Malachi 2:10 - Nau Brah Ndu Ngơi 2023

¹⁰ Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Malachi 2:10 ပူးပေါင်းရင်းမြစ်များ

Nêhêmi 13:29

“Hơi Brah Ndu gâp! Dăn lơi chuêl ôh jêng khân păng hŏ ƀư ƀơ̆ ƀơch nau kan kôranh ƀư brah jêh ri nau tâm rnglăp ma nau kan kôranh ƀư brah jêh ri ma phung Lêvi.”

Ndrom Samƀŭt bơh Yôp 31:15

Nơm rhăk njêng gâp tâm trôm ndŭl me gâp, mâm mâu rhăk njêng khân păng? Mâm mâu di knŏng geh du huê Nơm rhăk njêng he tâm trôm ndŭl me?

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Ngluh Êjipt 19:4

‘Khân may hŏ saơ jêh nau Gâp ƀư ma phung Êjipt, Gâp hŏ rdeng khân may ma năr klang ƀŭng, jêh ri mâm nau Gâp njŭn leo jêh khân may ma Gâp nơm.

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 24:3

Nôk Y-Môis tât jêh ri nkoch tay ma phung ƀon lan lĕ rngôch nau ngơi jêh ri lĕ nau vay Brah Yêhôva, phung ƀon lan ndrel du bâr plơ̆ lah: “Hên mra ƀư lĕ nau Brah Yêhôva lah jêh.”

Nau Ngluh Êjipt 24:7

Păng djôt ndrom samƀŭt nau tâm rnglăp jêh ri răk ăn ma phung ƀon lan tăng. Khân păng lah: “Hên mra tĭng ƀư jêh ri djôt prăp lĕ nau Brah Yêhôva hŏ ntăm jêh.”

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:15

Gâp jêng Brah Yêhôva, Nơm Kloh Ueh khân may, Nơm rhăk phung Israel, jêng hađăch khân may.”

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 44:2

Brah Yêhôva jêng Nơm njêng jêh may, Hŏ mon jêh may tâm ndŭl me, jêh ri mra kơl may; Păng lah: Ơ phung Yakôb, oh mon Gâp, Jêh ri Yêsurun, nơm Gâp săch jêh, lơi klach ôh!

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Êsêkiêl 33:24

“Hơi kon bunuyh, phung gŭ tâm ntŭk rlâm rai ta bri Israel lah pô aơ: ‘Y-Abraham knŏng du huê păng ƀiălah hŏ dơi sŏk dơn jêh bri neh aơ. Bi ma he âk bunuyh n'hêl nanê̆ bri aơ mra dơi ăn ma he ƀư jêng drăp ndơn.’

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 2:11

Phung Yuđa gŭ tâm nau mbruh, jêh ri hŏ ƀư jêh nau ƀơ̆ ƀơch tâm phung Israel jêh ri tâm ƀon Yêrusalem. Yuđa hŏ ƀư ƀơ̆ jêh jrô kloh ueh Brah Yêhôva rŏng, yorlah khân păng nkhơng ma gŭ ur sai đah kon bu ur brah bu năch.

Malachi 2:8

Ƀiălah khân may nkhơng ma teng tă bơh trong ngăn, dŏng nau ntrŭnh ƀư ma âk bunuyh chêh prah, jêh ri ƀư rai nau tâm rnglăp phung Lêvi.” Brah Yêhôva ma phung tahan lah kơt nây.

Mathay 10:21

Nâu mra jao oh păng nơm ma bu gay ƀư nkhĭt, mbơ̆ mra jao kon păng nơm, phung kon mra plơ̆ dâk tâm rdâng đah mê̆ mbơ̆ jêh ri ƀư ăn ma khân păng khĭt.

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Mathay 3:9

jêh ri lơi mĭn êng pô aơ: ‘Y-Abraham jêng chô yau hên’; yorlah gâp mbơh ma khân ay may gĭt pô aơ Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Luka 1:73

Nâm nau Păng hŏ sơm ton đah Y-Abraham, Jêng chô yau he,

Luka 3:8

Pôri, play kao hom tâm di jêh ma nau tâm rmal nau tih; lơi mĭn êng: ‘Y-Abraham jêng chô yau hên’; yorlah gâp lah đah khân may, Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Yôhan 8:39

Khân păng plơ̆ lah: “Mbơ̆ hên jêng Y-Abraham.” Brah Yêsu lah: “Lah khân may jêng kon sau Y-Abraham, khân may ƀư lĕ kan Y-Abraham ƀư.

Yôhan 8:41

Khân may ƀư kan ma mbơ̆ khân may nơm.” Khân păng lah: “Hên mâu di jêng kon văng tĭr ôh, hên knŏng geh du Mbơ̆, jêng Brah Ndu.”

Yôhan 8:53

Nơm Nti toyh lơn ma Y-Abraham, chô yau hên jêng bunuyh khĭt jêh ƀơh? Phung nơm mbơh lor khĭt tâm ban lĕ! May mĭn May nơm mbu jêng?”

Yôhan 8:56

Y-Abraham jêng mbơ̆ khân may maak răm ŭch saơ ma nar Gâp; păng hŏ saơ jêh ri răm rhơn.”

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

Kôranh Oh Mon 17:25

Păng mâu đŏng ŭch ma ti bunuyh pah kan tâm ban ma Păng ŭch ti bunuyh kơl, yorlah Păng yơh jêng Nơm ăn nau rêh, n'hâm nsôr jêh ri ăp ntil ndơ ma lĕ rngôch bunuyh.

Kôranh Oh Mon 17:26

Ntơm bơh du huê, Păng njêng lĕ rngôch mpôl băl bunuyh jêh ri ƀư ăn khân păng gŭ lam bri neh. Păng tâm nal jêh rnôk jêh ri n'har ma khân păng gŭ,

Kôranh Oh Mon 7:2

Y-Êtiên plơ̆ lah: “Hơi phung oh nâu, phung mbơ̆, gŭ iăt hom gâp lah! Brah Ndu tâm nau chrêk rmah hŏ tâm mpơl jêh ma chô yau he jêng Y-Abraham, dôl păng gŭ tâm n'gor Mêsôpôtami, lor ma păng hăn gŭ ta ƀon Charan,

Kôranh Oh Mon 7:26

Nar ôi taơ, dôl khân păng tâm nhăt ndrăng khân păng, păng văch dăch jêh ri gay ma gŭ đăp mpăn: ‘Hơi khân may, jêng oh nâu, mâm ƀư khân may ƀư mhĭk ndrăng oh nâu nơm?’

Samƀŭt Pôl Njuăl Ăn Ma Phung Nsing Ta Ƀon Rôm 4:1

Pôri, mâm he mra lah ma Y-Abraham, chô yau tĭng nâm nglay săk he, moh ndơ păng hŏ dơn jêh?

Samƀŭt Pôl Njuăl Ăn Ma Phung Nsing Ta Ƀon Rôm 9:10

Mâu dơn nâm nĕ ôh, nôk H'Rêbêka bă kon bar tă bơh du huê nuyh jêng Y-Isăk, chô yau he;

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

Êphêsô 4:6

geh knŏng nguay Brah Ndu, Mbơ̆ ma lĕ rngôch bunuyh, Păng gŭ ta klơ lĕ rngôch bunuyh, ta nklang lĕ rngôch bunuyh jêh ri tâm trôm lĕ rngôch bunuyh.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.

ហេឞ្រើ 12:9

Rlau lơn ma nĕ, mbơ̆ tâm nglay săk nduyh nkra, he hôm klach yơk, rlau lơn ma Mbơ̆ tâm huêng, mâu di hĕ he mra tông âk tơ̆ lơn gay geh nau rêh?

Yôsuê 24:3

Ƀiălah Gâp djôt leo jêh Y-Abraham, chô yau khân may, bơh đah ri dak krong jêh ri njŭn păng hăn lam lĕ bri Kanaan, ăn Y-Isăk ma păng jêh ri ƀư ma noi deh păng deh kon bĭk rơ̆.