Kôranh Oh Mon 11:14 - Nau Brah Ndu Ngơi 2023

¹⁴ Păng mra mbơh ma may lĕ nau ngơi gay tă bơh nĕ may jêh ri lĕ ngih may mra dơi tâm rklaih.’

Bunong Bible Latin Script Cambodian dialect

¹⁴ Păng i nây mbơh nkoch ma may, ăn may, ndrel ma lĕ rnăk vâl may geh rklaih đŏng’.

Bunong

¹⁴ ពាង់​អី​នៃ​មឞើស​ងក៝ច​មា​មៃ អ៝ន់​មៃ នទ្រែល​មា​លែៈ​រានាក់​វ៝ល់​មៃ​គែស​រាក្លាយ្ស​ដ៝ង់»។

Kôranh Oh Mon 11:14 ပူးပေါင်းရင်းမြစ်များ

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 112:2

Phung kon sau păng mra geh jêng ta neh; Noi deh phung bunuyh sŏng mra geh nau ueh maak.

Nau Hôr 20:7

Bunuyh sŏng srăng gŭ ngao tâm nau ueh; Phung kon sau bunuyh nây geh nau ueh lăng ngăn!

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Markôs 16:16

Mbu nơm chroh jêh ri dơn nau ƀaptem mra rklaih; ƀiălah mbu nơm mâu chroh ôh mra dơn nau tâm rmal.

Luka 19:10

Yorlah Kon Bunuyh văch jêh gay joi jêh ri tâm rklaih mbu nơm roh jêh.”

Yôhan 12:50

Gâp gĭt jêh nau Mbơ̆ ntăm nây jêng nau rêh ƀaƀơ n'ho ro. Pôri lĕ nau Gâp lah, Gâp lah tĭng nau Mbơ̆ hŏ ntăm jêh.”

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 4:53

Bunuyh mbơ̆ nây gĭt năl di ta mông Brah Yêsu lah ma păng pô aơ: “Kon may mra rêh”; pôri păng, jêh ri nđâp ma lĕ rnăk vâl chroh da dê.

Yôhan 6:63

Brah huêng yơh ƀư ăn nau rêh, nglay săk mâu khlay ôh. Lĕ nau Gâp ngơi jêh ma khân may jêng huêng brah jêh ri nau rêh.

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Kôranh Oh Mon 10:2

Păng ơm jêng bunuyh ueh, lĕ rnăk vâl geh nau klach yơk ma Brah Ndu; păng vay ăn yô̆ âk ndơ ma phung ƀon lan jêh ri păng mbơh sơm kuăl Brah Ndu ƀaƀơ.

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Kôranh Oh Mon 10:43

Lĕ rngôch phung kôranh nơm mbơh lor mbơh nkoch jêh ma mbu nơm chroh ma Păng geh nau yô̆ an ma nau tih ma amoh Păng.”

Kôranh Oh Mon 10:6

Păng dôl gŭ ndrel ma Y-Simôn, bunuyh blau nkra ntâu, tâm ngih dăch dak mƀŭt.”

Kôranh Oh Mon 11:13

Păng nây nkoch bri ma hên nau păng saơ jêh tâm ngih păng, du huê tông mpăr Brah Ndu tâm mpơl jêh ri ngơi ma păng pô aơ: ‘Njuăl hom bunuyh hăn ta ƀon Jôpa, jă Y-Simôn, tâm amoh Y-Pêtrôs.

Kôranh Oh Mon 16:15

Tơlah păng dơn nau ƀaptem jêh ndrel ma phung tâm ngih păng, H'Lidi jă hên: “Tơlah khân may mĭn ma gâp răp jăp đah Kôranh Brah, dăn lăp gŭ hom tâm ngih gâp.” Jêh ri păng nchâp hên lăp.

Kôranh Oh Mon 18:8

Rnôk nây Y-Krispus, kôranh mât uănh ngih rƀŭn, ndrel ma lĕ rngôch ngih păng chroh ma Kôranh Brah. Geh đŏng âk phung Kôrintô iăt nau Y-Pôl nti lah, chroh jêh ri dơn nau ƀaptem.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

I Kôrintô 1:16

Gâp hŏ ƀư ƀaptem jêh lĕ ma rnăk vâl Y-Stêphanas. Rlau ma nây, gâp mâu kah gĭt ôh gâp hŏ ƀư jêh ƀaptem ma mbu nơm êng.