Kôranh Oh Mon 13:23 - Nau Brah Ndu Ngơi 2023

²³ Ntơm bơh noi deh Y-Đavit, Brah Ndu hŏ n'hao ma phung Israel du huê Nơm Tâm Rklaih, nây jêng Brah Yêsu tâm ban Păng hŏ ton jêh.

Bunong Bible Latin Script Cambodian dialect

²³ Tâng ma nau Păng lĕ ton nơh, ta rnoi deh kađăch Đavid i nây, Kôranh Brah ăn Kôranh Yêsu jêng nơm rklaih phung ƀon lan Israel.

Bunong

²³ តឹង​មា​នាវ​ពាង់​លែៈ​ត៝ន​នើស តា​រាន៝យ​ទែស​កាដាច់​ដាវីត  ​អី​នៃ កោរាញ​ឞ្រាស​អ៝ន់​កោរាញ​យេឆូ  ​ជេង​នើម​រាក្លាយ្ស​ផូង​ប៝ន​លាន​អីឆ្រាអែល  ។

Kôranh Oh Mon 13:23 ပူးပေါင်းရင်းမြစ်များ

II Samuel 7:12

Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

Nau Mprơ Ơm 132:11

Brah Yêhôva hŏ sân săk jêh ma Đavit, Du nau ton Păng mâu mra rgâl ôh nau tâm rnglăp, pô aơ: “Gâp mra n'gân du huê bơh ndŭl proch may Hao ta klơ sưng hađăch ntrok chiă uănh.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 43:11

Gâp, Gâp yơk jêng Brah Yêhôva, Rlau ma Gâp, mâu geh Nơm Tâm Rklaih êng ôh.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Yêrêmi 30:9

Ƀiălah khân păng mra pah kan ma Yêhôva Brah Ndu khân păng, Jêh ri hađăch he jêng Y-Đavit Gâp mra n'hao ăn ma khân păng.’

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

Mathay 22:42

“Mâm nau khân may mĭn ma Brah Krist? Mbu moh Kon păng jêng.” Khân păng plơ̆ lah: “Kon hađăch Đavit.”

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Yôhan 4:42

Khân păng lah ma bu ur nây pô aơ: “Aƀaơ aơ mâu hôm tă bơh nau ay mbơh dĭng hên chroh, ƀiălah hên tăng nau Păng nơm nkoch, jêh ri gĭt nanê̆ Păng jêng Nơm Tâm Rklaih neh ntu.”

Yôhan 7:42

Mâu di hĕ Nau Brah Ndu Ngơi mbơh pô aơ Brah Krist Păng luh bơh noi deh Y-Đavit jêh ri văch tă bơh ƀon Ƀêtlêhem, jêng ƀon Y-Đavit ƀơh?”

Kôranh Oh Mon 13:32

Bi hên nkoch mbơh ma khân may Nau Mhe Mhan Ueh Brah Ndu ton jêh ma phung chô yau he

Kôranh Oh Mon 2:30

Ƀiălah păng jêng nơm mbơh lor, gĭt jêh ma Brah Ndu lĕ ton jêh pô aơ Păng mra ăn du huê bunuyh jêng noi deh păng gŭ ta sưng hađăch păng nơm.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Kôranh Oh Mon 4:12

Mâu hôm geh nau tâm rklaih tâm nơm êng ôh, yorlah tâm dâng trôk mâu geh ôh amoh êng ăn jêh ma kon bunuyh, gay ma he tă bơh nĕ geh nau tâm rklaih.”

Samƀŭt Pôl Njuăl Ăn Ma Phung Nsing Ta Ƀon Rôm 1:3

Nây jêng Nau Mhe Mhan Ueh ma Kon Păng, jêng Nơm tâm nau nglay săk bu deh tă bơh ndŭl mpôl Y-Đavit;

Samƀŭt Pôl Njuăl Ăn Ma Phung Nsing Ta Ƀon Rôm 11:26

Pôri lĕ rngôch phung Israel mra dơi rklaih, nâm bu geh nau nchih jêh: “Nơm Rklaih mra văch tă bơh Siôn, Sŏk lơi nau mâu chroh bơh ngih Y-Yakôp”;

Titus 1:4

Samƀŭt njuăl ma Y-Tit, kon gâp ngăn ndrel tâm nau chroh: Mbơh sơm dăn Brah Ndu jêng Mbơ̆ jêh ri Brah Yêsu Krist, Nơm Tâm Rklaih he, ăn nau yô̆ jêh ri nau đăp mpăn ma may!

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

II Pêtrôs 3:2

gay nchih lĕ nau mbơh lor tă bơh phung nơm mbơh lor kloh ueh tâm ban đŏng lĕ nau vay Kôranh Brah jêh ri Nơm Tâm Rklaih he tă bơh phung kôranh oh mon nkoch tay.

I Yôhan 4:14

Hên lĕ saơ jêh ri mbơh nkoch Brah Ndu Mbơ̆ njuăl jêh Kon Păng jêng Nơm Tâm Rklaih ma neh ntu.

Yuđas 1:25

jêng Brah Ndu knŏng nguay, Nơm Tâm Rklaih he, ma Brah Yêsu Krist, Kôranh Brah he, geh nau tâm rnê, nau rnam, nau ktang jêh ri nau dơi ntơm bơh lĕ rngôch rnôk lor, aƀaơ aơ jêh ri ma tât n'ho ro! Amen.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”