Kôranh Oh Mon 5:9 - Nau Brah Ndu Ngơi 2023

⁹ Y-Pêtrôs lah: “Mâm ƀư khân ay du ai tâm chră jêh gay ma rlong uănh Brah Huêng Ueh Kôranh Brah? Ri, jâng phung bunuyh hăn tâp jêh sai ay dôl gŭ padih mpông, khân păng mra tung tâp ay đŏng.”

Bunong Bible Latin Script Cambodian dialect

⁹ Pêtrôs lah ma păng: “Mơm dâng khân ay tâm di du ntôr nau, rlong Brah Huêng Ueh Kôranh Brah kơt nây? Uănh nây! Bunuyh i tŏp sai ay lĕ sât tât ta bôk mpông nây, jât nây bu tung ay leo tŏp a ri đŏng.”

Bunong

⁹ ពេត្រោស  ​លាស​មា​ពាង់៖ “មើម​ទឹង​ខាន់​អៃ​តឹម​ទី​ទូ​នតោរ​នាវ រាល៝ង​ឞ្រាស​ហ្វេង​អ្វែស​កោរាញ​ឞ្រាស​កើត​នៃ? អ្វាញ់​នៃ! ឞូនុយ្ស​អី​ត៝ប់​ឆាយ​អៃ​លែៈ​ឆឹត​ត៝ត់​តា​ឞោក​មពោង​នៃ ជឹត​នៃ​ឞូ​តូង​អៃ​លែវ​ត៝ប់​អា​រី​ដ៝ង់”។

Kôranh Oh Mon 5:9 ပူးပေါင်းရင်းမြစ်များ

Nau Ntơm 20:13

Dôl Brah Ndu ƀư ăn gâp nsong ngai du luh bơh ngih mbơ̆ gâp, gâp geh lah ma păng: ‘Aơ jêng nau ueh ay mpơl nau rŏng ma gâp: Tâm ăp ntŭk he hăn, ăn ay lah gâp jêng nâu ay.’”

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

Nau Mprơ Ơm 50:18

Tơlah may saơ nơm ntŭng may tâm di du ai nuih đah păng, May tâm pă ndơ đah phung văng tĭr.

Nau Mprơ Ơm 78:56

Nđâp lah pônây khân păng ăt rlong uănh Jêh ri tâm rdâng đah Brah Ndu Nơm Dŭt Prêh, Mâu tĭng djôt prăp ôh nau Brah Ndu ntĭnh.

Nau Ngluh Êjipt 17:2

Phung ƀon lan tâm rlăch đah Y-Môis jêh nây lah: “Ăn hom dak ma hên nhêt.” Y-Môis ơh ma khân păng: “Mâm ƀư khân may joi nau đah gâp? Mâm ƀư khân may janh rlong uănh Brah Yêhôva?”

Nau Ngluh Êjipt 17:7

Y-Môis rnha ntŭk nây jêng Masa jêh ri Mêriba, yorlah phung ƀon lan Israel hŏ joi nau đah păng jêh ri janh rlong uănh Brah Yêhôva dôl khân păng lah: “Brah Yêhôva geh gŭ ta nklang phung hên mâu lah mâu?”

Nau Hôr 11:21

Nanê̆ phung ƀai mâu klaih ôh bơh nau tâm rmal, Ƀiălah noi deh phung sŏng srăng mra dơi rklaih.

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Nau Kơp Bunuyh 14:22

lĕ rngôch phung saơ jêh nau chrêk rmah jêh ri nau mbên khlay Gâp hŏ ƀư jêh tâm n'gor Êjipt jêh ri tâm bri rdah, ƀiălah hŏ rlong uănh jêh Gâp jât tơ̆, tâm ban đŏng mâu tông bâr Gâp ôh,

Mathay 4:7

Brah Yêsu lah: “Geh đŏng nau nchih: ‘May lơi rlong uănh Kôranh Brah, jêng Brah Ndu may ôh.’ ”

Luka 16:2

Yor ri, kôranh kuăl păng tât jêh ri lah: ‘Gâp tăng bu phong may moh nau nây! Mbơh nkoch rah vah hom nau may mât uănh, yorlah ntơm aƀaơ may mâu mra dơi mât ngih gâp ôh!’

Kôranh Oh Mon 15:10

Pôri aƀaơ, mâm ƀư khân may janh rlong uănh Brah Ndu, dơm ta trô ko phung oh mon du mlâm mâng mbăk, phung chô yau he mâu lah he nơm ăt mâu dơi mbăk lĕ.

Kôranh Oh Mon 5:6

Phung bu klâu ndăm dâk put njor săk jăn păng jêh ri tung hăn tâp lơi.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

I Kôrintô 10:9

Lơi he rlong uănh Kôranh Brah ôh nâm bu phung ƀaƀă tâm khân păng, jêh ri khân păng khĭt đah nau bêh chôk.