Kôranh Oh Mon 20:7 - Nau Brah Ndu Ngơi 2023

⁷ Nar nguay tâm pơh, dôl hên tâm rƀŭn gay nkê̆ch piăng let. Y-Pôl mbơh nkoch ma phung oh mon; yorlah păng hăn trong nar ôi taơ, pôri păng mbơh nkoch tât klong măng.

Bunong Bible Latin Script Cambodian dialect

⁷ Ta nar pơh, hên gŭ rƀŭn gay ma gŭ sông sa ndrel. Pôl nti ăn bu iăt, păng mân ŭch hăn nar ôi tay, kơt ndri păng gŭ nti tât n'gul măng.

Bunong

⁷ តា​នារ​ពើស ហេន​គុ​រាបុន​គៃ​មា​គុ​ឆោង​ឆា​នទ្រែល។ ពោល  ​នតី​អ៝ន់​ឞូ​អ្យាត់ ពាង់​មឹន​អុច​ហាន់​នារ​អោយ​តៃ កើត​នទ្រី​ពាង់​គុ​នតី​ត៝ត់​ងគូល​មាង់។

Kôranh Oh Mon 20:7 ပူးပေါင်းရင်းမြစ်များ

Nêhêmi 8:3

Păng dâk ta nkual toyh tanăp mpông pêr Dak, rŏ tâm ndrom samƀŭt nây ntơm ƀhit rvi ang tât ma nklang bôk nar, lĕ bu klâu jêh ri bu ur nđâp lĕ rngôch dơi gĭt rbăng. Lĕ rngôch phung ƀon lan rkêng tôr iăt nau rŏ tâm ndrom samƀŭt nau vay.

Nêhêmi 9:3

Khân păng dâk du ntŭk jêh ri rŏ tâm ndrom samƀŭt nau vay Yêhôva Brah Ndu du kô̆ tâm puăn nar, jêh ri prăp du kô̆ tâm puăn êng gay khân păng mbơh nau tih jêh ri yơk mbah Yêhôva Brah Ndu khân păng.

Markôs 16:9

Nôk Brah Yêsu dâk rêh tay tâm ơm ôi nar tal nguay tâm pơh, lor lơn Păng tâm mpơl ma H'Mari Mađala, jêng nơm Păng sâm mprơh ngluh jêh pơh brah djơh.

Luka 22:19

Jêh nây Păng sŏk piăng let, lah ueh, nkê̆ch piăng let, tâm pă ma phung oh mon jêh ri lah: “Aơ jêng săk jăn Gâp ăn ma yor khân may. Ƀư hom nau nây gay ma kah gĭt ma Gâp.”

Luka 24:35

Jêh nây bar hê oh mon nkoch bri nau tât jêh tâm nôk rŏ trong jêh ri khân păng gĭt năl Brah Yêsu dôl Păng nkê̆ch piăng let mâm nau.

Yôhan 20:1

Ơm ôi nar tal nguay tâm pơh, dôl trôk hôm ngo, H'Mari Mađala hăn ta môch, saơ bu trơn lơi lŭ toyh rdâl trôm môch.

Yôhan 20:19

Dăch kêng nar nây, nar tal nguay tâm pơh, lĕ mpông ta ntŭk phung oh mon gŭ nchăng lĕ, yor klach ma phung Yuđa. Brah Yêsu văch dâk ta nklang phung khân păng jêh ri lah: “Ăn nau đăp mpăn ma khân may!”

Yôhan 20:26

Pham nar pakơi, phung oh mon rgum đŏng tâm ngih, geh Y-Thômas lĕ gŭ ndrel ma khân păng nđâp tơlah mpông hôm nchăng, Brah Yêsu văch dâk ta nklang khân păng jêh ri lah: “Ăn nau đăp mpăn ma khân may!”

Kôranh Oh Mon 16:10

Nôk Y-Pôl saơ nau tâm saơ nây, ƀât lât hên joi nau rgăn ta n'gor Masêđôn, yorlah hên gĭt Kôranh Brah kuăl jêh hên mbơh nkoch Nau Mhe Mhan Ueh ta nây.

Kôranh Oh Mon 2:42

Phung chroh nsrôih djôt prăp nau phung kôranh oh mon nti, nau tâm rnglăp ndrăng oh nâu, rƀŭn nkê̆ch piăng let, jêh ri nau mbơh sơm.

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Kôranh Oh Mon 20:11

Y-Pôl hao tay ta jrô klơ nkê̆ch piăng let jêh ri sa; păng ngơi jŏ ngăn tât ôi jêh ri păng hăn trong.

Kôranh Oh Mon 20:31

Pôri, rngeh njrăng hom, kah gĭt tay dôl tâm pe năm, măng jêh ri nar, gâp mâu rlu ôh hoch dak măt gay ntĭm nti ma lĕ rngôch bunuyh.

Kôranh Oh Mon 20:5

Phung bunuyh aơ hăn lor jêh ri gŭ kâp hên ta ƀon Trôas.

Kôranh Oh Mon 20:9

Du huê bu klâu ndăm amoh păng Y-Ơtik, gŭ ta mpông bloh, bê̆ch gui dôl mông Y-Pôl nti lah jŏ ngăn. Yorlah ji bê̆ch hâu ngăn, păng tŭp tă bơh ngih pe tăp; tơlah bu chông păng, păng khĭt jêh.

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.

I Kôrintô 10:16

Kachok nau ueh maak he lah ueh, mâu di hĕ păng jêng geh du kô̆ tâm mham Brah Krist? Piăng let he nkê̆ch nây mâu di hĕ jêng du kô̆ tâm săk jăn Brah Krist?

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 16:2

Ta nar nguay ăp nar pơh, ăp nơm tâm khân may, tĭng nâm dơi geh khân may nơm, prăp hom du kô̆; lơi kâp nôk gâp tât jêh nây ntơm riu prăk.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng