Kôranh Oh Mon 19:9 - Nau Brah Ndu Ngơi 2023

⁹ Ƀiălah geh ƀaƀă bunuyh geh nuih n'hâm dăng, mâu ŭch chroh, ngơi djơh ma nau chroh ma Kôranh Brah tanăp phung ƀon lan, Y-Pôl du ngai bơh khân păng, djôt leo phung oh mon ta ntŭk êng, jêh ri ăp nar tâm nchră tâm ngih nti Y-Tiranus.

Bunong Bible Latin Script Cambodian dialect

⁹ Tih ma geh bunuyh aƀă nuih n'hâm dăng ko, mâu ŭch iăt, nđâp ma ngơi nau djơh jât ma nau nsing ma Brah Yêsu ta năp bunuyh ŏk. Jêh ri Pôl du rnglah bơh phung i nây leo phung oh mon rƀŭn ta ntŭk êng. Jêh ri păng tâm nchră ma bu ăp nar ăp nar ta nhih rƀŭn du huê bunuyh, rnha bunuyh i nây Tiranus.

Bunong

⁹ តីស​មា​គែស​ឞូនុយ្ស​អាបាៈ​នូយ្ស​នហ៝ម់​ទាង់​ក៝ មោ​អុច​អ្យាត់ នអ៝ប់​មា​ងើយ​នាវ​អ្យើស​ជឹត​មា​នាវ​ញឆីង​មា​ឞ្រាស​យេឆូ  ​តា​នាប់​ឞូនុយ្ស​អ៝ក់។ ជេសរី​ពោល  ​ទូ​រាង្លាស​ឞើស​ផូង​អី​នៃ​លែវ​ផូង​អ៝ស​ម៝ន​រាបុន​តា​នតុក​អេង។ ជេសរី​ពាង់​តឹម​ញច្រាៈ​មា​ឞូ​អាប់​នារ​អាប់​នារ​តា​ញីស​រាបុន​ទូ​ហ្វេ​ឞូនុយ្ស រាញា​ឞូនុយ្ស​អី​នៃ​តីរានុស  ។

Kôranh Oh Mon 19:9 ပူးပေါင်းရင်းမြစ်များ

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nêhêmi 9:29

Kôranh Brah mbơh đŏng ăn khân păng njrăng, gay ƀư ăn khân păng plơ̆ sĭt ma nau vay May. Ƀiălah khân păng gŭ ngao ma nau sưr, mâu tông tĭng ôh ma nau vay ntăm bơh Kôranh Brah. Khân păng ƀư tih đah nau vay ƀư bơh Kôranh Brah, jêng nau vay ƀư ngăn tơlah mbu nơm tông, nanê̆ mra dơi rêh. Khân păng dăng bôk, dăng ko jêh ri mâu ŭch tông bâr ôh.

Nau Mprơ Ơm 95:8

Lơi ƀư dăng ôh nuih n'hâm khân may nâm bu ta Mêriba, Nâm bu ta nar Masa tâm bri rdah.

Nau Hôr 8:34

Ueh maak ngăn bunuyh iăt nau gâp, Rngeh ăp nar ta mpông pêr gâp Jêh ri gŭ kâp kêng meng mpông lăp ngih gâp.

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Mathay 16:4

Rnôk djơh mhĭk jêh ri văng tĭr aơ joi du nau mbên khlay; ƀiălah mâu mra geh nau mbên khlay êng ăn ma khân păng ôh, knŏng nau mbên khlay Y-Yôna.” Jêh nây Păng chalơi khân păng jêh ri lŏ hăn.

Mathay 26:55

Dôl rnôk nây, Brah Yêsu lah ma phung âk nây pô aơ: “Mâm ƀư khân may djôt đao jêh ri mâng văch gay nhŭp Gâp nâm bu nhŭp du huê bunuyh ntŭng? Ăp nar Gâp gŭ ntĭm nti tâm ngih brah, ƀiălah khân may mâu nhŭp Gâp.

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Kôranh Oh Mon 11:26

nôk dơi joi jêh, păng njŭn leo Y-Sôl ta ƀon Antiôs. Bar hê bunuyh tâm rƀŭn ndrel ma Phung Ngih Brah Ndu jêh ri ntĭm nti âk bunuyh tâm du năm. Ta ƀon Antiôs ro, bu ntơm kuăl phung oh mon jêng Phung Brah Krist.

Kôranh Oh Mon 14:4

Ƀiălah phung ƀon lan tâm ƀon tâm nkhah mpôl, du phung tĭng phung Yuđa, phung ri tĭng bar hê kôranh oh mon.

Kôranh Oh Mon 17:4

Ƀaƀă bunuyh tâm khân păng bu jă hăn tĭng Y-Pôl ndrel ma Y-Silas; geh âk phung Grek ơm yơk mbah Brah Ndu, nđâp ma âk phung bu ur tâm phung bu yơk chroh Kôranh Brah đŏng.

Kôranh Oh Mon 19:23

Tâm nôk nây, geh nau rŭng răng toyh ngăn tât ma nau chroh tâm Kôranh Brah.

Kôranh Oh Mon 19:30

Y-Pôl ŭch mpơl păng nơm tanăp ƀon lan, ƀiălah phung oh mon mâu ăn ôh.

Kôranh Oh Mon 20:31

Pôri, rngeh njrăng hom, kah gĭt tay dôl tâm pe năm, măng jêh ri nar, gâp mâu rlu ôh hoch dak măt gay ntĭm nti ma lĕ rngôch bunuyh.

Kôranh Oh Mon 22:4

Gâp hŏ tă ƀư mhĭk ma phung chroh aơ kŏ tât nkhĭt; nhŭp chăp jêh ri krŭng nđâp ma bu ur mâu lah bu klâu.

Kôranh Oh Mon 24:21

tơlah geh, knŏng jêng du trong gâp ngơi tâm nklang khân păng: ‘Yor nau phung khĭt dâk rêh tay yơh bu phat dôih gâp tanăp khân may nar aơ.’ ”

Kôranh Oh Mon 28:22

Ƀiălah, hên ŭch gĭt mâm nau may mĭn, yorlah hên gĭt bu tâm rdâng đah mpôl nây lam ăp ntŭk.”

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Kôranh Oh Mon 9:2

dăn samƀŭt nkoch lor ma phung ngih rƀŭn ta ƀon Đamas, gay ma tơlah tâm mâp mbu moh jêng Bunuyh Nau Chroh, mâu kơp bu ur mâu lah bu klâu, păng mra nhŭp chăp têk leo khân păng ta ƀon Yêrusalem.

Samƀŭt Pôl Njuăl Ăn Ma Phung Nsing Ta Ƀon Rôm 11:7

Mâm ƀư pônây? Phung Israel mâu dơi geh nau khân păng joi. Phung bunuyh dơi săch geh jêh nau nây, ƀiălah phung hôm plơ̆ jêng dăng nuih n'hâm,

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

I Kôrintô 16:9

yorlah du mpông pêr huy toyh jêh ri ton pơk jêh ma gâp, nđâp tơlah ta nây ăt hôm âk nau tâm rdâng.

I Timôthê 6:5

nau tâm djrel mro mrăng ta nklang phung bunuyh geh nau mĭn mhĭk, lơh roh nau ngăn, uănh nau klach yơk tâm ban nau gay ma sŏk drăp nkhôm.

II Timôthê 1:15

May gĭt jêh lĕ phung tâm n'gor Asi chalơi jêh gâp; tâm phung nây geh Y-Phigel jêh ri Y-Hêrmôgen.

II Timôthê 3:5

tâm mpơl nau klach yơk padih, ƀiălah dun lơi nau brah ma nau klach yơk nây. Ăn may der ngai bơh phung kơt nây.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.

II Pêtrôs 2:12

Ƀiălah, tâm ban phung mpô mpa mâu geh nau gĭt rbăng, gŭ rêh tĭng nau nglay săk ŭch, bu deh ma khân păng prăp ăn ma bu nchron nhŭp jêh ri sreh nkhĭt, phung bunuyh nây ngơi djơh tât lĕ nau khân păng mâu gĭt, bu mra ƀư rai lĕ khân păng tâm ban ma mpô mpa,

II Pêtrôs 2:2

Âk bunuyh mra hăn tĭng trong nau tih mhĭk khân păng; yorlah khân păng yơh bu ngơi djơh ma trong nau ngăn.

Yuđas 1:10

Ƀiălah phung aơ ngơi djơh tât ma lĕ nau khân păng mâu gĭt rbăng, bi lĕ nau khân păng gĭt ma nau nglay săk ŭch nâm bu mpô mpa bri mâu geh nau gĭt rbăng, pôri khân păng dŏng gay ƀư rai roh khân păng nơm.