Luka 22:17 - Nau Brah Ndu Ngơi 2023

¹⁷ Păng sŏk kachok, lah ueh jêh nây lah: “Sŏk hom kachok jêh ri tâm pă ma ndrăng khân may.

Bunong Bible Latin Script Cambodian dialect

¹⁷ Jêh ri Brah Yêsu sŏ kchok ndrănh play yŭng yar ƀon, lah ueh ma Kôranh Brah. Jêh lah ueh ri Păng lah: “Sŏ kchok dja tâm pă băl nhêt.

Bunong

¹⁷ ជេសរី​ឞ្រាស​យេឆូ  ​ឆ៝ៈ​កាច៝ក​នទ្រាញ់​ព្លៃ​យុងយារ​ប៝ន លាស​អ្វែស​មា​កោរាញ​ឞ្រាស។ ជេស​លាស​អ្វែស​រី​ពាង់​លាស៖ “ឆ៝ៈ​កាច៝ក​អ្យា​តឹម​ពាៈ​ឞាល់​ញេត។

Luka 22:17 ပူးပေါင်းရင်းမြစ်များ

Nau Mprơ Ơm 116:13

Gâp mra sŏk kachok nau tâm rklaih Jêh ri kuăl mbơh sơm ma amoh Brah Yêhôva.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Yêrêmi 16:7

Mâu geh nơm nkê̆ch ƀănh ăn ma phung klâng ndrê gay bonh leng khân păng ma bunuyh hŏ khĭt; mâu đŏng geh lĕ nơm ăn kachok tâm pă nau rngot yor nau khĭt mê̆ mbơ̆ khân păng.

Mathay 14:19

Jêh Păng ntĭnh ma phung ƀon lan nây gŭ ta ndrêch, Păng sŏk prăm mlâm piăng let jêh ri bar mlâm ka, n'gơr măt klơ trôk, lah ueh jêh ri nkê̆ch piăng let ăn ma phung oh mon, khân păng tâm pă ăn ma phung ƀon lan.

Mathay 15:36

Păng sŏk pơh mlâm piăng let jêh ri ƀaƀă ka, lah ueh, jêh nây nkê̆ch jêh ri ăn phung oh mon gay khân păng tâm pă ăn ma phung ƀon lan.

Mathay 26:26

Dôl gŭ sông sa, Brah Yêsu sŏk piăng let, lah ueh, nkê̆ch ăn ma phung oh mon, jêh nây lah: “Sŏk hom, sa! Aơ jêng săk jăn Gâp.”

Markôs 14:22

Dôl gŭ sông sa, Brah Yêsu sŏk piăng let, lah ueh, jêh ri nkê̆ch piăng let jêh ri ăn ma phung oh mon jêh ri lah: “Sŏk hom, aơ jêng săk jăn Gâp.”

Luka 22:19

Jêh nây Păng sŏk piăng let, lah ueh, nkê̆ch piăng let, tâm pă ma phung oh mon jêh ri lah: “Aơ jêng săk jăn Gâp ăn ma yor khân may. Ƀư hom nau nây gay ma kah gĭt ma Gâp.”

Luka 9:16

Brah Yêsu sŏk prăm mlâm piăng let jêh ri bar mlâm ka, n'gơr măt klơ trôk, nau lah ueh jêh ri nkê̆ch piăng let, jao ăn ma phung oh mon tâm pă ma phung ƀon lan.

Samƀŭt Pôl Njuăl Ăn Ma Phung Nsing Ta Ƀon Rôm 14:6

Bunuyh prăp nar jêng prăp yor Kôranh Brah; bunuyh sa, sa đŏng yor Kôranh Brah, yorlah khân păng lah ueh ma Brah Ndu; bunuyh mâu sa đŏng mâu sa yor Kôranh Brah lĕ, jêh ri khân păng lah ueh đŏng ma Brah Ndu.

I Kôrintô 10:16

Kachok nau ueh maak he lah ueh, mâu di hĕ păng jêng geh du kô̆ tâm mham Brah Krist? Piăng let he nkê̆ch nây mâu di hĕ jêng du kô̆ tâm săk jăn Brah Krist?

I Kôrintô 11:23

Yorlah gâp geh dơn tă bơh Kôranh Brah nau gâp nti ma khân may: Nây jêng tâm măng bu jao Brah Yêsu ma bu, Păng sŏk piăng let,

Nau Vay Nkah Tay 8:10

Pôri, lah khân may sa hơm jêh, ăn khân may kah gĭt tâm rnê ma Yêhôva Brah Ndu, yorlah Păng hŏ ăn jêh ma khân may nkual neh ueh nây.

I Samuel 9:13

Tơlah khân may lĕ lăp tâm ƀon, khân may mra saơ păng êlor ma păng hăn hao ntŭk prêh klơ gay ma sông sa. Phung ƀon lan mâu mra sông sa lor ôh lah mâu hŏ tât păng, yorlah păng ăn nau ueh uĭn ma mpa ƀư brah; jêh nau nây, phung bu jă mra sa. Pônây, aƀaơ hăn hao hom, yorlah nar aơ n'hêl nanê̆ khân may mra tâm mâp đah păng.”