Kôranh Oh Mon 2:4 - Nau Brah Ndu Ngơi 2023

⁴ Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

Bunong Bible Latin Script Cambodian dialect

⁴ Brah Huêng Ueh i kloh ueh gŭ ta săk mpôl kôranh oh mon du huê du huê nây ngăn, ăn khân păng dơi mbơh ngơi nau ngơi êng êng, jêng nau ngơi i khân păng mâu ôh vay blao ngơi a lor nơh.

Bunong

⁴ ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ឆាក់​មពោល​កោរាញ​អ៝ស​ម៝ន​ទូ​ហ្វេ​ទូ​ហ្វេ​នៃ​ងាន់ អ៝ន់​ខាន់​ពាង់​ទើយ​មឞើស​ងើយ​នាវ​ងើយ​អេងៗ ជេង​នាវ​ងើយ​អី​ខាន់​ពាង់​មោ​អោស​វៃ​ឞ្លាវ​ងើយ​អា​ល៝រ​នើស។

Kôranh Oh Mon 2:4 ပူးပေါင်းရင်းမြစ်များ

II Samuel 23:2

Huêng Brah Yêhôva ăn ma gâp nau ngơi Păng, Jêh ri nau Păng ngơi gŭ ta mpiăt gâp.

Êsai 28:11

Yor nây, Brah Yêhôva mra dŏng bâr mbung phung bu năch Jêh ri nau ngơi êng lah ma phung ƀon lan aơ.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Mathay 10:19

Ƀiălah tơlah nhŭp njŭn khân may, lơi rvê ôh khân may mra ngơi mâm nau, mâu lah moh nau mra lah; tâm mông nây, lĕ nau khân may ngơi mra mpơl ma khân may.

Markôs 16:17

Phung bunuyh chroh mra dơi geh nau tâm mbên khlay hăn ndrel: Khân păng mra sŏk amoh Gâp gay mprơh brah mhĭk; mra ngơi lĕ nau ngơi mhe;

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Luka 1:41

H'Êlisabet mhe tăng nau H'Mari mbah, kon tâm ndŭl mpât ro. H'Êlisabet dơi bêng ma Brah Huêng Ueh;

Luka 1:67

Y-Sakari, mbơ̆ kon se jê̆ nây, dơi bêng ma Brah Huêng Ueh, mbơh lor pô aơ:

Luka 12:12

yorlah ta mông nây, Brah Huêng Ueh mra nti ma lĕ nau khân may mra lah.”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Luka 4:1

Kôranh Brah Yêsu bêng ma Brah Huêng Ueh; Păng plơ̆ sĭt tă bơh dak krong Yurdan jêh ri Brah Huêng Ueh njŭn leo Păng tâm bri rdah.

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 20:22

Jêh lah nau nây, Păng khôm n'hâm ma khân păng jêh ri lah: “Dơn hom Brah Huêng Ueh.

Kôranh Oh Mon 1:5

Yorlah Y-Yôhan ƀư jêh ƀaptem ma dak, ƀiălah hôm djê̆ nar đŏng, khân may mra dơn nau ƀaptem ma Brah Huêng Ueh.”

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 10:46

Phung chroh nây tăng khân păng ngơi nau bu năch, jêh ri tâm rnê ma Brah Ndu.

Kôranh Oh Mon 10:47

Nôk nây Y-Pêtrôs lah: “Dơi lĕ bu dun ƀaptem tâm dak ma phung bunuyh dơn jêh Brah Huêng Ueh tâm ban ma he ƀơh?”

Kôranh Oh Mon 11:15

Tơlah gâp ntơm ngơi, Brah Huêng Ueh jŭr ta khân păng, nâm bu ntơm saơm Păng jŭr ta phung he.

Kôranh Oh Mon 11:24

yorlah Y-Ƀarnaƀas jêng bunuyh ueh, bêng ma Brah Huêng Ueh jêh ri nau chroh. Geh âk bunuyh chroh ma Kôranh Brah.

Kôranh Oh Mon 13:52

Bi phung oh mon bêng ler ma nau răm maak jêh ri Brah Huêng Ueh.

Kôranh Oh Mon 13:9

Rnôk nây, Y-Sôl tâm amoh păng Y-Pôl, bêng ma Brah Huêng Ueh, uănh thâng ta nơm ƀŭk rƀên nây jêh ri lah:

Kôranh Oh Mon 15:8

Brah Ndu jêng Nơm dơi gĭt nuih n'hâm ma lĕ rngôch bunuyh, hŏ mpơl Păng Nơm dơn phung bu năch dôl ăn Brah Huêng Ueh ma khân păng tâm ban ma he.

Kôranh Oh Mon 19:6

Nôk Y-Pôl pah ti ta khân păng, Brah Huêng Ueh jŭr ta khân păng; khân păng ngơi nau bu năch jêh ri nau mbơh lor.

Kôranh Oh Mon 2:11

nđâp ma phung Yuđa mâu lah phung mhe tĭng nau phung Yuđa chroh, phung Kret, phung Arap, he tăng khân păng ngơi lĕ nau brah tă bơh Brah Ndu ma nau ngơi n'gor he nơm.”

Kôranh Oh Mon 2:3

Dôl nây khân păng saơ mpiăt nâm bu mpiăt ŭnh mpơl, tâm nkhah jêh ri gŭ ta klơ ăp nơm tâm khân păng.

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Kôranh Oh Mon 4:8

Nôk nây Y-Pêtrôs, bêng ma Brah Huêng Ueh, lah pô aơ: “Hơi phung kôranh chiă uănh jêh ri phung kôranh bu ranh!

Kôranh Oh Mon 6:3

Pôri, dăn phung oh nâu săch hom tâm phung khân may pơh nuyh geh nau lư ueh, bêng ma Brah Huêng Ueh jêh ri ma nau blau mĭn, hên mra jao nau kan aơ ma khân păng.

Kôranh Oh Mon 6:5

Lĕ rngôch bunuyh maak nuih n'hâm ma lĕ nau nây; khân păng hŏ săch Y-Êtiên jêng nơm bêng ma nau chroh jêh ri Brah Huêng Ueh, Y-Philip, Y-Prôkôr, Y-Nikanor, Y-Timôn, Y-Parmênas jêh ri Y-Nikôlas jêng bunuyh ƀon Antiôs tĭng nau phung Yuđa chroh.

Kôranh Oh Mon 6:8

Y-Êtiên bêng ma nau yô̆ jêh ri nau brah, ƀư lĕ nau khlay jêh ri nau mbên khlay toyh ngăn tâm phung ƀon lan.

Kôranh Oh Mon 7:55

Ƀiălah Y-Êtiên, bêng ma Brah Huêng Ueh, n'gơr uănh ta klơ trôk, saơ nau chrêk rmah Brah Ndu jêh ri Brah Yêsu gŭ dâk pa ma Brah Ndu.

Kôranh Oh Mon 8:17

Y-Pêtrôs jêh ri Y-Yôhan pah ti ta khân păng, khân păng sŏk dơn Brah Huêng Ueh ro.

Kôranh Oh Mon 9:17

Y-Ananias du luh hăn; păng hăn lăp tâm ngih jêh ri pah ti ta Y-Sôl jêh ri lah: “Hơi nâu Y-Sôl, Kôranh Brah jêng Brah Yêsu, hŏ tâm mpơl jêh ma may ta trong dôl may văch ta aơ, njuăl gâp văch gay ma may dơi saơ ang tay jêh ri bêng ma Brah Huêng Ueh.”

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

I Kôrintô 12:10

Bunuyh dơi ƀư lĕ nau mbên khlay, bunuyh dơi ngơi nau mbơh lor, bunuyh dơi năl lĕ brah, bunuyh dơi ngơi lĕ nau ngơi êng, bunuyh dơi gĭt rblang lĕ nau ngơi nây.

I Kôrintô 13:1

Nđâp tơlah gâp ngơi lĕ nau ngơi kon bunuyh jêh ri tông mpăr, ƀiălah mâu geh nau rŏng, gâp knŏng tâm ban ma chĭng bu goh mâu lah rgu dăng nteh huy.

I Kôrintô 13:8

Nau rŏng mâu blau dŭt ôh. Lĕ nau mbơh lor mra lôch, nau dơi ăn ngơi nau bu năch mra nsrŭng, nau gĭt rbăng mra rlau lôch.

I Kôrintô 14:18

Tâm rnê lah ueh ma Brah Ndu, gâp dơi ngơi lĕ nau ngơi êng âk lơn ma lĕ rngôch khân may.

I Kôrintô 14:5

Gâp ŭch ma lĕ rngôch khân may ngơi nau bu năch da dê, ƀiălah lơ hô ŭch lơn ăn khân may ngơi nau mbơh lor. Bunuyh ngơi nau mbơh lor jêng toyh lơn ma bunuyh ngơi nau bu năch, knŏng tơlah geh nơm gĭt rblang gay ma Phung Ngih Brah Ndu geh nau ndâk njêng.

Êphêsô 3:19

jêh ri dơi gĭt năl nau rŏng Brah Krist, jêng nau rŏng rlau lơn ma lĕ rngôch nau gĭt rbăng, gay ma khân may bêng ler lĕ ntil ndơ âk rmeh bơh Brah Ndu.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.

I Samuel 1:14

jêh ri lah: “Kŏ tât ndah jŏ ay nhŭl ndrănh? Plơ̆ sĭt hom mƀăr lơi ndrănh bơh ay.”

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.