Kôranh Oh Mon 4:21 - Nau Brah Ndu Ngơi 2023

²¹ Jêh nau thăm tay, khân păng mƀơk bar hê khân păng, mâu dơi joi mâm nau gay ma tâm rmal phung nây ôh, yor klach phung ƀon lan, lĕ rngôch tâm rnê Brah Ndu ma nau tât geh jêh.

Bunong Bible Latin Script Cambodian dialect

²¹ Bu joi nau ma tê̆ dôih mâu say ôh, yorlah lĕ ƀon lan i gŭ ta ri rnê Kôranh Brah dadê yor ma say nau i nây. Bu klach phung ƀon lan jan nau uh ah, kơt ndri bu de buay mbram khân păng du tơ̆ jât dơm, jêh ri ƀơk ăn sât.

Bunong

²¹ ឞូ​ជ៝យ​នាវ​មា​តេៈ​ទោយ្ស​មោ​ឆៃ​អោស យ៝រ​លាស​លែៈ​ប៝ន​លាន​អី​គុ​តា​រី​រានេ​កោរាញ​ឞ្រាស​ទាទេ​យ៝រ​មា​ឆៃ​នាវ​អី​នៃ។ ឞូ​ក្លាច​ផូង​ប៝ន​លាន​ជាន​នាវ​អុស​អាស កើត​នទ្រី​ឞូ​ទែ​ឞ្វៃ​មឞ្រាម​ខាន់​ពាង់​ទូ​តឹ​ជឹត​ទើម ជេសរី​បើក​អ៝ន់​ឆឹត។

Kôranh Oh Mon 4:21 ပူးပေါင်းရင်းမြစ်များ

Mathay 15:31

Yor ri, khân păng hih rhâl ngăn dôl saơ phung mlo ngơi, phung lŭt jâng ti dơi bah, phung rvĕn blau hăn, phung chieh măt dơi saơ; jêh ri khân păng tâm rnê ma Brah Ndu phung Israel.

Mathay 21:46

Khân păng joi nau ŭch nhŭp Păng, ƀiălah khân păng klach ma phung ƀon lan, yorlah lĕ rngôch bunuyh uănh dơn ma Brah Yêsu jêng du huê Nơm mbơh lor.

Mathay 26:5

Ƀiălah, khân păng lah: “Mâu dơi ƀư nau nây tâm nar rƀŭn, klach lah ƀư nau uh ah tâm phung ƀon lan.”

Mathay 9:33

Brah mhĭk hŏ luh jêh ri bunuyh mlo nây blau ngơi. Phung ƀon lan hih rhâl hâu ngăn, lah pô aơ: “Ê hŏ mâp saơ ôh nau kơt nây tâm bri Israel.”

Mathay 9:8

Phung ƀon lan saơ nau khlay nây klach da dê, jêh ri tâm rnê Brah Ndu, Nơm hŏ ăn nau dơi kơt nây ma bunuyh.

Luka 13:17

Dôl Păng ngơi pônây, lĕ rngôch phung tâm rdâng đah Păng bêk da dê, jêh ri lĕ phung ƀon lan răm maak ma lĕ nau khlay ngăn Păng hŏ ƀư.

Luka 20:19

Tâm mông nây, phung kôranh ƀư brah toyh jêh ri phung kôranh nchih samƀŭt joi nau gay nhŭp Păng, yorlah gĭt Brah Yêsu ngơi nau hôr nây ŭch ntĭm ma khân păng yơh, ƀiălah khân păng klach phung ƀon lan.

Luka 20:6

Bi tơlah he lah: ‘Tă bơh kon bunuyh,’ lĕ rngôch bunuyh ƀon lan mra klŭp lŭ ma he, yorlah khân păng chroh n'hêl nanê̆ ma Y-Yôhan jêng du huê nơm mbơh lor.”

Luka 22:2

Phung kôranh ƀư brah toyh jêh ri phung kôranh nchih samƀŭt joi nau ŭch nkhĭt Brah Yêsu, yorlah khân păng klach ma phung âk.

Luka 5:26

Lĕ rngôch hih rhâl da dê jêh ri tâm rnê Brah Ndu. Khân păng klach jêh ri lah: “Nar aơ he saơ jêh lĕ nau khlay ngăn êng ngăn.”

Kôranh Oh Mon 4:17

Nđâp lah kơt nĕ, gay ma nau nây mâu lư đŏng ôh tâm phung ƀon lan, ăn he buay khân păng mâu dơi ôh sŏk amoh nây nti lah ma ăp nơm đŏng.”

Kôranh Oh Mon 4:22

Bunuyh bu klâu bah jêh ma nau mbên khlay nây lĕ rlau puăn jât năm.

Kôranh Oh Mon 5:13

Mâu geh bunuyh êng ôh janh lăp ndrel ma khân păng, ƀiălah phung ƀon lan tâm rnê ma khân păng hâu ngăn.

Kôranh Oh Mon 5:26

Kôranh mât uănh ngih brah ndrel ma phung kôranh hăn ro tât ta nây jêh ri nhŭp phung oh mon gay ma njŭn leo, ƀiălah mâu ƀư mhĭk ôh, yorlah khân păng klach ma phung ƀon lan klŭp khân păng ma lŭ.

Kôranh Oh Mon 5:40

Khân păng kuăl tay phung kôranh oh mon lăp, đă bu dong phung nây ma mâng jêh ri buay mâu ăn nti lah tâm amoh Brah Yêsu ôh, jêh nây mƀơk bar hê khân păng.