Kôranh Oh Mon 3:16 - Nau Brah Ndu Ngơi 2023

¹⁶ Ma nau chroh tâm amoh Păng hŏ ƀư jêh ma nơm khân may hŏ saơ jêh ri gĭt năl nây geh nau nâp ktang. Tâm amoh Păng jêh ri nau chroh tâm Păng hŏ ƀư ăn bunuyh aơ ngăch dăng ueh săk jăn nâm ơm tâm ban ma lĕ rngôch khân may hŏ saơ jêh.

Bunong Bible Latin Script Cambodian dialect

¹⁶ Yor ma hên nsing ma Kôranh Yêsu, Păng jan ăn bunuyh i khân ay may say dja dâng geh ma geh suan dăng. Bunuyh i nây khân ay may lĕ gĭt năl jêh, yor nau nsing ma Kôranh Yêsu, dâng bah păng i lĕ khân ay may say dja.

Bunong

¹⁶ យ៝រ​មា​ហេន​ញឆីង​មា​កោរាញ​យេឆូ  ពាង់​ជាន​អ៝ន់​ឞូនុយ្ស​អី​ខាន់​អៃ​មៃ​ឆៃ​អ្យា​ទឹង​គែស​មា​គែស​ឆ្វាន​ទាង់។ ឞូនុយ្ស​អី​នៃ​ខាន់​អៃ​មៃ​លែៈ​គឹត​នាល់​ជេស យ៝រ​នាវ​ញឆីង​មា​កោរាញ​យេឆូ  ទឹង​ឞាស​ពាង់​អី​លែៈ​ខាន់​អៃ​មៃ​ឆៃ​អ្យា។

Kôranh Oh Mon 3:16 ပူးပေါင်းရင်းမြစ်များ

Mathay 14:29

Brah Yêsu lah: “Văch hom ta aơ!” Y-Pêtrôs trŭnh tă bơh plŭng, hăn ta klơ mpiăt dak, văch ta Brah Yêsu.

Mathay 9:22

Brah Yêsu n'gĭl uănh, saơ păng jêh ri lah: “Hơi kon, maak hom! Nau chroh ay yơh hŏ rklaih ay jêh.” Mông nây, bu ur nây dơi bah nau ji.

Yôhan 14:12

Nanê̆, Gâp lah ngăn ma khân may, mbu nơm chroh ma Gâp mra ƀư tâm ban lĕ kan Gâp hŏ ƀư jêh, jêh ri păng mra ƀư lĕ kan toyh lơn, yorlah Gâp hăn plơ̆ sĭt ta Mbơ̆.

Yôhan 7:23

Tơlah bunuyh bu klâu dơn nau koh ntâu tâm nar saƀat gay ma mâu ƀư tih tâm nau vay Y-Môis, pôri mâm ƀư khân may ji nuih tâm nôk Gâp ƀư bah lĕ săk jăn ma du huê bunuyh tâm nar saƀat?

Kôranh Oh Mon 14:9

Păng gŭ iăt Y-Pôl nti. Y-Pôl uănh nge nger ta păng jêh ri saơ păng geh nau chroh dơi ƀư bah

Kôranh Oh Mon 16:18

Păng ƀư pônây mro tâm âk nar ƀư ăn Y-Pôl mâu maak ôh, n'gĭl uănh jêh ri lah ma brah mhĭk pô aơ: “Tâm amoh Brah Yêsu Krist, du luh hom may tă bơh bu ur aơ.” Ta mông nây ro, brah mhĭk du luh.

Kôranh Oh Mon 3:6

Ƀiălah Y-Pêtrôs lah ma păng: “Gâp mâu geh prăk mah ôh, ƀiălah ndơ gâp geh gâp ăn ma may: Tâm amoh Brah Yêsu Krist bunuyh Nasaret, dâk hăn hom jêh ri chuat hăn.”

Kôranh Oh Mon 3:8

Păng ntalơ̆ klơ ro, dâk sŏng jêh ri chuat hăn ndrel bar hê khân păng lăp ndrel tâm ngih brah, hăn ƀă kdŏ ƀă, tâm rnê ma Brah Ndu.

Kôranh Oh Mon 4:10

dăn ma khân may jêh ri lĕ rngôch phung Israel gĭt ma nau nây, ma amoh Brah Yêsu Krist, bunuyh Nasaret, Nơm khân may hŏ pâng kđĭn ta klơ si tâm rkăng, jêh ri Brah Ndu hŏ ƀư ăn dâk rêh tay tă bơh nau khĭt; tâm amoh nây bunuyh aơ hŏ bah jêh ri aƀaơ gŭ dâk tanăp khân may aơ.

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

Kôranh Oh Mon 4:7

Khân păng nhŭp Y-Pêtrôs ndrel ma Y-Yôhan dâk ta nklang khân păng jêh ri sek ôp: “Moh tă nau brah mâu lah ma mbu amoh khân may ƀư nau aơ?”

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.