Kôranh Oh Mon 4:32 - Nau Brah Ndu Ngơi 2023

³² Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Bunong Bible Latin Script Cambodian dialect

³² Jêh ri dâng lĕ phung nsing, khân păng geh nuih n'hâm nau mân du ntôr nau dơm, mâu geh ôh du huê bunuyh uănh drăp ndơ păng geh, prăp dŏng ma săk păng nơm dơm. Khân păng sŏ lĕ drăp ndơ geh nây dŏng ndrel dadê.

Bunong

³² ជេសរី​ទឹង​លែៈ​ផូង​ញឆីង ខាន់​ពាង់​គែស​នូយ្ស​នហ៝ម់​នាវ​មឹន​ទូ​នតោរ​នាវ​ទើម មោ​គែស​អោស​ទូ​ហ្វេ​ឞូនុយ្ស​អ្វាញ់​ទ្រាប់​នទើ​ពាង់​គែស ព្រាប់​ទ៝ង់​មា​ឆាក់​ពាង់​នើម​ទើម។ ខាន់​ពាង់​ឆ៝ៈ​លែៈ​ទ្រាប់​នទើ​គែស​នៃ​ទ៝ង់​នទ្រែល​ទាទេ។

Kôranh Oh Mon 4:32 ပူးပေါင်းရင်းမြစ်များ

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Yôhan 17:11

Kon mâu hôm gŭ ta neh ntu ôh, Kon plơ̆ sĭt tay ta Mbơ̆, ƀiălah khân păng gŭ ta neh ntu. Ơ Mbơ̆ Kloh Ueh ơi! Dăn mât uănh khân păng tâm amoh Mbơ̆, jêng amoh Mbơ̆ hŏ ăn jêh ma Kon, gay ma khân păng jêng nguay tâm ban ma He.

Kôranh Oh Mon 1:14

Lĕ rngôch phung nây du ai du nau mĭn ndrel ma phung bu ur jêh ri ma H'Mari jêng mê̆ Brah Yêsu jêh ri ndrel ma phung oh bu klâu Păng jêh ri mbơh sơm.

Kôranh Oh Mon 2:1

Tât nar Pantơkôt lĕ rngôch khân păng tâm rƀŭn du ntŭk.

Kôranh Oh Mon 5:12

Nôk nây, phung kôranh oh mon ƀư âk nau khlay jêh ri nau mbên khlay ta nklang phung ƀon lan. Lĕ rngôch phung chroh du nau mĭn tâm rƀŭn tâm dâng ndring mpông Salômôn.

Samƀŭt Pôl Njuăl Ăn Ma Phung Nsing Ta Ƀon Rôm 12:5

tâm ban lĕ, he geh âk bunuyh, ƀiălah knŏng jêng du săk jăn tâm Brah Krist; ăp bunuyh tâm he jêng lĕ kô̆ săk jăn ndrăng phung he.

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.