Kôranh Oh Mon 15:4 - Nau Brah Ndu Ngơi 2023

⁴ Tât ta ƀon Yêrusalem, Phung Ngih Brah Ndu, phung kôranh oh mon jêh ri phung kôranh bu ranh vơt rom khân păng, jêh ri khân păng nkoch bri ma phung nây lĕ nau Brah Ndu đă khân păng ƀư.

Bunong Bible Latin Script Cambodian dialect

⁴ Tât ta ƀon Yêrusalem ri, phung i nsing ma Brah Krist, mpôl kôranh oh mon, ndrel ma phung kôranh phung nsing ran vơt dơn khân păng dadê. Jêh ri khân păng mbơh nkoch ma phung nây dâng lĕ nau Kôranh Brah jan ta ăp ntŭk khân păng ri nơh.

Bunong

⁴ ត៝ត់​តា​ប៝ន​យេរូឆាលឹម  ​រី ផូង​អី​ញឆីង​មា​ឞ្រាស​ក្រីស  មពោល​កោរាញ​អ៝ស​ម៝ន នទ្រែល​មា​ផូង​កោរាញ​ផូង​ញឆីង​រាន​វើត​ទើន​ខាន់​ពាង់​ទាទេ។ ជេសរី​ខាន់​ពាង់​មឞើស​ងក៝ច​មា​ផូង​នៃ​ទឹង​លែៈ​នាវ​កោរាញ​ឞ្រាស​ជាន​តា​អាប់​នតុក​ខាន់​ពាង់​រី​នើស។

Kôranh Oh Mon 15:4 ပူးပေါင်းရင်းမြစ်များ

Mathay 10:40

“Mbu nơm rom khân may jêng rom Gâp, mbu nơm rom Gâp jêng rom Nơm hŏ njuăl Gâp.

Kôranh Oh Mon 11:30

Khân păng ƀư nau nây jêh ri njuăl ndơ ăn ma phung bu ranh tă ma ti Y-Ƀarnaƀas jêh ri Y-Sôl.

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Kôranh Oh Mon 15:12

Lĕ rngôch phung rƀŭn gŭ rklăk, iăt nau Y-Ƀarnaƀas jêh ri Y-Pôl nkoch bri lĕ rngôch nau mbên khlay jêh ri nau khlay, Brah Ndu đă khân păng ƀư jêh ta nklang phung bu năch.

Kôranh Oh Mon 15:2

Rnôk nây, mâu geh du ai, Y-Pôl jêh ri Y-Ƀarnaƀas tâm rlăch dŭt n'hâm ngăn đah phung bunuyh nây. Yor nây, Y-Pôl jêh ri Y-Ƀarnaƀas ndrel ma bar pe nuyh tâm phung nây dơi săch hăn ta ƀon Yêrusalem, tât ta phung kôranh oh mon jêh ri phung kôranh bu ranh gay ôp ma nau nây.

Kôranh Oh Mon 15:22

Pakơi nây, phung kôranh oh mon jêh ri phung bu ranh ndrel ma lĕ rngôch Phung Ngih Brah Ndu ŭch săch phung bunuyh tâm phung khân păng jêh ri njuăl hăn ndrel ma Y-Pôl jêh ri Y-Ƀarnaƀas ta ƀon Antiôs. Khân păng njuăl Y-Yuđas, trơn amoh Y-Barsabas, jêh ri Y-Silas, jêng bar hê kôranh chiă uănh tâm phung oh nâu,

Kôranh Oh Mon 15:3

Pôri, jêh Phung Ngih Brah Ndu njŭn hăn trong, khân păng n'ho rgăn Phênisi jêh ri n'gor Samari, nkoch bri nau phung bu năch sĭt chroh, ƀư ma lĕ rngôch phung oh nâu răm maak hâu găn.

Kôranh Oh Mon 15:6

Phung kôranh oh mon jêh ri phung kôranh bu ranh tâm rƀŭn gay ma sek uănh nau nây.

Kôranh Oh Mon 16:4

Nôk hăn rgăn lĕ ƀon, khân păng ntĭnh ma phung chroh djôt prăp lĕ nau ntĭnh phung kôranh oh mon jêh ri phung kôranh bu ranh tâm ƀon Yêrusalem hŏ ƀư jêh.

Kôranh Oh Mon 18:27

Tơlah Y-Apôlôs ŭch hăn rgăn ta n'gor Akai, phung oh nâu n'hao nuih n'hâm păng jêh ri nchih samƀŭt ntĭnh ma phung oh mon ăn rom păng ma nau ueh. Tơlah păng tât jêh, tâm nau yô̆ păng sâm kơl âk ngăn ma phung chroh ma Kôranh Brah,

Kôranh Oh Mon 21:17

Tât hên ta ƀon Yêrusalem, phung oh nâu rom hên ma nau răm maak.

Kôranh Oh Mon 21:19

Jêh tâm mbah jô̆ khâl, Y-Pôl nkoch bri ăp ntil lĕ nau Brah Ndu ƀư jêh ma phung bu năch tâm nau păng pah kan.

Samƀŭt Pôl Njuăl Ăn Ma Phung Nsing Ta Ƀon Rôm 15:18

Yorlah gâp mâu nănh ngơi du ntil nau êng, ƀiălah knŏng ngơi lĕ nau Brah Krist hŏ ƀư tâm gâp, gay ƀư ma phung bu năch tông bâr Păng. Ma nau ngơi jêh ri ma nau kan,

Samƀŭt Pôl Njuăl Ăn Ma Phung Nsing Ta Ƀon Rôm 15:7

Pôri, yorlah nau chrêk rmah Brah Ndu, khân may rom dơn hom ndrăng khân may nơm, tâm ban ma Brah Krist rom dơn jêh khân may.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Kôlôh 4:10

Y-Aristarkus, băl tâm ndrung ndrel ma gâp, njuăl nau mbah jô̆ khâl ma khân may; Y-Markôs, oh nâu ndrel ma Y-Ƀarnaƀas tâm ban lĕ. Bơh Y-Markôs, khân may hŏ dơi dơn nau ntĭm jêh, tơlah Y-Markôs hăn tât ntŭk khân may, vơt rom hom păng.

II Yôhan 1:10

Tơlah mbu nơm hăn ta khân may, ƀiălah mâu djôt leo nau nti aơ, lơi vơt rom bunuyh nây lăp tâm ngih khân may ôh jêh ri lơi tâm mbah ôp đah păng.