Kôranh Oh Mon 13:32 - Nau Brah Ndu Ngơi 2023

³² Bi hên nkoch mbơh ma khân may Nau Mhe Mhan Ueh Brah Ndu ton jêh ma phung chô yau he

Bunong Bible Latin Script Cambodian dialect

³² “Aƀaơ dja hên mbơh nau mhe mhan ueh dja ma khân ay may, jêng nau Kôranh Brah lĕ ton jêh ma phung u che bân kăl e nơh.

Bunong

³² “អាបៃ​អ្យា​ហេន​មឞើស​នាវ​មហែ​មហាន​អ្វែស​អ្យា​មា​ខាន់​អៃ​មៃ ជេង​នាវ​កោរាញ​ឞ្រាស​លែៈ​ត៝ន​ជេស​មា​ផូង​អូ​ចែ​ឞ៝ន់​កាល់​អែ​នើស។

Kôranh Oh Mon 13:32 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 41:27

Gâp jêng Nơm tal lor lơn mbơh jêh nau nây ma Siôn: “Aơ, khân păng!” Jêh ri Gâp mra njuăl nơm mbơh nau mhe mhan ueh tât ta Yêrusalem.

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Sakari 6:12

Ăn may lah ma păng pô aơ Brah Yêhôva ma phung tahan lah: ‘Aơ geh du huê bunuyh amoh păng jêng Nkeh Nse mra chăt nse bơh ntŭk păng. Nơm nây mra ndâk ngih Brah Yêhôva.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

Luka 2:10

Ƀiălah tông mpăr lah ma khân păng: “Lơi klach ôh! Aơ, gâp mbơh ma khân may du Nau Mhe Mhan Ueh, aơ mra jêng nau răm maak toyh ma lĕ rngôch bunuyh.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 13:23

Ntơm bơh noi deh Y-Đavit, Brah Ndu hŏ n'hao ma phung Israel du huê Nơm Tâm Rklaih, nây jêng Brah Yêsu tâm ban Păng hŏ ton jêh.

Kôranh Oh Mon 13:38

Pôri, hơi phung oh nâu, gĭt năl hom tă bơh Nơm nây nau yô̆ an ma nau tih dơi mbơh ma phung oh nâu;

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 26:6

Aƀaơ bu phat dôih gâp, yorlah kâp gân nau Brah Ndu ton jêh ma phung che hên.

Kôranh Oh Mon 3:19

Pôri, khân may rmal hom nau tih jêh ri plơ̆ sĭt ma Brah Ndu gay ma nau tih khân ay may mra dơi lâm lơi,

Kôranh Oh Mon 5:42

Ăp nar, tâm ngih brah mâu lah ntơm bơh ngih aơ tât tâm ngih êng, phung kôranh oh mon ntĭm nti tay jêh ri nkoch mbơh Nau Mhe Mhan Ueh Brah Yêsu jêng Brah Krist.

Samƀŭt Pôl Njuăl Ăn Ma Phung Nsing Ta Ƀon Rôm 1:2

jêng Nau Mhe Mhan Ueh Brah Ndu ton jêh bơh lor rgăn phung mbơh lor Păng tâm Nau Brah Ndu Ngơi.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Samƀŭt Pôl Njuăl Ăn Ma Phung Nsing Ta Ƀon Rôm 4:13

Nau ton ma Y-Abraham jêh ri phung kon sau păng dơi dơn neh ntu jêng drăp ndơn, mâu di tât tă bơh nau vay ƀiălah tât tă bơh nau sŏng srăng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 9:4

nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

Nau Vay Nkah Tay 18:15

“Tă bơh tâm phung ƀon lan khân may, Yêhôva Brah Ndu mra n'hao du huê nơm mbơh lor tâm ban ma gâp. Ăn khân may iăt nau ngơi nơm mbơh lor nây.