Kôranh Oh Mon 3:13 - Nau Brah Ndu Ngơi 2023

¹³ Brah Ndu Y-Abraham, Brah Ndu Y-Isăk, jêh ri Brah Ndu Y-Yakôp, Brah Ndu phung chô yau he hŏ tâm rnê oh mon Păng jêng Brah Yêsu, Nơm khân may hŏ nhŭp jao jêh ri dun tanăp Pilat, tâm nôk păng ŭch yô̆ an ma Păng.

Bunong Bible Latin Script Cambodian dialect

¹³ Kôranh Brah i Abrahăm, Isăk, ndrel ma Yakôp vay yơk mbah, jêng Brah i u che bân kăl e nơh, Păng n'hao Kôranh Yêsu ma jan bah bunuyh rven i nây yor ma nau dơi Kôranh Yêsu i bunuyh jan kar ma Păng nâng. Tih ma phung kôranh khân ay may nhŭp njŭn Păng ta kôranh kuŏng Pilat nơh, gay ma nkhât Păng. Pilat ŭch ma ƀơk Ôbăl, yơn ma phung kôranh khân ay may rlăch bơh năp Pilat lah mƀăr lơi Păng.

Bunong

¹³ កោរាញ​ឞ្រាស​អី​អាឞ្រាហាម់  អីឆាក់  នទ្រែល​មា​យាកោប  ​វៃ​យើក​មឞាស ជេង​ឞ្រាស​អី​អូ​ចែ​ឞ៝ន់​កាល់​អែ​នើស ពាង់​នហាវ​កោរាញ​យេឆូ  ​មា​ជាន​ឞាស​ឞូនុយ្ស​រាវែន​អី​នៃ​យ៝រ​មា​នាវ​ទើយ​កោរាញ​យេឆូ  ​អី​ឞូនុយ្ស​ជាន​ការ​មា​ពាង់​នឹង។ តីស​មា​ផូង​កោរាញ​ខាន់​អៃ​មៃ​ញុប​ញជុន​ពាង់​តា​កោរាញ​ក្វ៝ង់​ពីលាត  ​នើស គៃ​មា​ងខឹត​ពាង់។ ពីលាត  ​អុច​មា​បើក​អោឞាល់ យើន​មា​ផូង​កោរាញ​ខាន់​អៃ​មៃ​រាលាច់​ឞើស​នាប់​ពីលាត  ​លាស​មអារ់​លើយ​ពាង់។

Kôranh Oh Mon 3:13 ပူးပေါင်းရင်းမြစ်များ

Nau Ngluh Êjipt 3:13

Y-Môis ngơi đah Brah Ndu: “Tơlah gâp tât ta phung Israel jêh ri ngơi đah khân păng: ‘Brah Ndu phung chô yau khân may hŏ đă gâp văch ta khân may;’ jêh ri khân păng ôp may: ‘Mâm amoh săk Păng?’ jêh ri mâm nau gâp mra ngơi đah khân păng?”

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 20:19

jêh nây jao Păng ma phung bu năch gay ma khân păng mưch rmot, dong ma mâng, jêh ri pâng kđĭn ta si tâm rkăng. Ƀiălah tât nar tal pe, Păng mra dâk rêh tay.”

Mathay 22:32

‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’? Păng mâu di jêng Brah Ndu bunuyh khĭt ôh, ƀiălah Brah Ndu bunuyh rêh.”

Mathay 27:2

Khân păng chăp Păng, njŭn leo jao Păng ma kôranh toyh chiă uănh Pilat.

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Markôs 15:11

Ƀiălah phung kôranh ƀư brah toyh nsŭk nsôr phung ƀon lan gay dăn Pilat mƀơk Y-Barabas.

Luka 22:57

Ƀiălah Y-Pêtrôs dun jêh ri lah: “Aơ ruh ri, gâp mâu gĭt năl păng ôh!”

Luka 23:4

Pilat lah ma phung kôranh ƀư brah toyh jêh ri ma phung ƀon lan: “Gâp mâu saơ bunuyh aơ geh nau tih.”

Luka 6:37

Lơi phat dôih bu gay khân may mâu mra geh nau phat dôih. Lơi phong bu gay khân may mâu mra geh nau tâm rmal. Yô̆ an hom ri mơ khân may mra dơi yô̆ an.

Yôhan 12:16

Bơh ntơm saơm dơh, phung oh mon mâu gĭt rbăng ôh nau nây, ƀiălah jêh Brah Yêsu hŏ dơn nau tâm rnê, nôk nây khân păng kah gĭt tay lĕ nau bu nchih ma Păng jêh ri nau bu hŏ ƀư ma Păng.

Yôhan 18:40

Khân păng nter ma bâr huy: “Lơi mƀơk ma păng, mƀơk hom ma Y-Barabas!” Y-Barabas jêng du huê bunuyh ntŭng.

Yôhan 19:11

Brah Yêsu plơ̆ lah: “Lah tă bơh klơ mâu ăn, may mâu geh nau dơi klơ Gâp ôh, mbu nơm jao Gâp ma may jêng geh nau tih jru lơn đŏng.”

Yôhan 19:12

Ntơm bơh nây, Pilat joi nau gay mƀơk Brah Yêsu, ƀiălah phung Yuđa nter huy: “Lah may mƀơk bunuyh aơ, may mâu jêng bunuyh răp jăp đah Sêsar ôh, yor mbu nơm mbơh êng păng nơm jêng hađăch jêng nơm tâm rdâng đah Sêsar.”

Yôhan 19:15

Khân păng lŭng nter: “Ngroh lơi Păng, ngroh lơi Păng! Pâng păng ma kđĭn ta si tâm rkăng!” Pilat lah: “Gâp mra pâng hađăch khân may ta si tâm rkăng lah?” Phung kôranh ƀư brah toyh plơ̆ lah: “Hên mâu hôm geh hađăch êng ôh, knŏng Sêsar.”

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Kôranh Oh Mon 22:14

Jêh ri păng lah: ‘Brah Ndu phung che he săch jêh may ăn gĭt nau Păng ŭch, ăn saơ Nơm Sŏng Srăng, jêh ri ăn iăt nau tă bơh bâr mbung Păng ngơi.

Kôranh Oh Mon 24:14

Gâp dơn nanê̆ tanăp may pô aơ, gâp tĭng nau chroh khân păng lah jêng du mpôl êng. Gâp yơk mbah ma Brah Ndu phung che hên, chroh lĕ nau nchih jêh tâm ndrom samƀŭt nau vay jêh ri lĕ ndrom samƀŭt mbơh lor.

Kôranh Oh Mon 3:12

Saơ kơt nây, Y-Pêtrôs lah ro ma phung ƀon lan: “Hơi phung kon Israel, mâm ƀư khân may hih rhâl ma nau tât ma bunuyh aơ? Mâm ƀư khân ay may ntrâng uănh ta hên tâm ban hên hŏ rnơm nau brah mâu lah nau ueh êng hên nơm gay ƀư ma bunuyh aơ dơi hăn?

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

Kôranh Oh Mon 7:32

‘Gâp jêng Brah Ndu ma phung chô yau may, Brah Ndu Y-Abraham, Y-Isăk, jêh ri Y-Yakôp.’ Y-Môis râm sâr, mâu janh uănh ôh.

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,