Kôranh Oh Mon 6:10 - Nau Brah Ndu Ngơi 2023

¹⁰ Ƀiălah khân păng mâu dơi tâm rdâng ma nau blau mĭn jêh ri ma Brah Huêng Ueh jêng Nơm hŏ ăn ma păng lĕ nau ngơi nây,

Bunong Bible Latin Script Cambodian dialect

¹⁰ Tih ma phung i nây mâu hôm ôh blao tâm rlăch ma păng, yorlah geh Brah Huêng Ueh kơl ăn păng ngơi geh nau mân gĭt blao.

Bunong

¹⁰ តីស​មា​ផូង​អី​នៃ​មោ​ហោម​អោស​ឞ្លាវ​តឹម​រាលាច់​មា​ពាង់ យ៝រ​លាស​គែស​ឞ្រាស​ហ្វេង​អ្វែស​កើល​អ៝ន់​ពាង់​ងើយ​គែស​នាវ​មឹន​គឹត​ឞ្លាវ។

Kôranh Oh Mon 6:10 ပူးပေါင်းရင်းမြစ်များ

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

I Kôrintô 2:4

Nau gâp ngơi, nau gâp nti lah mâu nsing ma lĕ nau blau gay ma nsŭk nsôr ôh, ƀiălah gay ma tâm mpơl nau brah Brah Huêng Ueh;

Yôhan 7:46

Phung kôranh aơ plơ̆ lah: “Ê hŏ mâp geh bunuyh ngơi tâm ban ma bunuyh aơ.”

Ndrom Samƀŭt bơh Yôp 32:8

Ƀiălah huêng yơh gŭ tâm kon bunuyh, Jêng n'hâm nsôr tă bơh Nơm Geh Lĕ Nau Brah mơ ăn ma khân păng nau gĭt rbăng.

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Luka 1:17

Kon nây mra sŏk nuih n'hâm jêh ri nau brah Y-Êli gay hăn lor ăn ma Kôranh Brah, gay djôt leo nuih n'hâm mbơ̆ plơ̆ sĭt đah kon păng, djôt leo nơm mâu tông bâr tât nau blau mĭn bunuyh sŏng srăng, jêh ri gay ma ndrăp du phung mpôl băl rơm ndrăp jêh ma Kôranh Brah.”

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Êsêkiêl 3:27

Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Ndrom Samƀŭt bơh Yôp 32:18

Yorlah gâp lĕ bêng jêh nau ngơi, Huêng tâm gâp nsŭk nsôr gâp.

Kôranh Oh Mon 5:39

ƀiălah tơlah luh tă bơh Brah Ndu, khân may mâu dơi ƀư rai khân păng ôh; ƀiălah, khân may sân săk khân may nơm tâm lơh tâm rdâng đah Brah Ndu.” Pôri, khân păng iăt tĭng nau Y-Gamaliel nkah.

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Kôranh Oh Mon 6:9

Nôk nây, geh ƀaƀă bunuyh tâm ngih rƀŭn rnha jêng ngih rƀŭn phung bunuyh kon me jêh ri phung bunuyh tă bơh ƀon tơm ta Siren, ta Aleksandrơ, ndrel ma phung Yuđa tă bơh n'gor Silisi jêh ri n'gor Asi, dâk jêh ri tâm rlăch đah Y-Êtiên.

Kôranh Oh Mon 6:11

rĭ dĭng khân păng nsŭk nsôr ƀaƀă phung phong pô aơ: “Hên tăng jêh păng ngơi lĕ nau ngơi djơh tât ma Y-Môis jêh ri ma Brah Ndu.”