Malachi 2:14 - Nau Brah Ndu Ngơi 2023

¹⁴ Khân may ôp đŏng: “Mâm ƀư Păng mâu dơn?” Nây jêng yorlah nau nây Brah Yêhôva mbơh nanê̆ ngăn jêh ma nau tâm rnglăp may đah ur may ntơm bơh may mom ndăm, đah păng jêng nơm may mâu ôh gŭ răp jăp, nđâp lah păng jêng nơm gŭ ndrel may jêh ri jêng ur may ma nau tâm rnglăp.

Malachi 2:14 ပူးပေါင်းရင်းမြစ်များ

Nau Ntơm 2:18

Yêhôva Brah Ndu lah: “Kon Bunuyh gŭ êng du huê mâu ueh ôh. Gâp mra njêng du huê bunuyh kơl tâm di đah păng.”

Nau Ntơm 31:50

Tơlah may ƀư mhĭk ma phung kon bu ur gâp, mâu lah rlau ma phung kon bu ur gâp tơlah may hôm sŏk nđăp phung ur êng, pôri ăn may kah gĭt, nđâp lah mâu geh ôh bu bunuyh sek uănh he, Brah Ndu jêng nơm saơ ndrăng he gâp đah may.”

Nau Hôr 2:17

Nơm hŏ chalơi sai păng bơh păng hôm druh mom Jêh ri chuêl nau tâm rnglăp đah Brah Ndu păng;

Nau Hôr 30:20

Aơ jêng nau rêh bu ur văng tĭr, Jêh sa, jut mbung, Jêh ri lah: “Gâp mâu mâp geh ƀư nau tih ôh!”

Nau Hôr 5:20

Hơi kon gâp, moh may rŏng ma bu ur văng tĭr, Jêh ri ut rơ u phung bu ur bu năch?

Nơm Nti 9:9

Gŭ rêh hâk răm hom ndrel ur may rŏng jêh ri rêh lôch lĕ rngôch nar dơm dam ăn jêh ma may, tâm dâng nar. Yorlah nây jêng kô̆ bu pă ma may tâm nau rêh, jêh ri tâm nau kan may ƀư hŏt ra-ah tâm dâng nar, dôl tâm lĕ nar dơm dam ma may.

Nau Mprơ Ueh 1:15

Nơm rŏng ueh reh gâp ơi, Ay ueh reh jêh ri mâm ƀư rom nkrơ̆! Măt ay nâm bu măt plŭk.

Êsai 54:6

Brah Yêhôva kuăl jêh ay sĭt Tâm ban ma kuăl du huê ur bu chalơi jêh, jêh ri nuih n'hâm rngot, Jêng lah bu ur bu nđăp jêh dôl hôm druh jêh ri bu chalơi jêh.” Brah Ndu may lah:

Êsai 58:3

Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Yêrêmi 42:5

Khân păng lah đŏng ma Y-Yêrêmi: “Mbơh sơm ma Brah Yêhôva nau ngăn jêh ri răp jăp mbơh an ăn ma hên, tơlah hên mâu ƀư tĭng nâm nau Yêhôva Brah Ndu may prơh may ntĭm nti ma hên,

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Mika 1:2

Hơi lĕ rngôch phung ƀon lan, iăt hom! Hơi neh ntu jêh ri lĕ rngôch ndô ndơ ta klơ neh, rkêng tôr iăt hom! Kôranh Brah Yêhôva tă bơh ngih kloh ueh Păng, Dăn Kôranh Brah mbơh nau tâm rdâng đah khân may!

Malachi 2:15

Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Malachi 3:8

“Bu dơi sa ntŭng đŏng ndơ Brah Ndu? Ƀiălah khân may lĕ sa ntŭng jêh ndơ Gâp!” Ƀiălah khân may hŏ lah: “Hŏ geh hên sa ntŭng ndơ Kôranh Brah?” “Khân may hŏ ntŭng jêh tâm lĕ ndơ du kô̆ tâm jât jêh ri tâm lĕ ndơ ƀư brah nhhơr.

Phung Kôranh Phat Dôih 11:10

Phung bu ranh n'gor Gilêat lah ma Y-Jêptê: “Hên mra ƀư di nâm nau may lah. Dăn Brah Yêhôva jêng nơm mbơh ta nklang he!”

I Samuel 12:5

Păng lah tay: “Brah Yêhôva jêng nơm mbơh tâm rdâng ma khân may, jêh ri nơm Păng tŏ jêh dak ƀâu kah mbơh đŏng pô aơ nar aơ ma nau khân may mâu saơ du ntil ndơ ôh tâm ti gâp.” Khân păng lah: “Dăn Păng jêng Nơm mbơh an!”