Kôranh Oh Mon 13:10 - Nau Brah Ndu Ngơi 2023

¹⁰ “May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Bunong Bible Latin Script Cambodian dialect

¹⁰ “Yê! May i bunuyh jan mŏn dơm, bunuyh blao nau mƀrôh hô ir! May i nây kon brah djơh, lĕ ndơ nau sŏng, may rlăch, ndri may jêng bu năch rlăng đah ma lĕ ndơ nau sŏng. Mơm may lah nâng nau sŏng Kôranh Brah jêng nau mƀrôh chrao?

Bunong

¹⁰ “យេ! មៃ​អី​ឞូនុយ្ស​ជាន​ម៝ន់​ទើម ឞូនុយ្ស​ឞ្លាវ​នាវ​មរោស​ហោ​អីរ! មៃ​អី​នៃ​ក៝ន​ឞ្រាស​អ្យើស លែៈ​នទើ​នាវ​ឆ៝ង់ មៃ​រាលាច់ នទ្រី​មៃ​ជេង​ឞូ​នាច់​រាលាង់​ដាស​មា​លែៈ​នទើ​នាវ​ឆ៝ង់។ មើម​មៃ​លាស​នឹង​នាវ​ឆ៝ង់​កោរាញ​ឞ្រាស​ជេង​នាវ​មរោស​ច្រាវ?

Kôranh Oh Mon 13:10 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

II Nau Rêh Jêng 17:6

Păng nâp nuih n'hâm tĭng ndô̆ lĕ trong Brah Yêhôva, mƀăr tay đŏng ntŭk prêh jêh ri lĕ rup brah Asêrim bơh bri Yuđa.

Nơm Nti 9:3

Aơ jêng nau mhĭk tât tâm lĕ rngôch moh nau geh tât tâm dâng nar: Yorlah ăp bunuyh dơn nsum du mrô tâm nal yor ri nuih n'hâm kon bunuyh bêng ma nau janh ƀai, jêh ri nau brŭt ndrăng chiă uănh nau mĭn khân păng du bông nau rêh, gay nglĕ dŭt mra hăn lăp tâm ma nau khĭt.

Yêrêmi 23:36

Nôk nây, khân may mâu dơi ngơi tât, ‘nau ngơi bơh Brah Yêhôva ƀư jâk’ đŏng ôh; yorlah bu nơm ngơi jêng jâk ăn bunuyh nây, yorlah khân may hŏ nsak nkhăng nau Brah Ndu gŭ rêh mro mrăng, jêng Brah Yêhôva ma phung tahan, Brah Ndu he.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Mathay 13:38

mir lŏ jêng neh ntu; grăp ueh jêng phung kon ƀon bri hađăch klơ trôk; gơ̆ mhĭk jêng phung kon brah djơh;

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Luka 11:39

Yor ri, Kôranh Brah lah: “Phung Pharisi khân may rao kloh padih ngan grưng jêh ri ngan khăl, ƀiălah tâm trôm bêng ma nau kơnh rlau ir jêh ri djơh mhĭk.

Luka 11:52

Rêh ni yơh ma khân may, jêng nơm nti nau vay! Yorlah khân may djôt prăp khuă nau gĭt rbăng, khân may nơm mâu lăp ƀiălah khân may buay đŏng lĕ phung êng ŭch lăp!”

Yôhan 1:23

Păng plơ̆ lah: “Gâp jêng bâr bunuyh kuăl nter tâm bri rdah, ‘Ƀư sŏng hom trong Kôranh Brah,’ nâm nau nơm mbơh lor Y-Êsai hŏ lah jêh.”

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Kôranh Oh Mon 20:30

Tă bơh nklang phung oh nâu khân may mra dâk đŏng bunuyh nti lah âk nau tih mhĭk, gay ma ndơm phung oh mon tĭng ndô̆ khân păng.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

Galati 1:7

Mâu geh nau mhe mhan ueh êng ôh, ƀiălah geh knŏng ƀaƀă bunuyh ƀư rsuak khân may jêh ri ŭch nsak nkhăng Nau Mhe Mhan Ueh Brah Krist.

Êphêsô 4:14

Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

II Pêtrôs 2:15

Khân păng chalơi jêh trong sŏng, pôri khân păng nhhơt trong, hăn tĭng trong Y-Balam, kon bu klâu Y-Bôsôr, jêng nơm ŭch prăk nkhôm ma nau tih mhĭk.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.