Kôranh Oh Mon 8:12 - Nau Brah Ndu Ngơi 2023

¹² Ƀiălah dôl khân păng hŏ chroh Y-Philip, jêng bunuyh mbơh nkoch Nau Mhe Mhan Ueh ma ƀon bri hađăch Brah Ndu jêh ri amoh Brah Yêsu Krist ma khân păng, pô ri nđâp bu ur bu klâu dơn nau ƀaptem da dê.

Bunong Bible Latin Script Cambodian dialect

¹² Yơn ma dôl Philip mbơh nkoch nau mhe mhan ueh ma nau Kôranh Brah ŭch mât uănh ma bunuyh, ndrel ma mbơh nkoch Brah Yêsu Krist, bu tâng iăt nau păng ngơi i nây ro, jêh ri khân păng ăn Philip jan ƀăptem yŭk khân păng ma dak nđâp ma bu ur bu klô.

Bunong

¹² យើន​មា​ទោល​ផីលីប  ​មឞើស​ងក៝ច​នាវ​មហែ​មហាន​អ្វែស​មា​នាវ​កោរាញ​ឞ្រាស​អុច​ម៝ត់​អ្វាញ់​មា​ឞូនុយ្ស នទ្រែល​មា​មឞើស​ងក៝ច​ឞ្រាស​យេឆូ​ក្រីស  ឞូ​តឹង​អ្យាត់​នាវ​ពាង់​ងើយ​អី​នៃ​រ៝ ជេសរី​ខាន់​ពាង់​អ៝ន់​ផីលីប  ​ជាន​បាប់តែម​យុក​ខាន់​ពាង់​មា​ទាក​នអ៝ប់​មា​ឞូ​អូរ​ឞូ​ក្លោ។

Kôranh Oh Mon 8:12 ပူးပေါင်းရင်းမြစ်များ

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Luka 9:2

Păng njuăl khân păng mbơh nkoch ma nau ƀon bri hađăch Brah Ndu jêh ri ƀư bah bunuyh ji.

Luka 9:60

Ƀiălah Brah Yêsu lah: “Ăn bunuyh khĭt tâp bunuyh khĭt khân păng; bi may, hăn hom jêh ri mbơh nkoch ƀon bri hađăch Brah Ndu.”

Kôranh Oh Mon 1:3

Păng dŏng âk đŏng ntil nau mbên gay ma tâm mpơl ma phung kôranh oh mon pô aơ dôl Păng hôm rêh jêh nây hŏ dơn nau khĭt, jêh ri tâm mpơl ma khân păng tâm puăn jât nar, ntĭm nti ma ƀon bri hađăch Brah Ndu.

Kôranh Oh Mon 11:20

Ƀiălah, bar pe nuyh tâm phung khân păng tă bơh kôdak Syprơ jêh ri bơh ƀon Siren tât ta ƀon Antiôs, nti lah đŏng Nau Mhe Mhan Ueh ma phung Grek, nkoch mbơh Kôranh Brah jêng Brah Yêsu ma khân păng.

Kôranh Oh Mon 18:8

Rnôk nây Y-Krispus, kôranh mât uănh ngih rƀŭn, ndrel ma lĕ rngôch ngih păng chroh ma Kôranh Brah. Geh đŏng âk phung Kôrintô iăt nau Y-Pôl nti lah, chroh jêh ri dơn nau ƀaptem.

Kôranh Oh Mon 19:5

Jêh tăng nau nây, khân păng dơn ƀaptem ma amoh Kôranh Brah jêng Brah Yêsu.

Kôranh Oh Mon 2:38

Y-Pêtrôs plơ̆ lah: “Rmal hom nau tih, ăn ăp nơm khân may dơn nau ƀaptem tâm amoh Brah Yêsu Krist gay geh nau yô̆ an nau tih khân may nơm, jêh nây mra sŏk dơn ndơ jêng Brah Huêng Ueh ăn.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

Kôranh Oh Mon 20:25

Aƀaơ, gâp gĭt tâm lĕ rngôch khân may phung gâp mbơh nkoch jêh ma nau ƀon bri hađăch Brah Ndu, mâu du huê nuyh mra saơ muh măt gâp đŏng ôh.

Kôranh Oh Mon 28:31

nti lah ma ƀon bri hađăch Brah Ndu, jêh ri nti ma Kôranh Brah jêng Brah Yêsu Krist ma nau kon me, mâu geh nơm buay păng.

Kôranh Oh Mon 5:14

Phung chroh ma Kôranh Brah ƀrư̆ nar lơ hâu ntop âk râk, nđâp ma bu ur bu klâu,

Kôranh Oh Mon 8:4

Pôri, phung bunuyh chah rai pru pra hăn ntơm bơh ntŭk nây tât ta ntŭk êng mbơh nkoch Nau Mhe Mhan Ueh.

Samƀŭt Pôl Njuăl Ăn Ma Phung Nsing Ta Ƀon Rôm 10:10

Yorlah mbu nơm chroh tâm nuih n'hâm dơi kơp sŏng srăng, mbu nơm mbơh ma bâr mbung geh nau rklaih.

I Kôrintô 11:11

Ƀiălah, tâm Kôranh Brah mâu di bu ur êng đah bu klâu, mâu lah bu klâu êng đah bu ur.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,