Kôranh Oh Mon 2:43 - Nau Brah Ndu Ngơi 2023

⁴³ Lĕ rngôch bunuyh klach yơk da dê jêh ri geh âk nau khlay jêh ri nau mbên khlay phung kôranh oh mon hŏ ƀư.

Bunong Bible Latin Script Cambodian dialect

⁴³ Dâng lĕ bunuyh ta Yêrusalem geh klach nsŏr dadê, yor ma say nau dơi mpôl kôranh oh mon jan nây lĕ nau ngăn ŏk đŏng, ndrel ma nau mbên êng êng khân păng jan ŏk jât.

Bunong

⁴³ ទឹង​លែៈ​ឞូនុយ្ស​តា​យេរូឆាលឹម  ​គែស​ក្លាច​ញឆ៝រ់​ទាទេ យ៝រ​មា​ឆៃ​នាវ​ទើយ​មពោល​កោរាញ​អ៝ស​ម៝ន​ជាន​នៃ​លែៈ​នាវ​ងាន់​អ៝ក់​ដ៝ង់ នទ្រែល​មា​នាវ​មឞេន​អេងៗ​ខាន់​ពាង់​ជាន​អ៝ក់​ជឹត។

Kôranh Oh Mon 2:43 ပူးပေါင်းရင်းမြစ်များ

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Markôs 16:17

Phung bunuyh chroh mra dơi geh nau tâm mbên khlay hăn ndrel: Khân păng mra sŏk amoh Gâp gay mprơh brah mhĭk; mra ngơi lĕ nau ngơi mhe;

Luka 7:16

Lĕ rngôch bunuyh klach da dê jêh ri tâm rnê ma Brah Ndu pô aơ: “Geh Nơm mbơh lor toyh tâm mpơl jêh tâm phung he, jêh ri Brah Ndu chop khâl jêh ma phung ƀon lan Păng.”

Luka 8:37

Lĕ rngôch phung ƀon lan jŭm n'gor Yêrasê dăn ăn Brah Yêsu du luh bơh khân păng yorlah khân păng klach krit ngăn. Pôri, Brah Yêsu ncho plŭng plơ̆ sĭt.

Yôhan 14:12

Nanê̆, Gâp lah ngăn ma khân may, mbu nơm chroh ma Gâp mra ƀư tâm ban lĕ kan Gâp hŏ ƀư jêh, jêh ri păng mra ƀư lĕ kan toyh lơn, yorlah Gâp hăn plơ̆ sĭt ta Mbơ̆.

Kôranh Oh Mon 2:22

Hơi phung Israel, iăt hom nau gâp ngơi aơ: Brah Yêsu bunuyh Nasaret, Nơm Brah Ndu mbơh ăn nanê̆ tanăp khân may ma lĕ kan nau brah, ma nau khlay jêh ri nau mbên khlay. Bơh Păng, Brah Ndu hŏ ƀư lĕ nau nây ta nklang khân may nâm bu khân may hŏ gĭt rah vah jêh.

Kôranh Oh Mon 4:33

Phung kôranh oh mon sŏk nau brah toyh ngăn mbơh nkoch ma nau Kôranh Brah dâk rêh tay jêng Brah Yêsu, jêh ri Păng nkhŭt nau yô̆ toyh klơ lĕ rngôch bunuyh.

Kôranh Oh Mon 5:5

Dôl Y-Ananias tăng nau ngơi nây, păng cha lôt ta neh jêh ri khĭt. Lĕ rngôch phung tăng nau nây klach da dê.

Kôranh Oh Mon 9:34

Y-Pêtrôs lah ma păng pô aơ: “Hơi Y-Ênê, Brah Yêsu Krist ƀư bah may; dâk hom, ƀư kloh sưng may!” Ƀât lât, Y-Ênê dâk ro.

Kôranh Oh Mon 9:40

Y-Pêtrôs đă lĕ rngôch bunuyh du luh padih, jêh ri chon kômâk mbơh sơm. Pakơi nây, păng n'gĭl uănh ta săk jăn bunuyh khĭt jêh ri lah: “Hơi H'Tabitha, dâk hom ay!” Păng lin măt saơ Y-Pêtrôs, dâk gŭ ro.