Luka 19:17 - Nau Brah Ndu Ngơi 2023

¹⁷ Kôranh lah: ‘Hơi oh mon sŏng, ueh ngăn, yorlah may hŏ răp jăp tâm kan jê̆, may mra dơi chiă uănh jât ƀon.’

Bunong Bible Latin Script Cambodian dialect

¹⁷ Jêh ri kađăch i nây lah ma păng: ‘May jan ueh ngăn, hơi dâk ueh, gâp mra ăn may mât uănh jât ơ̆ ƀon, yorlah nau kar jê̆ dja may jan răp jăp ngăn’.

Bunong

¹⁷ ជេសរី​កាដាច់​អី​នៃ​លាស​មា​ពាង់៖ «មៃ​ជាន​អ្វែស​ងាន់ ហើយ​ទឹក​អ្វែស គ៝ប់​មរា​អ៝ន់​មៃ​ម៝ត់​អ្វាញ់​ជឹត​អឹ​ប៝ន យ៝រ​លាស​នាវ​ការ​ជេៈ​អ្យា​មៃ​ជាន​រាប់​ជាប់​ងាន់»។

Luka 19:17 ပူးပေါင်းရင်းမြစ်များ

Nau Ntơm 39:4

Y-Yôsep geh nau yô̆ tanăp măt kôranh păng, jêh ri pah kan groi păng. Păng njêng Y-Yôsep jêng bunuyh mât ngih jêh ri jao lĕ rngôch drăp ndơ ma Y-Yôsep.

Nau Hôr 27:18

Mbu nơm mât mray tơm rvi mra sa play păng, Jêh ri mbu nơm pah kan ma kôranh păng mra geh nau yơk.

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Luka 16:10

Mbu nơm răp jăp tâm kan dŭt jê̆, răp jăp đŏng tâm kan toyh, mbu nơm kue tâm nau dŭt jê̆, kue đŏng tâm kan toyh.

Luka 19:16

Oh mon tal nguay văch mbơh: ‘Hơi kôranh, glo prăk may hŏ dơi geh n'hao kao tât jât glo prăk.’

Luka 19:18

Bunuyh rơh bar mbơh: ‘Hơi kôranh, glo prăk may hŏ dơi geh n'hao kao jêng prăm glo prăk.’

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Samƀŭt Pôl Njuăl Ăn Ma Phung Nsing Ta Ƀon Rôm 2:29

Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.