănh kŏ tât lôch, Yorlah nau păng plơ̆ lah nâm bu phung bunuyh djơh mhĭk;

Ndrom Samƀŭt bơh Yôp 36:17

Ƀiălah nuih n'hâm may dơn bêng ma nau mhĭk bơh phung djơh ŭch ƀư; Yor ri nau phat dôih jêh ri nau tâm rmal hŏ kuăn jêh may.

Ndrom Samƀŭt bơh Yôp 9:24

Bri dak tŭp tâm ti phung ƀai Păng nkŭm lơi măt phung kôranh phat dôih; Tơlah mâu di Păng, mbu hôm đŏng?

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 1:14

Gâp tâm rmot ma lĕ nau rƀŭn khay mhe Jêh ri ma lĕ nau rƀŭn nhêt sông tĭng nâm khân may tâm nal jêh. Khân păng ƀư jâk gâp Lĕ nau rƀŭn nây plơ̆ jêng kan jâk jêr ma Gâp,

Êsai 29:15

Rêh ni ngăn phung pôn nau khân păng tâm nchră tâm ntŭk jru ndâp bơh Brah Yêhôva, Kan tâm nau ngo, Jêh ri khân păng mĭn êng: “Mbu dơi saơ he, mbu dơi gĭt he?”

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 43:22

Ƀiălah ơ Yakôb, may mâu mâp kuăl mbơh Gâp ôh! Ơ phung Israel, may dĭl jêh đah Gâp!

Êsai 43:24

Khân may mâu sŏk prăk rvăt rpho ƀâu kah ma Gâp, Jêh ri mâu sŏk ngi mpa ƀư brah ƀư ăn Gâp mpay. Ƀiălah may sŏk nau tih may nơm ƀư ma nuih n'hâm Gâp rngot, Jêh ri sŏk nau djơh mhĭk ƀư ma Gâp rgănh jêh.

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 17:15

Ri, khân păng lah ma gâp: “Ta ntŭk nau Brah Yêhôva ngơi? Mâm dĭng mâu saơ nau mbên!”

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Êsêkiêl 16:43

Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?

Êsêkiêl 18:25

Khân may lah tay pô aơ: ‘Trong Kôranh Brah mâu sŏng ôh.’ Pônây hơi ngih Israel, iăt hom: Trong Gâp mâu sŏng ôh hĕ? Mâu di trong khân may hĕ mâu sŏng ôh?

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Amôt 2:13

Aơ, Gâp mra mpet khân may tâm ntŭk khân may gŭ Nâm bu ndeh tŭn mpet yor ma lĕ nchăp ba

Sôphôni 1:12

Nôk nây, Gâp mra djôt ŭnh rdo sek joi ƀon Yêrusalem, Jêh ri mra tâm rmal phung geh nau mpay jêh nâm bu ndrănh djah dăch dŭt, Jêng phung lah êng pô aơ: ‘Brah Yêhôva mâu mra ăn nau ueh ôh, Mâu lĕ ăn nau mhĭk.’

Malachi 2:14

Khân may ôp đŏng: “Mâm ƀư Păng mâu dơn?” Nây jêng yorlah nau nây Brah Yêhôva mbơh nanê̆ ngăn jêh ma nau tâm rnglăp may đah ur may ntơm bơh may mom ndăm, đah păng jêng nơm may mâu ôh gŭ răp jăp, nđâp lah păng jêng nơm gŭ ndrel may jêh ri jêng ur may ma nau tâm rnglăp.

Malachi 3:8

“Bu dơi sa ntŭng đŏng ndơ Brah Ndu? Ƀiălah khân may lĕ sa ntŭng jêh ndơ Gâp!” Ƀiălah khân may hŏ lah: “Hŏ geh hên sa ntŭng ndơ Kôranh Brah?” “Khân may hŏ ntŭng jêh tâm lĕ ndơ du kô̆ tâm jât jêh ri tâm lĕ ndơ ƀư brah nhhơr.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.