Kôranh Oh Mon 9:13 - Nau Brah Ndu Ngơi 2023

¹³ Y-Ananias ơh: “Ơ Kôranh Brah, gâp tăng jêh âk bunuyh lah ma nơm nây ƀư djơh hâu ngăn ma phung kloh ueh May tâm ƀon Yêrusalem.

Bunong Bible Latin Script Cambodian dialect

¹³ Ananês ngơi ma Brah Yêsu: “Hơi Kôranh, ŏk bunuyh gâp tăng lư bu nkoch păng, bu klô i nây hô ngăn păng jan jêr ma phung kloh ueh May ta ƀon Yêrusalem ri.

Bunong

¹³ អានានេស  ​ងើយ​មា​ឞ្រាស​យេឆូ  ៖ “ហើយ​កោរាញ អ៝ក់​ឞូនុយ្ស​គ៝ប់​តាង់​លឺ​ឞូ​ងក៝ច​ពាង់ ឞូ​ក្លោ​អី​នៃ​ហោ​ងាន់​ពាង់​ជាន​ជេរ​មា​ផូង​ក្ល៝ស​អ្វែស​មៃ​តា​ប៝ន​យេរូឆាលឹម  ​រី។

Kôranh Oh Mon 9:13 ပူးပေါင်းရင်းမြစ်များ

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Kôranh Oh Mon 22:4

Gâp hŏ tă ƀư mhĭk ma phung chroh aơ kŏ tât nkhĭt; nhŭp chăp jêh ri krŭng nđâp ma bu ur mâu lah bu klâu.

Kôranh Oh Mon 8:3

Ƀiălah Y-Sôl ƀư rai ma Phung Ngih Brah Ndu, rduh lăp ăp ngih vâl nhŭp phung bu ur bu klâu têk leo krŭng khân păng.

Kôranh Oh Mon 9:1

Rnôk nây, Y-Sôl hôm thăm jêh ri nkhĭt phung oh mon Kôranh Brah. Păng hăn ta kôranh ƀư brah toyh lơn,

Kôranh Oh Mon 9:21

Lĕ rngôch phung gŭ iăt nau nti hih rhâl ngăn, jêh ri lah pô aơ: “Di lĕ păng nơm hŏ tă ƀư djơh ma phung kuăl mbơh sơm ma amoh aơ ta ƀon Yêrusalem, jêh ri păng văch đŏng ta aơ gay chăp khân păng jêh ri têk leo ma phung kôranh ƀư brah toyh?”

Kôranh Oh Mon 9:32

Dôl nây, Y-Pêtrôs nsong lam ntŭk, hăn tât lĕ ma phung kloh ueh gŭ ta ƀon Liđa.

Kôranh Oh Mon 9:41

Y-Pêtrôs yơr ti sâm rdâk păng dâk, păng kuăl phung kloh ueh nđâp ma phung bu ur ndrô văch, ntĭm ăn phung nây saơ păng dâk rêh.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 15:31

gay ma gâp dơi klaih bơh phung mâu chroh tâm n'gor Yuđa, jêh ri nau gâp pah kan dôl gâp hăn tât ta ƀon Yêrusalem mra dơi phung kloh ueh dơn.

Samƀŭt Pôl Njuăl Ăn Ma Phung Nsing Ta Ƀon Rôm 16:15

Mbah khâl đah Y-Philôlôgus jêh ri H'Juli, bar hê oh ruh Y-Nêrê jêh ri oh bu ur păng, Y-Ôlimpas, jêh ri lĕ rngôch phung kloh ueh gŭ ndrel ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 16:2

Ăn khân may vơt rom păng ma nau khư jêh tâm amoh Kôranh Brah tâm ban vơt rom ma phung kloh ueh, jêh ri sâm kơl păng ăp tơ̆ păng ŭch ma khân may; yorlah păng yơh hŏ tă kơl âk bunuyh, jêh ri nđâp ma gâp tâm ban lĕ.

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

I Kôrintô 14:33

Yorlah Brah Ndu mâu di jêng Brah Ndu nau uh ah ôh, ƀiălah nau đăp mpăn. Tâm ban ma lĕ Phung Ngih Brah Ndu phung kloh ueh,

I Kôrintô 16:1

Ma nau riu prăk ma phung kloh ueh, ăn khân may ƀư tĭng nau gâp lĕ ntĭm jêh ma lĕ Phung Ngih Brah Ndu ta n'gor Galati.

I Kôrintô 6:5

Gâp lah pônây gay ma khân may bêk prêng! Mâm ƀư tâm phung khân may mâu geh du huê tŏng nau blau mĭn gay ma phat dôih ndrăng oh nâu khân may nơm?

Êphêsô 1:1

Y-Pôl, tĭng nâm nau Brah Ndu ŭch jêng kôranh oh mon Brah Yêsu Krist, nchih njuăl ma phung kloh ueh gŭ ta ƀon Êphêsô, jêng phung răp jăp tâm Brah Yêsu Krist.

Philip 1:1

Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Philip 4:22

Lĕ rngôch phung kloh ueh jô̆ khâl khân may, khlay ngăn ngên jêng phung gŭ tâm ngih Sêsar.

Kôlôh 1:2

njuăl ma phung kloh ueh jêh ri ma phung oh nâu răp jăp tâm Brah Krist tâm ƀon Kôlôs: Dăn Brah Ndu, Mbơ̆ he, ăn nau yô̆ jêh ri nau đăp mpăn ma khân may.

ហេឞ្រើ 13:24

Mbah ma lĕ rngôch phung chiă uănh khân may jêh ri lĕ rngôch phung kloh ueh. Phung kloh ueh ta n'gor Italy njuăl nau mbah jô̆ khâl ma khân may.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.

I Samuel 16:2

Y-Samuel lah: “Mâm gâp dơi hăn? Tơlah Y-Sôl tăng nau nây păng mra nkhĭt gâp!” Brah Yêhôva lah: “Têk leo ndrel ma may du mlâm ndrôk me druh, jêh ri lah: ‘Gâp văch gay nhhơr mpa ƀư brah ma Brah Yêhôva.’