Kôranh Oh Mon 10:34 - Nau Brah Ndu Ngơi 2023

³⁴ Y-Pêtrôs ntơm ngơi: “Nanê̆, gâp gĭt năl ma Brah Ndu mâu gŭ du ding ôh,

Bunong Bible Latin Script Cambodian dialect

³⁴ Jêh ri Pêtrôs ntơm ngơi: “Aƀaơ dja lĕ gâp gĭt n'hêl nanê̆ ngăn, Kôranh Brah mâu ôh kơih bunuyh du mpôl dơm,

Bunong

³⁴ ជេសរី​ពេត្រោស  ​នតើម​ងើយ៖ “អាបៃ​អ្យា​លែៈ​គ៝ប់​គឹត​នហេល​នានេៈ​ងាន់ កោរាញ​ឞ្រាស​មោ​អោស​កើយ្ស​ឞូនុយ្ស​ទូ​មពោល​ទើម‌

Kôranh Oh Mon 10:34 ပူးပေါင်းရင်းမြစ်များ

II Nau Rêh Jêng 19:7

Pôri aƀaơ ăn khân may geh nau yơk klach ma Brah Yêhôva, njrăng hom moh nau khân may ƀư, yorlah Yêhôva Brah Ndu he, mâu dơn nau mâu di, gŭ mpeh du ding, mâu lah dơn ndơ bu blŏl.”

Ndrom Samƀŭt bơh Yôp 34:19

N'hơn lah Nơm mâu gŭ nding mpeh ma phung kôranh, Mâu lĕ uănh khlay ma phung ndrŏng âk lơn ma đah phung o ach, Yorlah lĕ rngôch bơh ti Păng rhăk njêng da dê.

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Mathay 5:2

Brah Yêsu pơk nau ngơi nti lah pô aơ:

Luka 20:21

Phung bunuyh nây ôp ma Brah Yêsu: “Hơi Nơm Nti, hên gĭt May ngơi jêh ri nti di ngăn, mâu gŭ ding mpeh ma mbu, ƀiălah nti trong Brah Ndu ma nau di.

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

Kôranh Oh Mon 8:35

Y-Philip ngơi, ntơm bơh ntŭk Nau Brah Ndu Ngơi nây jêh ri nti lah Nau Mhe Mhan Ueh ma nau Brah Yêsu ma păng.

Samƀŭt Pôl Njuăl Ăn Ma Phung Nsing Ta Ƀon Rôm 2:11

Yorlah Brah Ndu mâu gŭ du ding ma bu ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:29

Mâu lah Brah Ndu knŏng jêng Brah Ndu ma phung Yuđa dơm? Mâu di hĕ Păng jêng Brah Ndu ma phung bu năch tâm ban lĕ? Di ngăn, Păng ăt jêng Brah Ndu phung bu năch lĕ;

Galati 2:6

Bi ma phung dơi uănh jêng yơk (kăl e ri khân păng jêng mbu nơm kđôi lĕ, mâu đŏng geh nau tât ma gâp ôh; Brah Ndu mâu gŭ du ding ôh) ri mơ khân păng mâu đŏng ăn ntop ndơ ma gâp.

Êphêsô 6:9

Hơi phung kôranh, ăn khân may ƀư tâm ban lĕ đah khân păng, jêh ri lơi thăm rmat ma khân păng ôh. Khân may gĭt jêh khân may nơm jêh ri khân păng geh du huê kôranh ndrel tâm trôk, jêh ri Păng mâu gŭ du ding ma bu ôh.

Nau Vay Nkah Tay 1:17

Lơi ôh gŭ nding tâm nau phat dôih: gŭ iăt hom nau nơm jê̆ tâm ban nơm toyh đŏng. Lơi klach ôh ma muh măt bunuyh, yorlah nau phat dôih jêng kan Brah Ndu. Nkhêp mâp ma nau dôih jêr ir ma khân may, ăn khân may mbơh ma gâp, gâp mra iăt nau nây.’

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

Kôlôh 3:25

Mbu ƀư nau mâu di mra dơn nau plơng tĭng nâm nau mâu di păng hŏ ƀư jêh, mâu gŭ du ding ôh.

Yakơ 2:1

Hơi phung oh nâu gâp, khân may chroh jêh ma Brah Yêsu Krist, Kôranh Brah he geh nau chrêk rmah, lơi gŭ du ding ôh.

Yakơ 2:4

Kơt nĕ, di lĕ khân may uănh jêng êng êng tâm phung khân may jêh ri phat dôih ma nau mĭn mhĭk nâm bu pônây?

Yakơ 2:9

Ƀiălah tơlah khân may mpơl gŭ du ding, khân may ƀư tih, pôri nau vay tâm rmal khân may tâm ban ma du huê ƀư tih nau vay.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.