Kôranh Oh Mon 17:11 - Nau Brah Ndu Ngơi 2023

¹¹ Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Bunong Bible Latin Script Cambodian dialect

¹¹ Phung Israel ta ƀon nây geh nuih n'hâm ueh rlau ma phung Israel ta ƀon Têsalônik, yorlah khân păng iăt nau bar hê khân păng nây mbơh nkoch ma lĕ nuih n'hâm, mêt uănh Nau Kôranh Brah Ngơi ăp nar, gay ma ŭch gĭt n'hêl nau Pôl, ndrel ma Silas nti nây, ngăn mâu lah mâu.

Bunong

¹¹ ផូង​អីឆ្រាអែល  ​តា​ប៝ន​នៃ​គែស​នូយ្ស​នហ៝ម់​អ្វែស​រាលាវ​មា​ផូង​អីឆ្រាអែល  ​តា​ប៝ន​តេឆាលោនិក  យ៝រ​លាស​ខាន់​ពាង់​អ្យាត់​នាវ​ឞារ​ហៃ​ខាន់​ពាង់​នៃ​មឞើស​ងក៝ច​មា​លែៈ​នូយ្ស​នហ៝ម់ មេត​អ្វាញ់​នាវ​កោរាញ​ឞ្រាស​ងើយ​អាប់​នារ គៃ​មា​អុច​គឹត​នហេល​នាវ​ពោល  នទ្រែល​មា​ឆីលាស  ​នតី​នៃ ងាន់​មោ​លាស​មោ។

Kôranh Oh Mon 17:11 ပူးပေါင်းရင်းမြစ်များ

Ndrom Samƀŭt bơh Yôp 23:12

Gâp mâu du ngai lĕ nau vay ntăm bơh bâr mbung Păng, Djôt prăp mro tâm nuih n'hâm gâp nau ngơi bơh bâr mbung Păng.

Nau Mprơ Ơm 119:100

Gâp gĭt rbăng âk lơn ma phung bu ranh, Yorlah gâp djôt prăp jêh nau May ntăm.

Nau Mprơ Ơm 119:148

Dôl mông gak măng măt gâp rngeh Gay gŭ mĭn nau May ngơi.

Nau Mprơ Ơm 119:97

Gâp rŏng kơnh ngăn ngên ma nau vay May! Lĕ nar gâp gŭ mĭn ma nau vay nây.

Nau Hôr 1:5

Phung blau mĭn mra gŭ iăt jêh ri ntop nau gĭt blau lơn, Phung gĭt rbăng mra dơi joi nau bu ntĭm,

Nau Hôr 8:10

Dơn hom nau gâp ntĭm nti ueh lơn ma dơn prăk, Sŏk dơn nau blau mĭn rlau lơn ma mah ngăn;

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Êsai 34:16

Joi hom tâm ndrom samƀŭt Brah Yêhôva jêh ri rŏ: Tâm phung mpô mpa bri nây, mâu mra pưt du ntil, Mâu geh du mlâm pưt nkuăng mâu lah me ôh. Yorlah mbung Brah Yêhôva ntăm jêh nau nây, Jêh ri Brah Păng tâm rƀŭn jêh lĕ khân păng.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Mathay 13:23

Ƀiălah găr ntil nsrih ta neh ueh jêng nơm iăt, gĭt rbăng nau chroh jêh ri geh play: nguay jêng du rhiăng, nguay jêng prao jât, nguay jêng pe jât.”

Luka 1:2

di tĭng nâm phung bunuyh hŏ tă saơ jêh ri pah kan nau Brah Ndu bơh ntơm saơm nkoch tay ma he.

Luka 11:3

Dăn ăn ma hên ndơ sông sa moh nar tŏng ma nar nây.

Luka 16:29

Ƀiălah Y-Abraham plơ̆ lah: ‘Khân păng geh jêh Y-Môis jêh ri phung nơm mbơh lor. Ăn khân păng iăt nau phung nây!’

Luka 24:44

Brah Yêsu lah: “Aơ jêng lĕ nau Gâp hŏ ntăm jêh ma khân may, dôl Gâp hôm gŭ ndrel ma khân may: Lĕ nau bu nchih ma Gâp tâm Nau Vay Y-Môis, tâm lĕ ndrom samƀŭt Mbơh Lor, jêh ri tâm ndrom samƀŭt Nau Mprơ Ơm dơi tât di ngăn.”

Yôhan 3:21

Ƀiălah mbu nơm ƀư tĭng nau ngăn, ri mơ văch tâm nau ang gay lĕ nau păng nơm hŏ ƀư jêh tâm Brah Ndu dơi saơ rah vah.”

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 11:1

Rnôk nây, phung kôranh oh mon jêh ri phung oh nâu tâm n'gor Yuđa tăng lư ma phung bu năch hŏ dơn nau chroh tâm Brah Ndu.

Kôranh Oh Mon 17:1

Y-Pôl jêh ri Y-Silas hăn rgăn ƀon Amphipôlis jêh ri ƀon Apôlônia, jêh tât ta ƀon Têsalônik, geh du ngih rƀŭn Yuđa.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Nau Vay Nkah Tay 29:29

Lĕ nau ndâp prăp ma Yêhôva Brah Ndu he, ƀiălah lĕ nau păng tâm mpơl jêh prăp ma he jêh ri ma phung kon sau he ƀaƀơ n'ho ro, gay ma he tĭng kơt lĕ rngôch nau ngơi tâm nau vay aơ.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

II Têsalônik 2:10

păng dŏng lĕ rngôch nau plĕch rlăm djơh mhĭk gay ndơm phung rai yot, yorlah khân păng mâu sŏk dơn ôh nau rŏng tâm nau ngăn gay dơn nau tâm rklaih.

Yakơ 1:21

Pôri, chalơi hom lĕ nau ƀơ̆ ƀơch jêh ri lĕ nau djơh mhĭk dôl geh lam ntŭk, ăn khân may geh nuih n'hâm rdơ̆ rbăn rom dơn nau ngơi tăm jêh tâm phung khân may, jêng nau ngơi dơi tâm rklaih huêng khân may.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,