Luka 21:36 - Nau Brah Ndu Ngơi 2023

³⁶ Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Bunong Bible Latin Script Cambodian dialect

³⁶ Njrăng, ndrel ma mbơh sơm ƀaƀơ hŏm, gay ma geh suan dơi ăt ma lĕ nau tât i nây, ndrel ma dơi dâk nâp mâu geh klach ta năp Gâp i Kon Bunuyh tă bơh Kôranh Brah.”

Bunong

³⁶ ញជ្រាង់ នទ្រែល​មា​មឞើស​ឆើម​បាបើ​ហ៝ម់ គៃ​មា​គែស​ឆ្វាន​ទើយ​អ៝ត់​មា​លែៈ​នាវ​ត៝ត់​អី​នៃ នទ្រែល​មា​ទើយ​ទ៝ក់​ន៝ប់​មោ​គែស​ក្លាច​តា​នាប់​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស”។

Luka 21:36 ပူးပေါင်းရင်းမြစ်များ

Ndrom Samƀŭt bơh Yôp 27:10

Păng geh lĕ nau hâk răm tâm Nơm Geh Lĕ Nau Brah, Jêh ri mbơh sơm ƀaƀơ ma Brah Ndu lĕ?

Nau Mprơ Ơm 1:5

Yor ri, bunuyh mhĭk mâu dơi dâk ôh tâm nar phat dôih, Phung tih mâu dơi lăp tâm phung sŏng srăng.

Yêrêmi 35:19

Yor nây, Brah Yêhôva ma phung tahan, Brah Ndu Israel, lah pô aơ: ‘Y-Jêhônadap, kon bu klâu Y-Rêkap, mâu mra pưt ôh du huê bunuyh dâk panăp Gâp.’”

Malachi 3:2

Ƀiălah mbu nơm dơi dơn nar Păng văch? Mbu nơm dơi dâk lah păng tâm mpơl? Yorlah Păng jêng nâm bu ŭnh bunuyh blau krĕt prăk, nâm bu buh bunuyh blau ƀư kloh bok.

Mathay 24:42

Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Mathay 24:43

Gĭt hom nau nây, tơlah du huê kôranh ngih gĭt moh mông bunuyh ntŭng văch, păng mra rngeh njrăng, mâu ăn bunuyh ntŭng lăp tâm ngih păng.

Mathay 24:44

Yor ri, ăn khân may rơm ndrăp jêh, yorlah Kon Bunuyh văch tâm mông khân may mâu geh mĭn.

Mathay 25:13

Pôri, rngeh njrăng hom, yor khân ay may mâu gĭt nar, mâu lĕ gĭt mông đŏng.”

Mathay 26:41

Rngeh njrăng hom jêh ri mbơh sơm gay ma khân may mâu tŭp tâm nau ndơm. Huêng ŭch ngăn, ƀiălah nglay săk rdja.”

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Markôs 13:33

Njrăng hom jêh ri gŭ rngeh yorlah khân may mâu gĭt ôh ndah jŏ mông nây mra tât.

Markôs 13:37

Lĕ nau Gâp lah ma khân may, Gâp lah ma lĕ rngôch bunuyh đŏng: Gŭ rngeh njrăng hom!”

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Luka 20:35

ƀiălah phung dơi kơp jêng khư dơn kô̆ tâm rnôk kăndơ̆ jêh ri dơi dâk rêh tay tă bơh nau khĭt, mâu mra hôm sŏk ur sŏk sai ôh.

Luka 21:35

tâm ban ma lĕ rngôch bunuyh gŭ lam klơ neh ntu.

Kôranh Oh Mon 10:2

Păng ơm jêng bunuyh ueh, lĕ rnăk vâl geh nau klach yơk ma Brah Ndu; păng vay ăn yô̆ âk ndơ ma phung ƀon lan jêh ri păng mbơh sơm kuăl Brah Ndu ƀaƀơ.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

II Kôrintô 4:14

Yorlah hên gĭt ma Nơm hŏ ƀư ăn Kôranh Brah jêng Brah Yêsu dâk rêh tay, mra ƀư ăn hên dâk rêh tay ndrel ma Brah Yêsu lĕ, jêh ri djôt leo hên ndrel ma khân may lăp tâm nau tâm mpơl Păng.

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

I Têsalônik 5:17

mbơh sơm hom mâu rlu;

II Timôthê 4:5

Ƀiălah ma kô̆ may, di keh hom tâm lĕ rngôch ndơ, srôih dơn nau hŏt rgănh, pah kan du huê nơm mbơh nkoch Nau Mhe Mhan Ueh jêh ri ƀư rĭng nau kan may nơm.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

I Yôhan 2:28

Jêh ri aƀaơ, hơi phung kon jê̆, gŭ hom tâm Păng, gay nôk Păng tâm mpơl, he dơi geh nau nănh, mâu đit prêng tanăp măt Păng dôl Păng tât.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 11:4

Bar hê bunuyh aơ jêng bar tơm play ôlive jêh ri bar jâng kađen dâk tanăp Kôranh Brah neh ntu.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.

Nau Tâm Mpơl 8:2

Gâp saơ pơh nuyh tông mpăr dâk tanăp Brah Ndu, jêh ri bu ăn ma khân păng pơh mlâm nŭng.