Kôranh Oh Mon 2:39 - Nau Brah Ndu Ngơi 2023

³⁹ Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Bunong Bible Latin Script Cambodian dialect

³⁹ Kôranh Brah lĕ ton kơt nđa, Păng ton ăn ma khân ay may, ăn ma kon ma sau khân ay may, ndrel ma dâng lĕ bunuyh i gŭ ngai ngai đŏng, dah ŏk bunuyh i Kôranh Brah kuăl ma nsing Păng nơm, Păng i bân yơk mbah nây.”

Bunong

³⁹ កោរាញ​ឞ្រាស​លែៈ​ត៝ន​កើត​នអា ពាង់​ត៝ន​អ៝ន់​មា​ខាន់​អៃ​មៃ អ៝ន់​មា​ក៝ន​មា​ឆៅ​ខាន់​អៃ​មៃ នទ្រែល​មា​ទឹង​លែៈ​ឞូនុយ្ស​អី​គុ​ងាយៗ​ដ៝ង់ ទាស​អ៝ក់​ឞូនុយ្ស​អី​កោរាញ​ឞ្រាស​ក្វាល់​មា​ញឆីង​ពាង់​នើម ពាង់​អី​ឞ៝ន់​យើក​មឞាស​នៃ”។

Kôranh Oh Mon 2:39 ပူးပေါင်းရင်းမြစ်များ

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 59:20

“Nơm Tâm Chuai mra văch ma ƀon Siôn, Văch ma phung tâm ngih Yakôb hŏ chalơi nau tih.” Brah Yêhôva lah kơt nĕ.

Êsai 65:23

Khân păng mâu mra pah kan dơm dam ôh, Nau tât ji tưp ndal mâu tât ma phung kon khân păng ôh; Yorlah khân păng jêh ri phung kon sau khân păng Jêng noi deh Brah Yêhôva ăn nau ueh uĭn.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Kôranh Oh Mon 10:45

Phung chroh geh nau koh ntâu jêh, jêng phung bunuyh hăn ndrel ma Y-Pêtrôs, hih rhâl ngăn yorlah ndơ Brah Huêng Ueh nkhŭt đŏng ta phung bu năch tâm ban lĕ.

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Kôranh Oh Mon 15:14

Mâm Y-Simêôn hŏ nkoch êlor Brah Ndu chop khâl ma mpôl băl phung bu năch, gay ma sŏk luh tă bơh khân păng du phung ƀon lan ma amoh Păng.

Kôranh Oh Mon 15:3

Pôri, jêh Phung Ngih Brah Ndu njŭn hăn trong, khân păng n'ho rgăn Phênisi jêh ri n'gor Samari, nkoch bri nau phung bu năch sĭt chroh, ƀư ma lĕ rngôch phung oh nâu răm maak hâu găn.

Kôranh Oh Mon 15:8

Brah Ndu jêng Nơm dơi gĭt nuih n'hâm ma lĕ rngôch bunuyh, hŏ mpơl Păng Nơm dơn phung bu năch dôl ăn Brah Huêng Ueh ma khân păng tâm ban ma he.

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Samƀŭt Pôl Njuăl Ăn Ma Phung Nsing Ta Ƀon Rôm 8:30

Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 9:24

tâm nây geh he, jêng phung Păng kuăl jêh, mâu di knŏng bơh phung Yuđa dơm ôh, ƀiălah nđâp ma phung bu năch, mhâm hơh?

Samƀŭt Pôl Njuăl Ăn Ma Phung Nsing Ta Ƀon Rôm 9:4

nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

I Kôrintô 7:14

Yorlah sai mâu chroh ma Kôranh Brah mra geh nau kloh ueh yor ma ur păng; bi ur mâu chroh ma Kôranh Brah mra geh nau kloh ueh yor ma sai păng. Tơlah mâu, phung kon khân may mra ƀơ̆ ƀơch, ƀiălah aƀaơ aơ khân păng geh nau ƀư kloh ueh da dê.

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Êphêsô 2:12

Kah gĭt hom rnôk nây, gŭ ta neh ntu aơ, khân may mâu geh Brah Krist ôh; mâu geh nau dơi jêng phung ƀon lan Israel ôh, jêng bu năch ma nau tâm rnglăp bơh nau ton, mâu geh nau kâp gân, mâu geh Brah Ndu ôh.

Êphêsô 4:4

Geh knŏng du săk jăn, du Brah Huêng Ueh, tâm ban đŏng hŏ kuăl khân may văch ma du nau kâp gân;

Nau Vay Nkah Tay 29:15

ƀiălah đah lĕ rngôch phung gŭ râng ta aơ ndrel ma he nar aơ tanăp măt Brah Ndu he, tâm ban đŏng nđâp ma lĕ phung mâu gŭ ôh ta aơ ndrel ma he nar aơ.

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

ហេឞ្រើ 9:15

Yor ma nau nây, Păng jêng Nơm tâm nklang ma nau tâm rnglăp mhe; tă bơh nĕ, phung bunuyh geh jêh nau kuăl dơi sŏk dơn drăp ndơn n'ho ro ton jêh ma khân păng nơm, yorlah Păng khĭt jêh dơi tâm chuai nau tih khân păng hŏ ƀư tih tâm dâng nau tâm rnglăp tal nguay.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

II Pêtrôs 1:10

Pôri, hơi oh nâu, srôih lơn đŏng gay gĭt năl ma nau kuăl jêh ri nau săch khân may nơm; ƀư nâm nđĕ khân may mâu mra chêh prah;

II Pêtrôs 1:3

Nau brah Brah Ndu ăn jêh ma he lĕ rngôch nau tât ma nau rêh jêh ri ma nau blau yơk, tă bơh nau gĭt năl Păng jêng Nơm kuăl jêh he ma nau chrêk rmah jêh ri nau ueh Păng nơm.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:9

Tông mpăr lah ma gâp pô aơ: “Nchih hom: Ueh maak yơh ma phung bunuyh râng nhêt tâm nsông Kon Biăp!” Tông mpăr lah tay: “Aơ jêng lĕ nau ngơi nanê̆ ngăn tă bơh Brah Ndu.”