Malachi 2:15 - Nau Brah Ndu Ngơi 2023

¹⁵ Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

Malachi 2:15 ပူးပေါင်းရင်းမြစ်များ

Nau Ntơm 1:27

Brah Ndu rhăk njêng bunuyh tĭng nâm rup Păng Nơm. Păng rhăk njêng bunuyh tĭng nâm rup Brah Ndu. Păng rhăk njêng bu klâu jêh ri bu ur.

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 24:44

Jêh ri păng ơh: “Nhêt dak hom, gâp mra bâk dak ăn ma lĕ phung seh samô may nhêt đŏng,” bu ur druh nây ro jêng nơm Brah Yêhôva mƀŏng jêh ma kon bu klâu kôranh gâp!’

Nau Ntơm 27:46

Jêh nây, H'Rêbêka lah ma Y-Isăk: “Nau rêh gâp rngot ngăn, mâu hôm ŭch rêh đŏng ôh, yorlah phung kon ƀăn mpôl Y-Het. Tơlah Y-Yakôb sŏk du huê tâm phung kon bu ur mpôl Y-Het jêng ur, jêng du huê bu ur tâm n'gor aơ, moh ndơ jan gâp hôm rêh?”

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

Êsra 9:4

Lĕ rngôch phung bunuyh tâm rƀŭn gŭ jŭm gâp, klach râm nsâr ngăn ma nau ngơi Brah Ndu Israel, yorlah tih mâu geh gŭ ueh răp jăp phung tă ƀư bu nă lĕ sĭt jêh hŏ ƀư tih; bi gâp lĕ krit ngăn gŭ ta nây kŏ tât mông nhhơr ndơ ƀư brah kêng mhaơ.

Nêhêmi 13:24

Du n'gul phung kon khân păng ngơi nau phung Asdôt mâu lah ngơi nau phung mpôl băl êng, ƀiălah mâu gĭt nau ngơi phung Yuđa.

Ndrom Samƀŭt bơh Yôp 27:3

Moh nar n'hâm nsôr hôm e tâm gâp, Jêh ri n'hâm rêh bơh Brah Ndu hôm gŭ tâm trôm muh gâp,

Nau Ngluh Êjipt 20:14

May mâu dơi ƀư tih văng tĭr.

Nau Hôr 2:17

Nơm hŏ chalơi sai păng bơh păng hôm druh mom Jêh ri chuêl nau tâm rnglăp đah Brah Ndu păng;

Nau Hôr 4:23

Mât njrăng hom nuih n'hâm may ăn ueh rlau lơn, Yorlah lĕ tu nau rêh luh tă bơh păng.

Nau Hôr 6:25

Nuih n'hâm may lơi ta kơnh nau ueh păng, Lơi ăn ôh rsâng măt păng ndơm may.

Nau Hôr 7:25

Nuih n'hâm may lơi rle ôh mpeh trong bu ur nây; Lơi ta hăn vĭ nhhơt tâm trong păng.

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Malachi 2:14

Khân may ôp đŏng: “Mâm ƀư Păng mâu dơn?” Nây jêng yorlah nau nây Brah Yêhôva mbơh nanê̆ ngăn jêh ma nau tâm rnglăp may đah ur may ntơm bơh may mom ndăm, đah păng jêng nơm may mâu ôh gŭ răp jăp, nđâp lah păng jêng nơm gŭ ndrel may jêh ri jêng ur may ma nau tâm rnglăp.

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Yôhan 20:22

Jêh lah nau nây, Păng khôm n'hâm ma khân păng jêh ri lah: “Dơn hom Brah Huêng Ueh.

Kôranh Oh Mon 3:25

Khân may jêng kon sau phung nơm mbơh lor jêh ri nau tâm rnglăp Brah Ndu hŏ ƀư jêh đah phung chô yau he dôl Păng lah ma Y-Abraham: ‘Lĕ rngôch mpôl băl bunuyh ta klơ neh ntu mra geh nau ueh uĭn tă bơh noi deh may.’

I Kôrintô 7:14

Yorlah sai mâu chroh ma Kôranh Brah mra geh nau kloh ueh yor ma ur păng; bi ur mâu chroh ma Kôranh Brah mra geh nau kloh ueh yor ma sai păng. Tơlah mâu, phung kon khân may mra ƀơ̆ ƀơch, ƀiălah aƀaơ aơ khân păng geh nau ƀư kloh ueh da dê.

I Kôrintô 7:2

Ƀiălah gay ma der tâm nau văng tĭr, ăn ăp nơm bu klâu geh ur, ăn ăp nơm bu ur geh sai.

II Kôrintô 6:18

Gâp mra jêng Mbơ̆ khân may, Khân may mra jêng phung kon bu klâu jêh ri kon bu ur Gâp, Kôranh Brah Geh Lĕ Nau Brah lah pônây.”

Êphêsô 6:4

Hơi phung mbơ̆, lơi ƀư ma oh kon khân may ji nuih, ƀiălah mât rong hom khân păng tâm di keh jêh ri nau ntĭm nti tâm Kôranh Brah.

Nau Vay Nkah Tay 7:4

yorlah khân păng mra ƀư ma phung kon khân may chalơi Kôranh Brah gay pah kan ma phung brah êng, ƀư ma Brah Yêhôva ji nuih ma khân may jêh ri ƀư rai ro khân may.

Titus 1:6

Kôranh bu ranh jêng mâu geh ôh nau nduyh; nguay ur nguay sai; phung kon khân păng chroh ma Kôranh Brah, mâu geh ôh nau bu phong ma nau ƀư blă blơ mâu lah mâu di đah nau vay.

Bu ur Rut 4:12

Dăn Brah Yêhôva ăn ma noi deh may yor bơh bu ur mom aơ mra ƀư ăn ma ngih may tâm ban ma ngih Y-Pêres nơm H'Tamar hŏ deh ma Y-Yuđa!”

I Samuel 2:20

Y-Êli ăn nau ueh uĭn ma Y-Êlkana jêh ri H'Anna pô aơ: “Dăn ma Brah Yêhôva ăn ma bu ur nây deh kon ma may, gay sâm ntrok đah kon păng hŏ dăn jêh ri nhhơr ma Brah Yêhôva!” Jêh nau nây, khân păng hăn plơ̆ sĭt ngih vâl khân păng nơm.