Kôranh Oh Mon 10:9 - Nau Brah Ndu Ngơi 2023

⁹ Ôi taơ, tâm nôk pe bunuyh nây hăn trong, dăch tât ta ƀon, ri mơ Y-Pêtrôs hao ta klơ chor ngih gay mbơh sơm, nôk nây, di tâm nar nklang bôk.

Bunong Bible Latin Script Cambodian dialect

⁹ Kah ôi tay, khân păng pe nuyh nây hăn bơi tât ta ƀon Yôppê ri, di nar nklang bôk, Pêtrôs hao mbơh sơm ta kalơ chor jay ri. Chor jay ta ntŭk nây lŏng gay ma jan kar êng êng.

Bunong

⁹ កាស​អោយ​តៃ ខាន់​ពាង់​ពែ​នុយ្ស​នៃ​ហាន់​ឞើយ​ត៝ត់​តា​ប៝ន​យោបពេ  ​រី ទី​នារ​ងក្លាង​ឞោក ពេត្រោស  ​ហាវ​មឞើស​ឆើម​តា​កាលើ​ច៝រ​ជៃ​រី។ ច៝រ​ជៃ​តា​នតុក​នៃ​ល៝ង់​គៃ​មា​ជាន​ការ​អេងៗ។

Kôranh Oh Mon 10:9 ပူးပေါင်းရင်းမြစ်များ

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

Nau Mprơ Ơm 55:17

Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 32:29

Phung Kaldê dôl rduh tâm lơh đah ƀon aơ mra văch tât su ƀon aơ, su rai lơi lĕ ngih bu nhhơr ndơ ƀâu kah ma brah Baal ta klơ chor jêh ri ƀư ndơ nhhơr nhêt ăn ma brah êng, gay nsônh nuih Gâp.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Mathay 20:5

Klăp lah jât ma bar mông nklang bôk nar, jêh ri ta pe mông mhaơ, păng plơ̆ tay, jêh ri ƀư tâm ban đŏng.

Mathay 24:17

mbu gŭ ta klơ chor ngih, lơi trŭnh sŏk ndơ dŏng tâm ngih;

Mathay 27:45

Ntơm bơh nklang bôk nar tât pe mông mhaơ, geh nau ngo nkŭm lam neh ntu.

Mathay 6:6

Ƀiălah tơlah may mbơh sơm, lăp hom tâm jrô may, nchăng hom mpông, jêh nây mbơh sơm ma Mbơ̆ may, Nơm gŭ tâm ntŭk ndâp; jêh ri Mbơ̆ may, Nơm saơ tâm ntŭk ndâp, mra ăn nau nkhôm ma may.

Markôs 1:35

Tât nar ôi taơ, ƀhit rvi ang, Brah Yêsu dâk, du luh, hăn lăp tâm ntŭk bri rdah jêh ri mbơh sơm ta nây.

Markôs 6:46

Jêh Păng luh tă bơh khân păng, Păng hăn hao ta klơ yôk gay mbơh sơm.

Kôranh Oh Mon 10:3

Klăp lah mông pe kêng măng, tâm du nau tâm saơ, păng saơ rah vah du huê tông mpăr Brah Ndu lăp tâm ngih păng jêh ri lah: “Hơi Y-Kôrnei!”

Kôranh Oh Mon 6:4

Bi hên, hên mra hôm djôt mro kan mbơh sơm jêh ri pah kan ma nau Brah Ndu ngơi.”

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

I Samuel 9:25

Jêh nau nây, khân păng hăn trŭnh tă bơh ntŭk prêh jêh ri lăp tâm ƀon toyh; bi Y-Samuel ngơi lah đah Y-Sôl klơ chor ngih.