Kôranh Oh Mon 7:51 - Nau Brah Ndu Ngơi 2023

⁵¹ Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Bunong Bible Latin Script Cambodian dialect

⁵¹ “Hơi bunuyh dăng ko! Khân may tâm ban ma bunuyh i mâu di phung Israel, geh tôr mâu ŭch iăt Kôranh Brah. Khân may tâm rdâng đah Brah Huêng Ueh i kloh ueh nâng neng dơm, tâm ban ma phung u che khân may kăl e ri nơh đŏng!

Bunong

⁵¹ “ហើយ​ឞូនុយ្ស​ទាង់​ក៝! ខាន់​មៃ​តឹម​ឞាន​មា​ឞូនុយ្ស​អី​មោ​ទី​ផូង​អីឆ្រាអែល  គែស​តោរ​មោ​អុច​អ្យាត់​កោរាញ​ឞ្រាស។ ខាន់​មៃ​តឹម​រាទ៝ង់​ដាស​ឞ្រាស​ហ្វេង​អ្វែស​អី​ក្ល៝ស​អ្វែស​នឹង​នែង​ទើម តឹម​ឞាន​មា​ផូង​អូ​ចែ​ខាន់​មៃ​កាល់​អែ​រី​នើស​ដ៝ង់!

Kôranh Oh Mon 7:51 ပူးပေါင်းရင်းမြစ်များ

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

Nêhêmi 9:16

Ƀiălah chô yau hên gŭ ngao ma nau sưr jêh ri dăng ko, Mâu iăt ôh lĕ nau vay ntăm bơh May ntĭnh.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Nau Mprơ Ơm 75:5

Lơi ta n'gơr nke khân may prêh klơ Lơi ta dăng ko gay ma ngơi sưr rlau ôh.”

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Nau Ngluh Êjipt 32:9

Yêhôva lah đŏng ma Y-Môis: “Gâp hŏ uănh saơ jêh phung ƀon lan aơ, jêng du phung ƀon lan dăng ko.

Nau Ngluh Êjipt 33:3

gay leo khân may tât ta n'gor bêng ma dak toh jêh ri dak sŭt; ƀiălah Gâp mâu mra hăn ôh ndrel ma khân may, yorlah khân may jêng du phung ƀon lan dăng ko, klach lah Gâp mra ƀư rai khân may rŏ trong.”

Nau Ngluh Êjipt 33:5

Yorlah Brah Yêhôva hŏ lah jêh ma Y-Môis: “Lah hom ma phung ƀon lan Israel: ‘Khân may jêng phung ƀon lan dăng ko, tơlah Gâp hăn ndrel ma khân may knŏng ƀât lât, Gâp mra ƀư rai khân may! Pôri, aƀaơ, doh lơi hom ndơ nkrơ̆ khân may, gay ma Gâp gĭt moh Gâp mra ƀư ma khân may.’”

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Êsêkiêl 44:9

Kôranh Brah Yêhôva lah: ‘Mâu geh du huê bu năch mâu koh ntâu tâm nuih n'hâm jêh ri tâm săk jăn dơi lăp ntŭk kloh ueh Gâp. Rlau ma nĕ du huê phung bu năch gŭ ta nklang phung ƀon lan Israel ăt mâu dơi lăp ôh ta nây.

Kan Lêvi 26:41

yor ri Gâp tâm rdâng jêh ri nsot khân păng mŭt tâm n'gor phung rlăng; tơlah nuih n'hâm mâu koh ntâu khân păng gĭt trŭnh jêh ri tông nau phat dôih yor nau tih mhĭk khân păng nơm,

Nau Kơp Bunuyh 27:14

yorlah ta bri rdah Sin, khân may hŏ tâm rdâng jêh đah nau vay Gâp dôl phung tâm rƀŭn tâm djrel ma dak nhêt jêh ri khân may mâu yơk ôh ma nau kloh ueh Gâp ta tra măt khân păng.” Nây jêng dak ma tâm djrel ta Mêriba Kadês tâm bri rdah Sin.

Kôranh Oh Mon 6:10

Ƀiălah khân păng mâu dơi tâm rdâng ma nau blau mĭn jêh ri ma Brah Huêng Ueh jêng Nơm hŏ ăn ma păng lĕ nau ngơi nây,

Kôranh Oh Mon 7:27

Nơm ƀư mhĭk ma phung chiau meng păng nơm nklơ̆ Y-Môis jêh ri lah: ‘Mbu hŏ ăn may jêng kôranh chiă uănh jêh ri kôranh phat dôih hên?

Kôranh Oh Mon 7:35

Y-Môis nây jêng nơm khân păng dun jêh ri lah: ‘Mbu hŏ ăn may jêng kôranh chiă uănh jêh ri kôranh phat dôih hên?’, ƀiălah nar aơ Brah Ndu hŏ njuăl păng jêng chiă uănh jêh ri nơm sâm rklaih tă bơh du huê tông mpăr tâm mpơl jêh ma păng tâm pŭm lok.

Kôranh Oh Mon 7:39

Ƀiălah phung chô yau he mâu tông bâr păng, dun păng jêh ri rle nuih n'hâm khân păng nơm plơ̆ ma n'gor Êjipt.

Kôranh Oh Mon 7:9

Phung chô yau keh nach ma Y-Yôsep, yor ri bu tăch păng njŭn leo tât ta n'gor Êjipt; ƀiălah Brah Ndu gŭ ndrel ma păng.

Samƀŭt Pôl Njuăl Ăn Ma Phung Nsing Ta Ƀon Rôm 2:25

Tơlah may tông prăp nau vay, nau koh ntâu jêng rnoh khlay; ƀiălah tơlah may ƀư tih nau vay, nđâp tơlah may geh nau koh ntâu tâm ban ma mâu geh koh ntâu.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

Nau Vay Nkah Tay 10:16

Pôri ăn khân may koh ntâu nuih n'hâm khân may jêh ri lơi hôm jêng dăng bôk ôh,

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!

Nau Vay Nkah Tay 9:13

Brah Yêhôva hôm lah ma gâp: ‘Gâp hŏ saơ jêh phung ƀon lan aơ jêng du phung ƀon lan dăng bôk!

Nau Vay Nkah Tay 9:6

Pôri ăn khân may gĭt pô aơ mâu di ôh yor nau sŏng srăng bơh khân may dĭng Yêhôva Brah Ndu ăn khân may pit sŏk n'gor ueh aơ, yorlah khân may jêng du phung ƀon lan dăng bôk.”

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Kôlôh 2:11

Tâm Păng, khân may đŏng dơn nau koh ntâu, mâu di ti kon bunuyh ƀư, ƀiălah jêng nau koh ntâu bơh Brah Krist, nâm bu ntĭt doh lơi nau ŭch tâm nglay săk he.