Kôranh Oh Mon 7:60 - Nau Brah Ndu Ngơi 2023

⁶⁰ Jêh nây păng chon kômâk, nter huy: “Ơ Kôranh Brah, lơi kơp nau tih aơ ma khân păng!” Lah lôch nau ngơi nây, păng bê̆ch.

Bunong Bible Latin Script Cambodian dialect

⁶⁰ Jêh ri păng chon kômŏk, nter dŭt nteh ngăn: “Hơi Kôranh! Lơi ôh kơp nau tih dja tât ma khân păng.” Jêh păng lah kơt nây, n'ho ma roh n'hâm klŏk.

Bunong

⁶⁰ ជេសរី​ពាង់​ច៝ន​កោម៝ក់ នតែរ​ទុត​នតែស​ងាន់៖ “ហើយ​កោរាញ! លើយ​អោស​កើប​នាវ​តីស​អ្យា​ត៝ត់​មា​ខាន់​ពាង់”។ ជេស​ពាង់​លាស​កើត​នៃ នហ៝​មា​រ៝ស​នហ៝ម់​ក្ល៝ក់។

Kôranh Oh Mon 7:60 ပူးပေါင်းရင်းမြစ်များ

Êsra 9:5

Tât jêh mông nhhơr ƀư brah kêng mhaơ, gâp dâk tă bơh ntŭk rêh ni bêk prêng, ao tâm dâng jêh ri ao jong lĕ hêk jêh, jêh ri gâp chon kômâk, yơr ti gâp rle mpeh Yêhôva Brah Ndu gâp

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Mathay 27:52

lĕ môch pơk jêh ri âk săk jăn phung kloh ueh khĭt jêh dâk rêh tay

Mathay 5:44

Ƀiălah Gâp lah ma khân may: Rŏng hom bunuyh rlăng đah may jêh ri mbơh sơm hom ma phung ƀư mhĭk ma khân may

Luka 22:41

Păng hăn tă bơh phung oh mon ƀah klăp lah klŭp mƀăr glo lŭ jêh ri chon kômâk mbơh sơm

Luka 23:34

Brah Yêsu mbơh sơm pô aơ: “Hơi Mbơ̆, dăn yô̆ an ma khân păng, yorlah khân păng mâu gĭt moh nau khân păng ƀư.” Jêh nây khân păng nchroh n'hôr gay tâm pă kho ao Brah Yêsu.

Luka 6:28

ăn nau ueh uĭn ma nơm rak rtăp he nơm, jêh ri mbơh sơm ma nơm ƀư bêk prêng he nơm.

Yôhan 11:11

Jêh ngơi nau nây Brah Yêsu lŏ lah: “Y-Lasar, mĭt jiăng he, lĕ bê̆ch jêh, ƀiălah Gâp ŭch hăn rlay păng.”

Kôranh Oh Mon 13:36

Ƀiălah jêh pah kan ma nau Brah Ndu ŭch tâm rnôk rô̆ păng nơm, hađăch Đavit lĕ khĭt jêh, bu tâp păng êp ta meng phung chô yau păng nơm jêh ri păng hŏ saơ nau ôm rai jêh;

Kôranh Oh Mon 20:36

Jêh păng lah pônây, Y-Pôl chon kômâk jêh ri mbơh sơm ndrel ma lĕ rngôch phung nây.

Kôranh Oh Mon 21:5

Tơlah lĕ nar hên gŭ njưh ta nây, hên hăn trong tay. Lĕ rngôch phung oh mon ndrel ma phung ur kon khân păng njŭn hên tât padih ƀon, jêh nây lĕ rngôch hên chon kômâk ta kơh dak mƀŭt jêh ri mbơh sơm.

Kôranh Oh Mon 9:40

Y-Pêtrôs đă lĕ rngôch bunuyh du luh padih, jêh ri chon kômâk mbơh sơm. Pakơi nây, păng n'gĭl uănh ta săk jăn bunuyh khĭt jêh ri lah: “Hơi H'Tabitha, dâk hom ay!” Păng lin măt saơ Y-Pêtrôs, dâk gŭ ro.

I Kôrintô 11:30

Yor nau nây geh âk tâm phung khân may ji kuet, ji rôi, jêh ri ƀaƀă tâm phung khân may hŏ khĭt jêh.

I Kôrintô 15:18

Pônây, phung khĭt jêh tâm Brah Krist jêng roh rai.

I Kôrintô 15:20

Ƀiălah aƀaơ, Brah Krist dâk rêh tay jêh tă bơh nau khĭt. Păng jêng play bôk yan ma phung khĭt jêh.

I Kôrintô 15:51

Aơ, gâp mbơh nau khlay nđâp: He mâu mra khĭt lĕ rngôch ôh, ƀiălah lĕ rngôch he mra rgâl

I Kôrintô 15:6

Jêh ma nây, tâm du tơ̆, Păng tâm mpơl ma rlau prăm rhiăng nuyh phung oh nâu; âk tâm phung nây hôm rêh, ƀiălah ƀaƀă hŏ khĭt jêh.

I Têsalônik 5:10

jêng Nơm hŏ khĭt yor ma he gay ma he gŭ rngeh mâu lah bê̆ch, dơi gŭ rêh ndrel ma Păng.

II Timôthê 4:16

Lah gâp koh dŏng ma gâp nơm tơ̆ tal nguay, mâu geh nơm kơl an gâp ôh; lĕ rngôch chalơi gâp da dê. Dăn Kôranh Brah lơi ndăng mâu lah nduyh ôh nau nây ma khân păng!

II Pêtrôs 3:4

Khân păng mra lah: “Mbah ntŭk nau ton ma nau Kôranh Brah plơ̆ văch? Yorlah bơh rnôk phung chô yau he khĭt jêh, lĕ rngôch ndơ ăt kơt ơm nâm bu rnôk ntơm nau rhăk njêng neh ntu.”