Kôranh Oh Mon 26:7 - Nau Brah Ndu Ngơi 2023

⁷ Yor nau kâp gân nây yơh, jât ma bar ndŭl mpôl hên nsrôih ngăn yơk mbah ma Brah Ndu măng nâm nar. Hơi hađăch, yor nau kâp gân nây yơh phung Yuđa phong gâp.

Bunong Bible Latin Script Cambodian dialect

⁷ Dâng lĕ ta rnoi deh hên 12 mpôl, hên rnơm nau Kôranh Brah ton dja mra tât ngăn, ndri dâng hên nsrôyh ndjôt nau yơk mbah Kôranh Brah dâng măng dâng nar. Ơ kađăch Agripa, yor ma nau rnơm i nây dâng phung Israel ntôn gâp dja.

Bunong

⁷ ទឹង​លែៈ​តា​រាន៝យ​ទែស​ហេន ១២ មពោល ហេន​រានើម​នាវ​កោរាញ​ឞ្រាស​ត៝ន​អ្យា​មរា​ត៝ត់​ងាន់ នទ្រី​ទឹង​ហេន​ញឆ្រោយ្ស​ញអោត​នាវ​យើក​មឞាស​កោរាញ​ឞ្រាស​ទឹង​មាង់​ទឹង​នារ។ អើ​កាដាច់​អាគ្រឹពា  យ៝រ​មា​នាវ​រានើម​អី​នៃ​ទឹង​ផូង​អីឆ្រាអែល  ​នតោន​គ៝ប់​អ្យា។

Kôranh Oh Mon 26:7 ပူးပေါင်းရင်းမြစ်များ

Êsra 6:17

Tâm nau rƀŭn nhhơr ngih brah aơ ma Brah Ndu, khân păng nhhơr du rhiăng mlâm ndrôk nkuăng, bar rhiăng mlâm biăp nkuăng, puăn rhiăng mlâm biăp kon, jêh ri tĭng nâm rnoh phung ndŭl mpôl Israel, khân păng ăt nhhơr jât ma bar mlâm be nkuăng ƀư ndơ ƀư brah chuai nau tih ma lĕ rngôch phung Israel.

Êsra 8:35

Phung bunuyh tă bu veng ƀư bu nă lĕ sĭt jêh, nhhơr ndơ ƀư brah gŭch ma Yêhôva Brah Ndu phung Israel geh jât ma bar mlâm ndrôk nkuăng yor lĕ rngôch phung Israel, sĭn jât ma prao mlâm biăp nkuăng; pơh jât ma pơh biăp kon, jêh ri jât ma bar mlâm be nkuăng gay ƀư ndơ ƀư brah chuai nau tih: Lĕ rngôch nhhơr da dê ƀư ndơ ƀư brah gŭch ma Brah Yêhôva.

Nau Mprơ Ơm 135:2

Jêng phung gŭ tâm ngih Brah Yêhôva, Tâm nkual nhuang ngih Brah Ndu he, Tâm rnê hom ma Păng!

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

Kôranh Oh Mon 20:31

Pôri, rngeh njrăng hom, kah gĭt tay dôl tâm pe năm, măng jêh ri nar, gâp mâu rlu ôh hoch dak măt gay ntĭm nti ma lĕ rngôch bunuyh.

Kôranh Oh Mon 24:15

Gâp geh nau kâp gân tâm Brah Ndu, tâm ban ma khân păng lĕ, nâm bu ntĭt phung sŏng srăng jêh ri phung kue mra geh nau dâk rêh tay.

Kôranh Oh Mon 26:2

“Hơi hađăch Agripa, nar aơ gâp ƀŭn lap ngăn gâp dơi koh dŏng ma gâp nơm tanăp hađăch ma lĕ nau phung Yuđa mbơh phong gâp;

Kôranh Oh Mon 26:3

yorlah khlay ngăn ngên hađăch gĭt rah vah jêh lĕ nau vay phung Yuđa tâm ban đŏng nau khân păng tâm djrel. Pôri, dăn ma hađăch srôih gŭ iăt nau gâp.

Kôranh Oh Mon 28:20

Yor nây yơh, gâp dăn tâm mâp jêh ri ngơi đah khân may; yorlah ma nau phung Israel kâp gân, gâp dơn rse rvăk nkông aơ.”

Philip 3:11

kâp gân pô aơ gâp dơi geh nau dâk rêh tay tă bơh nau khĭt.

I Têsalônik 3:10

Nar jêh ri măng hên mbơh sơm ma nau duh nđơr ngăn, gay Păng ăn hên dơi saơ khân may, jêh ri ntop moh nau hôm e tâm nau khân may chroh.

I Timôthê 5:5

Mbu nơm jêng bu ur ndrô ngăn, gŭ rêh êng du huê, dơm nau kâp gân tâm Brah Ndu, jêh ri ăn nâp nuih n'hâm măng nâm nar mbơh sơm vơl dăn ma Brah Ndu.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!