Luka 24:27 - Nau Brah Ndu Ngơi 2023

²⁷ Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Bunong Bible Latin Script Cambodian dialect

²⁷ Jêh ri Brah Yêsu rblang lĕ nau bu nchih ma săk Păng ta samƀŭt Nau Kôranh Brah Ngơi, ntơm bơh samƀŭt i Môsê nchih, tât ma dâng lĕ samƀŭt i bunuyh ntơyh nau ngơi Kôranh Brah kăl e nơh nchih đŏng.

Bunong

²⁷ ជេសរី​ឞ្រាស​យេឆូ  ​រាឞ្លាង​លែៈ​នាវ​ឞូ​ញចីស​មា​ឆាក់​ពាង់​តា​ឆ៝ម់បុត​នាវ​កោរាញ​ឞ្រាស​ងើយ នតើម​ឞើស​ឆ៝ម់បុត​អី​មោឆេ  ​ញចីស ត៝ត់​មា​ទឹង​លែៈ​ឆ៝ម់បុត​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស​ដ៝ង់។

Luka 24:27 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 50:6

Gâp jao jêh ndŭr kơi Gâp ăn bu dong, Jêh ri jao trô bom Gâp ma phung păk têp kang Gâp; Gâp mâu mâp pôn măt Ma nau bu ƀư bêk mâu lah bu soh dak diu ta măt.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Êsai 9:1

Phung ƀon lan hăn jêh tâm nau ngo Hŏ saơ jêh nau ang toyh; Phung dôl gŭ tâm bri ngo klĕng. Aƀaơ nau ang sol tâm khân păng.

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Daniel 7:13

Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Mika 5:6

Phung hôm e klen bơh Y-Yakôb Mra gŭ ta nklang âk phung ƀon lan, Nâm bu truh dak tŭk văch tât bơh Brah Yêhôva, Nâm bu dak mih jê̆ tŭp ta klơ gơ̆ nse, Mâu kâp bu ôh Mâu lĕ ŭch ndơ tă phung bu klâu kon bunuyh.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Nau Kơp Bunuyh 21:14

Yor nây, Nau Tâm Lơh Brah Yêhôva bu nchih: “Vahep gŭ ta Supha Jêh ri rlŭng dak krong Arnôn,

Markôs 4:34

Păng vay mbơh nkoch ma khân păng ma nau hôr da dê; ƀiălah dôl păng gŭ êng ndrel ma phung oh mon, Păng rblang lĕ rngôch nau nây ma khân păng.

Luka 24:25

Nôk nây Brah Yêsu lah ma khân păng: “Nanê̆ ngăn khân may rluk mâl jêh ri geh nuih n'hâm băt chroh lĕ nau phung nơm mbơh lor hŏ lah!

Luka 24:44

Brah Yêsu lah: “Aơ jêng lĕ nau Gâp hŏ ntăm jêh ma khân may, dôl Gâp hôm gŭ ndrel ma khân may: Lĕ nau bu nchih ma Gâp tâm Nau Vay Y-Môis, tâm lĕ ndrom samƀŭt Mbơh Lor, jêh ri tâm ndrom samƀŭt Nau Mprơ Ơm dơi tât di ngăn.”

Yôhan 1:45

Y-Philip joi Y-Nathanel jêh ri lah: “Hên hŏ mâp jêh Nơm Y-Môis hŏ nchih jêh tâm nau vay, jêh ri lĕ phung nơm mbơh lor geh đŏng nchih tay; nây yơh jêng Brah Yêsu, kon Y-Yôsep, gŭ ta ƀon Nasaret.”

Yôhan 12:41

Y-Êsai lah nau aơ, yorlah hŏ saơ nau chrêk rmah Brah Yêsu jêh ri lah ma Păng.

Yôhan 5:37

Mbơ̆ nơm, Nơm hŏ njuăl Gâp, ăt mbơh nkoch lĕ Gâp. Khân may ê mâp tăng bâr Păng, mâu lah saơ muh măt Păng,

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Kôranh Oh Mon 10:43

Lĕ rngôch phung kôranh nơm mbơh lor mbơh nkoch jêh ma mbu nơm chroh ma Păng geh nau yô̆ an ma nau tih ma amoh Păng.”

Kôranh Oh Mon 3:18

Ƀiălah Brah Ndu hŏ dŏng nau nây gay ƀư tâm di ngăn nau Păng mbơh lor tă bâr mbung phung nơm mbơh lor ma Brah Krist Păng dơn nau nđêh nji.

Kôranh Oh Mon 3:22

N'hêl nanê̆ ngăn, Y-Môis lah jêh: ‘Kôranh Brah jêng Brah Ndu khân may mra n'hao tâm phung oh nâu khân may du huê Nơm mbơh lor tâm ban ma gâp jêh ri khân may mra iăt tĭng lĕ nau păng ngơi ma khân may.

Kôranh Oh Mon 3:24

Lĕ rngôch phung nơm mbơh lor, ntơm bơh Y-Samuel tât ma phung ntrok păng, nôk hŏ ngơi nau mbơh lor jêh mra nkoch mbơh đŏng lĕ nar aơ.

Kôranh Oh Mon 7:37

Y-Môis aơ ngơi jêh ma phung kon Israel: ‘Brah Ndu mra n'hao tâm phung oh nâu khân may du huê nơm mbơh lor tâm ban ma gâp.’

Kôranh Oh Mon 8:35

Y-Philip ngơi, ntơm bơh ntŭk Nau Brah Ndu Ngơi nây jêh ri nti lah Nau Mhe Mhan Ueh ma nau Brah Yêsu ma păng.

Nau Vay Nkah Tay 1:45

Rnôk plơ̆ sĭt khân may hŏ nhĭm jêh tanăp măt Brah Yêhôva, ƀiălah Brah Yêhôva mâu iăt ôh jêh ri kŏ mâu đŏng rkêng tôr ma nau khân may nter nhĭm.

Nau Vay Nkah Tay 18:15

“Tă bơh tâm phung ƀon lan khân may, Yêhôva Brah Ndu mra n'hao du huê nơm mbơh lor tâm ban ma gâp. Ăn khân may iăt nau ngơi nơm mbơh lor nây.

Nau Tâm Mpơl 19:10

Gâp chon mon ta jâng tông mpăr gay yơk mbah, ƀiălah tông mpăr lah: “Lơi ƀư kơt nây, gâp jêng mĭt jiăng pah kan ndrel ma may jêh ri ma phung oh nâu may, jêng phung bunuyh djôt prăp nau Brah Yêsu mbơh. Yơk mbah hom ma Brah Ndu. Yorlah nau mbơh nkoch ma Brah Yêsu jêng nau du nđơr tâm nau mbơh lor.”